ពលរដ្ឋបឹងកក់ដុតទីងមោងបូជាយ័ញ្ញ នៅកណ្តាលវាលខ្សាច់នៃអតីតបឹងកក់
ក្រុមអ្នកភូមិបឹងកក់ប្រមាណជាង៥០នាក់ កាលពីព្រឹកមិញ បាននាំគ្នាដង្ហែររូបទីងមោងចំនួន១១ ដោយស្រែកអាក្រោស តាមដងផ្លូវក្នុងសហគមន៍របស់ពួកគេ ក្នុងគោលបំណងយកទីមោង ដែលពួកគេអះអាងថាតំណាងឲ្យក្រុមជនពុករលួយ យកទៅកាត់ទោសដោយដុតបូជាយ័ញ្ញ ដើម្បីរំដោះគ្រោះឩប្បទ្រពចង្រៃ និងនាំមកនូវសិរីសួរស្ដី ព្រមទាំងដំណោះស្រាយពិតប្រាកដ ដល់អ្នកភូមិរបស់ពួកគេ។
លោកចាន់ ពុទ្ធិស័ក្ដិ តំណាងប្រជាពលរដ្ឋមកពីភូមិ១ នៃសហគមន៍បឹងកក់ ដែលនៅមិនទាន់ទទួលបានប្លង់កម្មសិទ្ធិនៅឡើយនោះ បាននិយាយថា តាមគម្រោងនៃការដើរអាក្រោសរូបទីងមោងទាំងនេះ គឺ គ្រោងដើរឆ្ពោះទៅកាន់ទីស្ដីការគណៈរដ្ឋមន្ត្រី ជាទីដែលគណៈប្រតិភូមកពីបណ្ដាប្រទេសចំនួន១២០លើពិភពលោក ដែលជាសមាជិក នៃគណៈកម្មាធិការបេតិកភ័ណ្ឌពិភពលោក កំពុងបើកកិច្ចប្រជុំរួមគ្នា ស្ដីអំពីការដាក់បញ្ចូលទីតាំងប្រវត្តិសាស្ត្រ វប្បធម៌ និងធម្មជាតិ សរុបចំនួន៣១ ក្នុងបញ្ជីសម្បត្តិបេតិកភណ្ឌពិភពលោក ក្នុងនោះក៏មានរាជធានីភ្នំពេញផងដែរ។
ប៉ុន្តែដោយ ក្រុមសមត្ថកិច្ចនគរបាលចម្រុះ បានដាក់កម្លាំងរាប់សិបនាក់បិទគ្រប់ច្រកចេញចូលនៃសហគមន៍នេះ ពួកគេក៏សំរេចចិត្ត យកទីងម៉ោងទាំងនោះទៅកាត់ទោសដោយដុតកំទិចចោលនៅលើវាលខ្សាច់នៃអតីតបឹងកក់។
No comments:
Post a Comment
yes