ក្រសូងធនធានទឹក និងឧតុនិយម បានប្រកាសប្រាប់ពលរដ្ឋខ្មែរ ឲ្យប្រុងប្រយ័ត្ន ពីបន្លាស់ប្ដូរអាកាសធាតុ ដែលពុំធ្លាប់មាន នាតំណាក់កាលចុងក្រោយនេះ នោះគឺ ពីទាបជាង ៣-៥ អង្សាសេ ក្រោមកម្រិតមធ្យម ដែលជាធម្មតា មានកម្រិត ៣០អង្សាសេ នាថ្ងៃទី ២៩ វិច្ឆិកា ខាងមុខនេះ ។
លោក ចាន់ វត្ថា អ្នកនាំពាក្យ និងជានាយខុទ្ទកាល័យ ក្រសួងធនធានទឹក និងឧត្តុនិយមបានថ្លែងប្រាប់ក្រុមអ្នករាយការណ៏ព័ត៌មាន នាថ្ងៃទី២៧ វិច្ឆិកា នេះថា ចាប់ពីថ្ងៃទី ២៩ វិច្ឆិកា ទៅ សីតុណ្ហភាព នឹងចាប់ផ្ដើមធ្លាក់ភ្លាមៗ ក្នុងកម្រិត ៣-៥ អង្សាសេ ដែលអាចធ្វើឲ្យប៉ះពាល់ដល់សុខភាពប្រជាពលរដ្ឋ ។ ហើយចាប់ពីថ្ងៃទី ៣ ធ្នូទៅ ទើបសីតុណ្ហភាព ចាប់ផ្ដើមឡើងជាបណ្ដើរៗ ទៅកាន់ភាពធម្មតាវិញ ។
ប៉ុន្តយ៉ាងណាក៏ដោយ យោងតាមសេចក្ដីប្រកាសព័ត៌មានមួយ របស់ក្រសួងនេះថា នៅក្នុង ខែ ធ្នូ ឆ្នាំ ២០១៣ និង ខែ មករា ដើមឆ្នាំ ២០១៤អាកាសធាតុអាក្រក់ ដែលបង្កពីខ្យល់ មូសុងឦសាន នៅតែបន្តញាំញីកម្ពុជា ពិសេសតំបន់មាត់សមុទ្រ និងខ្ពង់រាប ៕
No comments:
Post a Comment
yes