ប៊ន សំណាង និង សុក សំអឿន ចេញពីតុលាការកំពូល ថ្ងៃ២៥ កញ្ញា ២០១៣
ការិយាល័យសិទ្ធិមនុស្សនៃឧត្តមស្នងការអង្គការសហប្រជាជាតិ និងអង្គការពលកម្មអន្តរជាតិបានប្រកាសស្វាគមន៍ សាលដីការបស់តុលាការកំពូល ដែលបានបញ្ជាអោយដោះលែង ប៊ន សំណាង និងសុខ សំអឿន ពីការជាប់ពន្ធនាគារម្នាក់ ២០ឆ្នាំ ក្រោមការចោទប្រកាន់ថា បានសម្លាប់អតីតប្រធានសហជីព លោក ជា វិជ្ជា។
នៅក្នុងសវនាការកាលពីថ្ងៃពុធ ក្រុមប្រឹក្សាតុលាការកំពូលបានសម្រេចលើកលែងការចោទប្រកាន់ប្រឆាំងនឹងបុរសទាំងពីរនាក់ ដែលបានជាប់ពន្ធនាគារជាច្រើនឆ្នាំមកហើយ។ យោងតាមសេចក្តីសម្រេចនេះ ការិយាល័យសិទ្ធិមនុស្សនៃឧត្តមស្នងការអង្គការសហប្រជាជាតិ និងអង្គការពលកម្មអន្តរជាតិបានអំពាវនាវអោយមានការចាប់ផ្តើមស៊ើបអង្កេតករណីឃាតកម្មលើរូបលោកជា វិជ្ជា ដើម្បីឈានទៅចាប់ខ្លួនឃាតករពិតប្រាកដមកផ្តន្ទាទោស។
ក្នុងន័យនេះហើយបានជា លោកជា មុនី ប្អូនប្រុសលោក ជាវិជ្ជា បានសម្តែងក្តីអស់សង្ឃឹមថា គ្មានឡើយយុត្តិធម៌សម្រាប់ក្រុមគ្រួសាររបស់លោក។ លោកជា មុនី តាំងពីដើមមកបានប្រកាសថា បុរសទាំងពីរ ប៊ន សំណាង និងសុក សំអឿនគឺជាឃាតករសប្បនិមិត្តដែលគេចាប់មកអោយរងទោសជំនួសឃាតករពិតប្រាកដនោះ។
No comments:
Post a Comment
yes