លោកស្រី យីងឡាក់ នាយករដ្ឋមន្ត្រីថៃ
(រូបភាពពី ហ្វេសប៊ុក Yingluck Shinawatra)
លោកស្រី យីងឡាក់ នាយករដ្ឋមន្ត្រីថៃ ប្រកាសជាថ្មី បើកការចរចាជាមួយក្រុមប្រឆាំង ដោះស្រាយបញ្ហាដែលប្រឈមបញ្ចៀសហិង្សានានា ដើម្បីឲ្យប្រទេសអភិវឌ្ឍន៍ប្រកបដោយ សន្ដិភាព។
ថ្លែងប្រាប់អ្នកសារព័ត៌នៅថ្ងៃសៅរ៍ម្សិលមិញ លោកស្រី យីងឡាក់ លើកឡើងថា លោកស្រីចង់ចរចាជាមួយក្រុមប្រឆាំង ដើម្បីបញ្ចប់វិបត្តិនយោបាយដែលកំពុងកើតមាន។ លោកស្រី ក៏បានបញ្ជាក់ដែរថា ក្រុមគ្រួសាររបស់លោកស្រីមិនចង់កាន់កាប់អំណាចតត្រកូលទេ គឺគ្រាន់តែចង់ធ្វើអ្វី ដើម្បីព្រះមហាក្សត្រនាំយកសន្តិភាព និងការអភិវឌ្ឍន៍សម្រាប់សង្គមជាតិតែ ប៉ុណ្ណោះ។ នេះ បើតាមការចុះផ្សាយរបស់បណ្តាញសារព័ត៌មានបាងកកប៉ុស្តិ៍។
នៅក្នុងសន្និសីទនេះ លោកស្រី យីងឡាក់ ក៏បានបញ្ជាក់ជំហរជាថ្មីថា លោកស្រីនឹងលើកយកច្បាប់លើកលែងទោសដល់អ្នកនយោបាយ ដែលក្រុមបាតុករមានកំហឹងនោះ មក ពិភាក្សាជាថ្មីទៀត ព្រោះលោកស្រីយល់ថា ច្បាប់នោះមានសារសំខាន់ក្នុងការផ្សះផ្សាជាតិ។
ការប្រកាសរបស់លោក យីឡាក់ ធ្វើឡើង ខណៈ លោក ស៊ូថេប មេដឹកនាំបាតុករ កំណត់យកថ្ងៃចន្ទស្អែកនេះ ដើម្បីធ្វើបាតុកម្មជាទ្រង់ទ្រាយធំបញ្ចប់ទាញយកលទ្ធផលចុងក្រោយ ឲ្យលោកស្រី យីងឡាក់ ចុះចេញពីតំណែងដោយមិនមានលក្ខខណ្ឌ៕
No comments:
Post a Comment
yes