កន្លែងដែលគេបង្ហូរទឹកចូលតំបន់បឹងកក់ (រូបភាពដោយ ជន ស្រីណុច)
ប្រជាពលរដ្ឋបឹងកក់ចោទអាជ្ញាធរថា ឃុបឃិតជាមួយក្រុមហ៊នស៊ូការកូអ៊ីន បានបើកទឹកបង្ហូរចូលក្នុងតំបន់ពួកគេរស់នៅកាលពីថ្ងៃសុក្រម្សិលមិញ ធ្វើឲ្យលិចលង់។
ស្ត្រីសកម្មជនដីធ្លីបឹងកក់ អ្នកស្រីទេព វន្នី ប្រាប់VOD នៅព្រឹកថ្ងៃសៅរ៍ ទី១៩ ខែតុលានេះថា ព្រឹកថ្ងៃនេះទឹកកំពុងតែហូររាលដាល ត្រឹមជង្គង់ លិចលង់ក្នុងតំបន់បឹងកក់មួយចំនួន ដូចជា ភូមិ៦ និងភូមិ២២ជាដើម ដោយសារក្រុមអាជ្ញាធរ និងក្រុមហ៊ុនជាអ្នកកាប់បង្ហូរផ្លូវទឹក ដែលមានប្រវែងប្រហែលជាង៣ម៉ែត្រនៅក្រោយក្រសួងព័ត៌មាន ដើម្បីចង់ធ្វើបាបអ្នកភូមិបឹងកក់។
VOD មិនអាចទាក់ទងអ្នកនាំពាក្យសាលារាជធានីភ្នំពេញ លោក ឡុង ឌីម៉ង់ បានទេ ដោយទូរស័ព្ទចូលតែមិនមានអ្នកទទួល ចំណែកអភិបាលរងខណ្ឌដូនពេញ លោក សុខ ពេញវុធ ជំនួយការប្រាប់ថា ជាប់ប្រជុំ។
គួរបញ្ជាក់ថា សហគមន៍បឹងកក់ បានទទួលរងនូវការលិចលង់ បន្ទាប់ពីក្រុមហ៊ុនស៊ូការកូអ៊ីន បូមខ្សាច់ចាក់ពន្លិចបឹងកក់ នៅឆ្នាំ២០០៧ ដោយសាររាជរដ្ឋាភិបាល ជួលដីឲ្យក្រុមហ៊ុនស៊ូកាកូអ៊ីន អភិវឌ្ឍន៍៩៩ ឆ្នាំ៕
No comments:
Post a Comment
yes