(រូបភាពពី Facebook)
គណបក្សសង្គ្រោះជាតិ ប្រមូលបានស្នាមមេដៃប្រជាពលរដ្ឋបានចំនួន១លាន៧សែន គិតត្រឹមព្រឹកថ្ងៃទី១៩ ខែតុលានេះ ដើម្បីស្នើសុំអគ្គលេខាធិការអង្គការសហប្រជាជាតិ និង ប្រទេសជាហត្ថលេខី នៃកិច្ចព្រមព្រៀងទីក្រុងប៉ារីសទាំងអស់ ជួយដោះស្រាយវិបត្តិនយោបាយនៅកម្ពុជា។
ប្រធានស្តីទីគណបក្សសង្គ្រោះជាតិលោក កឹម សុខា បង្ហាញរបាយការណ៍ក្នុងហ្វេសបុករបស់លោកថា ស្នាមមេដៃគិតត្រឹមថ្ងៃទី១៩នេះ ទទួលបាន១លាន៧សែន។ តាមគម្រោងគណបក្សសង្គ្រោះ ជាតិ ប្រមូលឲ្យបានជាង៣លានស្នាមមេដៃត្រឹមថ្ងៃទី២៣តុលា ដើម្បីស្នើសុំអគ្គលេខាធិការ អង្គការសហប្រជាជាតិ និងប្រទេសជាហត្ថលេខី នៃកិច្ចព្រមព្រៀងទីក្រុងប៉ារីសទាំងអស់ ជួយដោះស្រាយវិបត្តិនយោបាយនៅកម្ពុជា ដោយឲ្យអ្នកដឹកនាំប្រទេសកម្ពុជាបច្ចុប្បន្នគោរព និងប្រតិបត្តិឲ្យបានពេញលេញនូវកិច្ចព្រមព្រៀងទីក្រុងប៉ារីស ថ្ងៃទី២៣ខែតុលា ឆ្នាំ១៩៩១។
នៅថ្ងៃទី២៣ ខែតុលា ជាថ្ងៃចាប់ផ្តើមនៃការធ្វើមហាបាតុកម្មលើកទី៣ គណបក្សសង្គ្រោះគ្រោងនឹងហែក្បួននាំយកញ្ញត្តិ ដែលមានភ្ជាប់ស្នាមមេដៃជាង៣លានដាក់ជូន អង្គការសហប្រជាជាតិ តាមរយៈឧត្តមស្នងការអង្គការសហប្រជាជាតិប្រចាំកម្ពុជា៕
No comments:
Post a Comment
yes