ជំនួយមនុស្សធម៌ជូនពលរដ្ឋរងគ្រោះដោយទឹកជំនន់
ពិធីដង្ហែបុណ្យកឋិនទាន
ស្តាប់សម្លេង
ថ្នាក់ដឹកនាំគណបក្សសង្គ្រោះជាតិ ផ្តល់ជំនួយមនុស្សធម៌ជូន
ពលរដ្ឋក្រីក្ររងគ្រោះដោយទឹកជំនន់
ថ្នាក់ដឹកនាំគណបក្សសង្គ្រោះជាតិ
ខេត្តបន្ទាយមានជ័យ នៅព្រឹកថ្ងៃទី០៩ វិច្ឆិកា បាននាំយក ជំនួយមនុស្សធម៌ ចុះចែកជូនដល់ប្រជាពលរដ្ឋចំនួន៦០០គ្រួសារ
ស្ថិតនៅក្នុងភូមិយាងឧត្តម ឃុំណាំសាវ ស្រុកភ្នំស្រុក ។
វត្តមានអញ្ជើញចូលរួមក្នុងការចុះចែកជំនួយមនុស្សធម៌
ដែលរួមមានអង្ក ត្រីខ មី និងទឹកស៊ីអ៊ាវ ជាដើម ទទួលបានពីសប្បុរសជនទាំងក្នុង
និងក្រៅប្រទេសរួមមានលោក ឡុង រី ប្រធាន ក្រុមការងារគណបក្សសង្គ្រោះជាតិ
ខេត្តបន្ទាយមានជ័យ លោក យន្ត ថារូ លោក មាជ សុវណ្ណារ៉ា លោក ម៉ែន សុថាវរិន្ទ្រ លោក
នុត រំដួល លោក សុខ អ៊ុំស៊ា ព្រមទាំងក្រុមការងារ ខេត្ត និងស្រុកមួយចំនួនទៀត ។
ពិធីសូត្រមន្តបុណ្យកឋិនទាន
ពិធិវេរប្រគេនកឋិនទានដល់ព្រះសង្ឃវត្តបាលិលេយ្យ
បន្ទាប់មក
នៅរសៀល ថ្ងៃទី០៩ វិច្ឆិកា ថ្នាក់ដឹកនាំគណបក្សសង្គ្រោះជាតិ ខេត្តបន្ទាយមានជ័យ និងធ្វើពិធីសូត្រមន្ត
ចំរើនព្រះបរិត្ត និងមន្តព្រះសង្ឃសម្តែងធម៌ទេសនា អង្គកឋិនទាន
នៅក្នុងបរិវេណផ្សារអគ្គៈ ចំណុចអាសនៈលោកយាយ ម៉ៅ ហើយព្រឹកថ្ងៃទី១០ វិច្ឆិកា ដង្ហែអង្គកឋិនទាន
ទៅវេរប្រគេនព្រះសង្ឃគង់ចាំព្រះវស្សាអស់ត្រីមាស ក្នុងពុទ្ធសីមា វត្តបាលិលេយ្យ
ស្ថិតនៅឃុំក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជាមួយគ្នានោះថ្នាក់ដឹកនាំគណបក្សសង្គ្រោះជាតិ
ខេត្តស្វាយរៀង ដែលរួមមានលោក រៀល ខេមរិន្ទ្រ តំណាងរាស្រ្តជាប់ឆ្នោត
និងជាប្រធានក្រុមការងារគណបក្សសង្គ្រោះជាតិ ខេត្តស្វាយរៀង លោក គង់ សភា
តំណាងរាស្រ្តជាប់ឆ្នោត និងជាអនុប្រធានក្រុមការងារគណបក្សសង្គ្រោះជាតិ
ខេត្តស្វាយរៀង ព្រមទាំងក្រុមការងារគណបក្សខេត្ត ស្រុក និងសមាជិ សាជិកា
គណបក្សជាច្រើនរូបទៀត បានមូលមតិគ្នាផ្តើមធ្វើបុណ្យកឋិនទានសាមគ្គី ដើម្បីដង្ហែអង្គកឋិនទានទៅវេរប្រគេនព្រះសង្ឃគង់ចាំព្រះវស្សាអស់ត្រីមាស
ក្នុងពុទ្ធសីមា វត្តត្រពាំងបន្ទាយចាស់
ស្ថិតនៅក្នុងភូមិមុន្នីព្រឹក្សា
ឃុំត្រស់ ស្រុករមាសហែក ខេត្តស្វាយរៀង ។
កម្មវិធីបុណ្យ
ថ្ងៃអាទិត្យ ៨កើត ខែកត្តិក ឆ្នាំម្សាញ់ បញ្ចស័ក ព.ស ២៥៥៧
ត្រូវនិងថ្ងៃទី១០ ខែ វិច្ឆិកា ឆ្នាំ២០១៣ ម៉ោង៣រសៀល ជួបជុំពុទ្ធបរិស័ទជិតឆ្ងាយនៅទីស្នាក់ការគណបក្សសង្គ្រោះ
ជាតិ ខេត្តស្វាយរៀង ស្ថិតនៅសង្កាត់ចេក ក្រុងស្វាយរៀង ដើម្បីប្រារព្វបទនមស្សកា
ព្រះរតនត្រ័យ សមាទានសីល និមន្តព្រះសង្ឃចំរើនព្រះបរិត្ត និងសម្តែងធម៌ទេសនា ។
លុះព្រឹកឡើងថ្ងៃច័ន្ទ
៩កើត ត្រូវនិងថ្ងៃទី១១ ខែ ឆ្នាំដដែល វេលាម៉ោង៨ព្រឹក ជួបជុំពុទ្ធបរិស័ទ ញាត្តិមិត្ត
ជិតឆ្ងាយ និងភ្ញៀវកិត្តិយស នៅទីស្នាក់ការគណបក្សខេត្ត ដើម្បីដង្ហែអង្គកឋិនទានទៅកាន់វត្តត្រពាំងបន្ទាយចាស់
។ វេលាម៉ោង៩ព្រឹក ដង្ហែអង្គកឋិនទាន ប្រទក្សិណបីជុំព្រះវិហារ
និងវេរអង្គកឋិនទានប្រគេនព្រះសង្ឃជាកិច្ចបង្ហើយបុណ្យ ៕
No comments:
Post a Comment
yes