លោក ប្រែដ អាដាម (Brad Adams) នាយកប្រតិបត្តិតំបន់អាស៊ី
នៃអង្គការឃ្លាំមើលសិទ្ធិមនុស្ស យូមែន រ៉ៃត៍ វច្ឆ៍ (Human Rights Watch)
សេចក្ដីថ្លែងការណ៍របស់អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch = HRW) ដែលចេញផ្សាយនៅថ្ងៃទី២១ មករា បានសរសេរថា ការបោះឆ្នោតមិនត្រឹមត្រូវនៅកម្ពុជា ជំរុញឱ្យមានការតវ៉ា ហើយការបង្ក្រាបអ្នកការពារសិទ្ធិមនុស្ស និងការរឹបអូសយកដីធ្លីនៅតែបន្ត។
នាយកអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ គឺលោក ប្រ៊ែដ អាដាម (Brad Adams) ត្រូវបានស្រង់សម្ដីក្នុងសេចក្ដីថ្លែងការណ៍ថា ពលរដ្ឋកម្ពុជា បានបង្ហាញឆន្ទៈកាន់តែខ្លាំងឡើងៗ ក្នុងការអនុវត្តសិទ្ធិមូលដ្ឋានរបស់គេ ប្រឈមនឹងបក្សកាន់អំណាចគ្មានឆន្ទៈគោរព៖ «ប្រទេសផ្ដល់ជំនួយអន្តរជាតិភាគច្រើនបំផុតដែលជាអ្នកផ្ដល់លុយដល់រដ្ឋាភិបាលជាច្រើន នៅតែជាប់គាំងមើលមិនឃើញអំពើអាក្រក់ ដែលភ្លេចគិតពីអសមត្ថភាពជាសាធារណៈរបស់កម្ពុជា ជាប់គាំងដោយការគ្រប់គ្រងមិនល្អ អំពើពុករលួយ និងការគាបសង្កត់»។
លទ្ធផលផ្លូវការនៃការបោះឆ្នោតខែកក្កដា ឆ្នាំ២០១៣ បានធ្វើឱ្យលោកនាយករដ្ឋមន្ត្រី ហ៊ុន សែន គណបក្សប្រជាជនកម្ពុជា ដែលកាន់អំណាចយូរ មកកាន់អំណាចបន្តទៀត។ ការចោទប្រកាន់ដែលអាចឱ្យជឿបានអំពីភាពមិនប្រក្រតីក្នុងការបោះឆ្នោតចេះតែបន្ត ហើយគណៈកម្មាធិការជាតិរៀបចំការបោះឆ្នោតមិនបានស៊ើបអង្កេត បានធ្វើឱ្យមេបក្សសង្គ្រោះជាតិ លោក សម រង្ស៊ី ដឹកនាំមហាបាតុកម្មជាញឹកញាប់។ កងកម្លាំងសន្តិសុខ បានប្រើកម្លាំងហួសហេតុបង្ក្រាបការតវ៉ា និងភាពចលាចលទាំងនេះ។
No comments:
Post a Comment
yes