គណបក្សសង្គ្រោះជាតិនឹងពិចារណាដាក់ពាក្យបណ្ដឹងទៅកាន់សាលាដំបូងរាជធានីភ្នំពេញ ដើម្បីទាមទារឲ្យអាជ្ញាធរប្រគល់មកវិញនូវសម្ភារៈរបស់ខ្លួន ដែលបានរឹបអូសក្នុងប្រតិបត្តិបោះសំអាតក្រុមអ្នកតវ៉ា គណបក្សសង្គ្រោះជាតិលើទីលានប្រជាធិបតេយ្យកាលពីថ្ងៃទី៤ខែមករាកន្លងទៅ។ គំរោងដាក់ពាក្យប្ដឹងនេះត្រូវបានមន្ត្រីរៀបចំបាតុកម្មគណបក្សសង្គ្រោះជាតិបង្ហើបឲ្យដឹងថា ធ្វើឡើងបន្ទាប់ពីសាលារាជធានីភ្នំពេញព្រងើយកន្តើយចំពោះការស្នើសុំរបស់ខ្លួន។
សំណុំរឿងមេក្រូ បង្គន់ រោង និងសម្ភារៈមួយចំនួនទៀតរបស់គណបក្សសង្គ្រោះជាតិ ដែលត្រូវបានអាជ្ញាធររឹបអូសពីទីលានប្រជាធិបតេយ្យកាលពីថ្ងៃទី៤ ខែមករានោះ ទំនងជាត្រូវឡើងដល់សាលាដំបូងរាជធានីភ្នំពេញ។
លោក ហូរ វ៉ាន់ បានរៀបរាប់ថា៖« យើងបានដាក់សំណើរជូនសាលារាជធានីកន្លះខែមកហើយ តែគ្មានការឆ្លើយតបអ្វីទាំងអស់ ទាំងលិខិត ទាំងតាមទូរសព្ទ។ យើងរង់ចាំពិភាក្សាគ្នាពីបញ្ហានេះជាមួយសាលារាជាធានីមួយរយៈទៀត។ ហើយបើគ្មានការឆ្លើយតបទេនោះ គណបក្សសង្គ្រោះជាតិមានតែដាក់ពាក្យប្ដឹងទៅតុលាការហើយ»។ យ៉ាងណាក៏ដោយ លោកហូរ វ៉ាន់ អំពាវនាវឲ្យសាលារាជធានីដោះស្រាយបញ្ហានេះជូនគណបក្សសង្គ្រោះជាតិ មុននឹងឡើងដល់តុលាការ៕
No comments:
Post a Comment
yes