មេភូមិបីនាក់ខាងគណបក្សប្រឆាំង ក្នុងខេត្តកំពង់ស្ពឺ ត្រូវបានលោកមេឃុំដកចេញពីតំណែងនៅថ្ងៃទី១៧ កុម្ភៈ ដោយលោកមេឃុំបានបង្ហាញលិខិតដកតំណែងរបស់ក្រសួងមហាផ្ទៃ តែមិនបានបង្ហាញហេតុផល។ ក៏ប៉ុន្តែមន្ត្រីភូមិទាំងនោះអះអាងថា ការដកតំណែងពួកគាត់ គឺទាក់ទងរឿងកាច់កុងគ្នាពីប្រជាប្រិយភាពបក្សនយោបាយក្នុងមូលដ្ឋាន។
មន្ត្រីអង្គការលីកាដូ (Licadho) ប្រចាំខេត្តកំពង់ស្ពឺ លោក អ៊ុង សុមិទ្ធិ ឲ្យដឹងនៅថ្ងៃទី១៩ កុម្ភៈ ថា មេឃុំទួលសាលា ក្នុងស្រុកបរសេដ្ឋ ខេត្តកំពង់ស្ពឺ លោក មាស សាម៉ុន បានដកមេភូមិបីនាក់ ដោយមិនបានប្រាប់មូលហេតុត្រឹមត្រូវ គឺលោក អ៊ុំ នុល មន្ត្រីភូមិស្រែឃ្លេ លោក សៅ គា មេភូមិអូរ និងលោក ណុប ស៊ឺន មេភូមិតាអាំ។
មេឃុំទួលសាលា មានប្រសាសន៍នៅថ្ងៃទី១៩ ខែកុម្ភៈ ថា លោកជាប់ប្រជុំមិនអាចបញ្ជាក់អំពីរឿងដកតំណែងមន្ត្រីភូមិបីនាក់នេះបានទេ។ លោក អ៊ុង សុមិទ្ធិ បន្តថា លោកនឹងសរសេរលិខិតជូនដំណឹងទៅអភិបាលខេត្តកំពង់ស្ពឺ លោក ប៊ូ សំអ៊ួន ខាងគណបក្សប្រជាជន ដើម្បីឲ្យជួយអន្តរាគមន៍រឿងនេះ។
No comments:
Post a Comment
yes