គគ្រឹកគគ្រេងជាងការផ្សព្វផ្សាយឃោសនាពាណិជ្ជកម្មរបស់ក្រុមហ៊ុនឯកជនទៅទៀតគឺនៅតាមបណ្តាខេត្តនានាក្តី និងនៅកណ្តាលរាជធានីភ្នំពេញក្តី រួមទាំងនៅលើស្ពានក្តី ក៏គណបក្សប្រជាជនកម្ពុជា បានលើកស្លាកប៉ាណូធ្វើការផ្សព្វផ្សាយនូវយីហោ និងឥទ្ធិពលអំណាចរបស់ខ្លួនយ៉ាងព្រោងព្រាត។
គោលការណ៍ជាទូទៅរាល់ការផ្សព្វផ្សាយពាណិជ្ជកម្មរបស់បណ្តាក្រុមហ៊ុនឯកជននានានៅលើដងផ្លូវសាធារណៈគឺតម្រូវឲ្យបង់លុយទៅឲ្យអាជ្ញាធរ។
ដោយឡែកក្នុងករណីគណបក្សប្រជាជនកម្ពុជា ដែលជាគណបក្សគ្រប់គ្រងអំណាចផ្តាច់មុខនៅកម្ពុជា ធ្វើការផ្សព្វផ្សាយឃោសនាអំពីយីហោបក្សរបស់ខ្លួននោះមិនដឹងជាបានបង់លុយឲ្យអាជ្ញាធរ ឬបង់លុយឲ្យរដ្ឋដែរឬយ៉ាងណានោះទេ? ឬក៏ចំពោះគណបក្សកាន់អំណាចជាករណីពិសេស មិនចាំបាច់បង់ប្រាក់ក៏បានដែរ ដោយយោងតាមទឹកដីនេះជាទឹកដីរបស់គណបក្សប្រជាជនកម្ពុជា?
អ្នកវិភាគសេដ្ឋកិច្ចបានលើកឡើងថា វាមានការលំបាកណាស់ក្នុងការស្រាវជ្រាវឲ្យដឹងថា តើគណបក្សប្រជាជនកម្ពុជា បង់លុយឲ្យរដ្ឋ ឬក៏អត់ទាក់ទងនឹងការផ្សព្វផ្សាយឃោសនាអំពីយីហោគណបក្សនោះ ពីព្រោះអាជ្ញាធររាជធានី-ខេត្ត ក៏គណបក្សប្រជាជនកម្ពុជា រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុក៏គណបក្សប្រជាជនកម្ពុជា អគ្គនាយកនៃអគ្គនាយកដ្ឋានពន្ធដារក៏គណបក្សប្រជាជនកម្ពុជា ទេសាភិបាលធនាគារជាតិក៏គណបក្សប្រជាជនកម្ពុជា និងអគ្គនាយករតនាគារជាតិក៏គណបក្សប្រជាជនកម្ពុជា… ពោលគឺសុទ្ធតែជាគ្រួសារសែស្រឡាយជាប្រព័ន្ធរបស់គណបក្សប្រជាជនកម្ពុជា ទាំងអស់៕
No comments:
Post a Comment
yes