កងយុទ្ធពលខេមរភូមិន្ទ
ឧត្តមសេនីយ៍ខ្លះនៃជួរកងកម្លាំងការពារជាតិ បានអះអាងថា ពួកគេមានការអន់ចិត្តនឹងលោកនាយករដ្ឋមន្ត្រី ហ៊ុន សែន និងមិនបានបោះឆ្នោតគាំទ្រគណបក្សប្រជាជនកម្ពុជាឡើយ កាលពីការបោះឆ្នោតជាតិឆ្នាំ២០១៣នេះ។
វិទ្យុខ្មែរប៉ុស្តិ៍ដែលផ្សាយតាមប្រព័ន្ធអនឡាញ បានធ្វើបទសម្ភាសន៍ជាមួយបុរសម្នាក់ ដែលអះអាងថា ជាឧត្តមសេនីយ៍ នៃកងយុទ្ធពលខេមរភូមិន្ទ អះអាងថា កងទ័ព ៧០ភាគរយ មិនបានបោះឆ្នោតជូនគណបក្សប្រជាជនកម្ពុជាទេ។ ឧត្តមសេនីយ៍ ដែលមិនបញ្ចេញឈ្មោះរូបនេះ លើកហេតុផលថា ដោយសារពួកគេ អន់ចិត្តនឹងលោកនាយករដ្ឋមន្ត្រី ហ៊ុន សែន ដែលបានដំឡើងឋានៈកូនប្រុសរបស់លោក ទៅជាឧត្តមសេនីយ៍ផ្កាយ៣ និងផ្កាយ១ ក្នុងរយៈពេលតែខ្លី ៖
ឧត្តមសេនីយ៍រូបនេះ អះអាងទៀតថា កងទ័ពការពារព្រំដែនមិនបានទទួលការគិតគូរដូច យុវជនស្ម័គ្រចិត្ត ដែលលោកនាយករដ្ឋមន្ត្រី ផ្តល់ប្រាក់ឧបត្ថម្ភច្រើន និងទៅចូលរួមបុណ្យសព ព្រមទាំងផ្តល់មុខងារឲ្យម្តាយជនរងគ្រោះ ជាទីប្រឹក្សានោះ។
ក្រុមមន្ត្រីជាន់ខ្ពស់នៃក្រសួងការពារជាតិ ដូចជា លោក ទៀ បាញ់ លោក នាង ផាត លោក ម៉ឹង សំផន លោក ជា ដារ៉ា លោកឈុំ សុជាតិ និង លោកកូនប្រុសលោកនាយករដ្ឋមន្ត្រី គឺលោក ហ៊ុន ម៉ាណែត មិនអាចទាក់ទងបានទេ។ ចំណែកលោក ស្រី ឌឹក អះអាងថាជាប់រវល់។ ប៉ុន្តែរដ្ឋខាធិការក្រសួងការពារជាតិ លោក ផាន់ ងួន បានតម្រូវឲ្យអ្នកសារព័ត៌មាននាំឧត្តមសេនីយ៍រូបនោះ ទៅក្រសួងការពារជាតិទើបឆ្លើយសំណួនេះបាន។
ក្រុមអ្នកវិភាគ ក៏យល់ថា ការអះអាងរបស់ឧត្តមសេនីយ៍មិនបញ្ចេញឈ្មោះនោះ មិនអាចយកជាការបានទេ។ លោកបណ្ឌិត សុខ ទូច វិភាគថា នេះគ្រាន់តែយុទ្ធសាស្ត្រនយោបាយ នៅពេលជិតមានបាតុកម្មកើតឡើង៖
លោក អ៊ូ វីរៈ ក៏យល់ថា ការអះអាងរបស់ឧត្តមសេនីយ៍មិនបញ្ចេញឈ្មោះនោះ មិនពិតទេ ហើយអ្វីដែលថា កងទ័ព៧០ភាគរយ ឈប់គាំទ្រលោកនាយករដ្ឋមន្ត្រីនោះ គេពិបាកនឹងវាស់វែង ៖
កាលពីពេលថ្មីៗនេះ ទាហានម្នាក់ប្រចាំការនៅខេត្តព្រះវិហារត្រូវបានមេបញ្ជាការរបស់ខ្លួន ដាក់ពិន័យ ដោយបញ្ឈរជើង បន្ទាប់ពីទាហានរូបនេះ ត្រូវបានគេរកឃើញថា បានទម្លាក់លិខិតអនាមិកមួយ ចូលក្នុងហិបឆ្នោត លាតត្រដាងពីអំពើពុករលួយក្នុងអង្គភាពកងទ័ព៕
ប្រភពពី VOD
No comments:
Post a Comment
yes