កម្មករប្រមាណ៤០០នាក់ មកពីរោងចក្រ SL១ ក្នុងសង្កាត់បឹងទំពុន ខណ្ឌមានជ័យ នៅព្រឹកថ្ងៃចន្ទនេះ ប្រមូលផ្តុំគ្នានៅខាងមុខរោងចក្រ ដើម្បីទាមទារលក្ខខណ្ឌការងារ៨ចំណុច ពីថៅកែរោងចក្រ។
អ្នកយកព័ត៌មានរបស់VOD ដែលកំពុងតាមដានស្ថានការណ៍នេះ លោក តាំង វីដា រាយការណ៍មកថា ចំណុចទាំង៨ ដែលកម្មករទាមទារនោះ មានដូចជា ស្នើឲ្យក្រុមហ៊ុនបែងចែកវេនធ្វើការឲ្យបានត្រឹមត្រូវ និងមានការឯកភាព កម្មករកម្មការិនី ស្នើឲ្យក្រុមហ៊ុន ដកកម្លាំងប្រដាប់អាវុធ ចេញពីបរិវេណរបស់ក្រុមហ៊ុន ស្នើឲ្យក្រុមហ៊ុន បើកប្រាក់ឈ្នួលនៅថ្ងៃទី០៧ជារៀងរាល់ដើមខែ ស្នើឲ្យក្រុមហ៊ុន ផ្តល់ប្រាក់ថ្លៃបាយចំនួន៣ដុល្លារ ស្នើឲ្យក្រុមហ៊ុន ពិភាក្សាឡើងវិញរាល់អ្នកដែលពាក់ព័ន្ធនឹងកិច្ចសន្យាម៉ោងការងារថ្មី (ពី១២ម៉ោងមកត្រឹម១០ម៉ោង៣០នាទីវិញ) និងសំណើរលើចំណុចផ្សេងៗទៀត។
កម្មករ បានបិទផ្លូវ៣៧១ ធ្វើឲ្យចរាចរណ៍មានការកកស្ទះ។ រហូតមកដល់ពេលនេះ មិនទាន់មានដំណោះស្រាយណាមួយនៅឡើយទេ៕
No comments:
Post a Comment
yes