លោកកឹម សុខា កំពុងថ្លែងសារនយោបាយទៅកាន់អ្នកគាំទ្រ នៅ
ស្នាក់ការបក្សទីរួមខេត្តកំពង់ធំ នៅថ្ងៃទី២៧ខែមករានេះ (រូបថត ញឹម សុខន)
លោកកឹម សុខា ថ្លែងសារទៅកាន់សមាជិកសមាជិកាគណបក្សសង្គ្រោះជាតិ
(រូបថត កាន់ វិច្ឆិកា)
ប្រធានស្តីទីគណបក្សសង្គ្រោះជាតិ លោក កឹម សុខា នៅព្រឹកថ្ងៃចន្ទនេះ បានប្តូរទីតាំងជួបអ្នកគាំទ្ររបស់ខ្លួននៅស្នាក់ការគណបក្សក្នុងទីរួមខេត្តកំពង់ធំវិញ ដោយខ្លាចមានការរំខានដូចថ្ងៃម្សិលមិញ។
នៅម៉ោងប្រមាណ ១០:៣០នាទីព្រឹកនេះ លោក កឹម សុខា បានជួបជាមួយអ្នកគាំទ្រជាង ៥០០នាក់ នៅទីស្នាក់ការគណបក្ស ដោយគ្មានការរំខាន ប៉ុន្តែមានការឃ្លាំមើលពីសមត្ថកិច្ចខេត្តប្រមាណ ២០នាក់។
បើតាមមន្ត្រីគណបក្សសង្គ្រោះជាតិ ការជួបសំណេះសំណាលជាមួយអ្នកគាំទ្ររបស់អនុប្រធានគណបក្សសង្គ្រោះជាតិ នៅព្រឹកនេះ គ្រោងធ្វើនៅឃុំចុងដូង ស្រុកបារាយណ៍ ប៉ុន្តែត្រូវបានប្តូរទីតាំងទៅកាន់ទីរួមខេត្តកំពង់ធំវិញ ដោយសារបារម្ភខ្លាចកើតមានការរំខានដូចថ្ងៃម្សិលមិញ។
នៅថ្ងៃអាទិត្យម្សិលមិញ លោក កឹម សុខា បានចុះទៅជួបអ្នកគាំទ្រនៅខេត្តកំពង់ចាម តែគម្រោងនោះ ត្រូវរំសាយវិញ ដោយសារមានអ្នកគាំទ្រគណបក្សប្រជាជនកម្ពុជា ចុះទៅរំខាន។ លោក កឹម សុខា ក៏បានឲ្យដឹងថា ក្រោយពីការរំសាយនោះ មានសមត្ថកិច្ចមួយក្រុម ព្យាយាមបើករថយន្តបើកបុករថយន្តលោក ហើយត្រៀមកាំភ្លើងបាញ់សម្លាប់ទៀតផង។ តែអ្នកនាំពាក្យកងរាជអាវុធហត្ថលើផ្ទៃប្រទេសលោក ខេង ទីតូ ច្រានចោលការចោទប្រកាន់របស់លោក កឹម សុខា ហើយថា កម្លាំងសមត្ថកិច្ចមានបំណងការពារសន្តិសុខសណ្តាប់ធ្នាប់តែប៉ុណ្ណោះ៕
No comments:
Post a Comment
yes