លោក សឺន ជុំជួន ប្រធានបណ្តាញយុវជនខ្មែរកម្ពុជាក្រោមបានឲ្យដឹងថា នៅព្រឹកថ្ងៃទី៨ ខែតុលានេះ អង្គការសមាគមខ្មែរកម្ពុជាក្រោម បានដាក់លិខិតជូនដំណឹងទៅសាលារាជធានីភ្នំពេញ ស្តីពីការធ្វើបាតុកម្មនៅមុខស្ថានទូតវៀតណាម ប្រចាំកម្ពុជា នាថ្ងៃទី១៣ ខែតុលា ឆ្នាំ២០១៣ ដើម្បីស្វែងរកយុត្តិធម៌ជូនព្រះសង្ឃ និងប្រជាពលររដ្ឋខ្មែរកម្ពុជាក្រោម ដែលតុលាការវៀតណាមបានកាត់ទោសដាក់ពន្ធនាគារ។
លោកបានបន្តថា ជាមួយគ្នានេះ សហគមន៍ខ្មែរកម្ពុជាក្រោម ក៏បានដាក់លិខិតទៅក្រសួងការបរទេសកម្ពុជា ដើម្បីស្នើសុំពិភាក្សាជួយអន្តរាគមន៍ ដល់ព្រះសង្ឃ ២អង្គ និងប្រជាពលរដ្ឋខ្មែរកម្ពុជាក្រោម ចំនួន ៧នាក់ផ្សេងទៀត ដែលតុលាការវៀតណាម បានកាត់ទោសដាក់ពន្ធនាគារ។
ប្រធានបណ្តាញយុវជនខ្មែរកម្ពុជាក្រោម បានបញ្ជាក់ថា បាតុកម្មនៅថ្ងៃទី១៣ ខែតុលា ឆ្នាំ២០១៣ មានអ្នកចូលរួមប្រមាណជា ២០០នាក់ មានទាំងព្រះសង្ឃ និងប្រជាពលរដ្ឋ។
សូមរម្លឹកថា កាលពីថ្ងៃទី២៦ និងថ្ងៃទី២៧ ខែកញ្ញា ឆ្នាំ២០១៣ តុលាការប្រទេសវៀតណាម បានបើកសវនាការ កាត់ទោសព្រះសង្ឃពីរអង្គ និងប្រជាពលរដ្ឋ ៧នាក់ផ្សេងទៀត ដោយចោទប្រកាន់ពីបទញ្ជូនព័ត៌មាន ចេញទៅក្រៅប្រទេស និងពីបទធ្វើឲ្យប៉ះពាល់ដល់សណ្តាប់ឆ្នាប់សាធារណៈ។ ព្រះសង្ឃ និងពលរដ្ឋខ្មែរកម្ពុជាក្រោមទាំងនោះ ត្រូវបានផ្តន្ទាទោស ដាក់ពន្ធនាគារពី ៦ ខែ ទៅ ២ ឆ្នាំ៕
ប្រភពពី CEN
No comments:
Post a Comment
yes