ថ្នាក់ដឹកនាំគណបក្សសង្គ្រោះជាតិចុះជួបសំណេះសំណាលជាមួយពលរដ្ឋនៅខេត្តបាត់ដំបង

កាលពីព្រឹកថ្ងៃទី១៤ ខែឧសភា ឆ្នាំ២០១៣ ក្រុមការងារគណបក្សសង្រ្គោះជាតិ ខេត្តបាត់ដំបង បានរៀបចំពិធីសំណេះសំណាល និងសួរសុខទុក្ខប្រជាពលរដ្ឋប្រមាណជាង២០០នាក់ នៅភូមិ​ឆកពោធិ៍ ឃុំឈើទាល ស្រុកបាណន់ ខេត្តបាត់ដំបង ។

នៅក្នុងពិធីនោះ លោក អេង ឆៃអ៊ាង អនុប្រធានគណៈកម្មាធិការនាយកគណបក្ស​សង្រ្គោះ​ជាតិ និងជាសមាជិកព្រឹទ្ធសភា បានស្នើសុំឲ្យបងប្អូនប្រជាពលរដ្ឋពិនិត្យសង្កេតទៅលើគណ​បក្ស​​នយោបាយនីមួយៗ ដែលបានចុះឈ្មោះចូលរួមក្នុងការបោះឆ្នោតតំណាងរាស្រ្ត​ខាងមុខ​នេះ គឺទី១.ប្រវត្តិនៃការកកើតឡើងនៃគណបក្សនយោបាយ រវាងគណបក្សប្រជាជន ដែល​យួន​ជាអ្នកបង្កើត និងគណបក្សសង្រ្គោះជាតិ ដែលកើតចេញពីកម្លាំងអ្នកប្រជាធិបតេយ្យ រួបរួមគ្នារវាងគណបក្ស សម រង្ស៊ី និងគណបក្សសិទ្ធិមនុស្ស ។​ទី២.ពិនិត្យទៅលើគោលនយោ​បាយរបស់គណបក្ស និងទី៣.លក្ខណសម្បត្តិរបស់បេក្ខជននាយករដ្ឋមន្រ្តី (រវាង ហ៊ុន សែន និងលោកប្រធាន សម រង្ស៊ី) ។

បងប្អូនបោះឆ្នោតជូនគណបក្សសង្រ្គោះជាតិ ដើម្បីការពារបូរណភាពទឹកដីនៃព្រះរាជាណា   ច​ក្រកម្ពុជាឲ្យបានគង់វង្ស និងលើកស្ទួយជីវភាពរស់នៅរបស់ប្រជាពលរដ្ឋឲ្យបានសមរម្យ និង​ថ្លៃថ្នូរក្នុងសង្គមប្រជាធិបតេយ្យពិតប្រាកដ ៕