គណបក្សសង្គ្រោះជាតិនៅថ្ងៃអាទិត្យ ទី១៨ស្អែក គ្រោងនឹងបើកសិក្ខាសាលា បង្ហាញភស្តុតាង និងដំណោះស្រាយនៃភាពមិនប្រក្រតី ថ្ងៃបោះឆ្នោតជ្រើសតាំងតំណាងរាស្ត្រ នីតិកាលទី៥នេះ បន្ទាប់ពីគណៈកម្មាធិការជាតិរៀបចំការបោះឆ្នោត គ.ជ.ប បដិសេធបើកប្រអប់សុវត្ថិភាព ឲ្យផ្ទៀផ្ទាត់ពីតួលេខពិតតាមការទាមទារ។
សេចក្តីប្រកាសព័ត៌មាន របស់គណបក្សសង្គ្រោះជាតិ ផ្សាយនៅថ្ងៃសៅរ៍នេះ បានសរសេរថា ក្រុមការងារបច្ចេកទេសរបស់គណបក្សនេះ និងបង្ហាញភស្តុតាង នៃភាពមិនប្រក្រតីនៅថ្ងៃបោះឆ្នោត និងអំឡុងពេលដំណើរការសវនាការ។ សេចក្តីប្រកាសដដែលបន្ថែមថា នៅក្នុងសិក្ខាសាលានេះ គណបក្សសង្គ្រោះជាតិ គ្រោងនឹងដាក់អនុសាសន៍ដើម្បីរកដំណោះស្រាយ ចំពោះភាពមិនប្រក្រតីនៃការបោះឆ្នោត និងលទ្ធផលបណ្តោះអាសន្នដែលចេញដោយ គណៈកម្មាធិការជាតិរៀបចំការបោះឆ្នោត (គ.ជ.ប)ជាដើម។
គួររំលឹកដែរថា ការគ្រោងបើកសិក្ខាសាលារបស់គណបក្សប្រឆាំងនេះ ធ្វើឡើង បន្ទាប់ពីពួកគេ បដិសេធចំពោះការដោះស្រាយលើពាក្យបណ្តឹង របស់គណបក្សនេះប្តឹងជំទាស់ទៅនឹងលទ្ធផលបោះឆ្នោត បណ្តោះអាសន្នរបស់ គ.ជ.ប ដោយចោទថា គណៈកម្មាធិការនេះ ដោះស្រាយដោយមិនឈរលើនិតិវិធីច្បាប់៕
No comments:
Post a Comment
yes