លោក ផាម ប៊ិញមិញ រដ្ឋមន្ត្រីការបរទេសវៀតណាម
(រូបថតពី vietnaz.com)
រដ្ឋមន្ត្រីការបរទេសនៃសាធារណរដ្ឋសង្គមនិយមវៀតណាម នឹងដឹកនាំគណៈប្រតិភូមកចូលរួមក្នុងកិច្ចប្រជុំគណៈកម្មការចម្រុះកម្ពុជា-វៀតណាមលើកទី១៣ ដែលនឹងធ្វើឡើងនៅ រាជធានីភ្នំពេញ នៅដើមសប្តាហ៍ក្រោយ។
សេចក្តីជូនដំណឹងរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ចេញផ្សាយនៅថ្ងៃទី០៣ខែកុម្ភៈនេះ ឲ្យដឹងថា តបតាមការអញ្ជើញរបស់លោក ហោ ណាំហុង រដ្ឋមន្ត្រីក្រសួងការបរទេសកម្ពុជា លោកផាម ប៊ិញមិញ រដ្ឋមន្ត្រីក្រសួងការបទេសវៀតណាម នឹងដឹកនាំគណៈប្រតិភូរបស់លោក មកកាន់ប្រទេសកម្ពុជា រយៈពេល០២ថ្ងៃ ចាប់ពីថ្ងៃទី១០ ដល់ទី១១ ក្នុងខែកុម្ភៈ ខាងមុខនេះ ដើម្បីចូលរួមកិច្ចប្រជុំគណៈកម្មការចម្រុះកម្ពុជា-វៀតណាមលើកទី១៣។ សេចក្តីជូនដំណឹងដដែល បន្តថា កិច្ចប្រជុំនេះ នឹងធ្វើឡើងក្រោមប្រធានបទ កិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា រវាងប្រទេសទាំងពីរ ហើយប្រទេសទាំងពីរកម្ពុជា-វៀតណាម នឹងចុះហត្ថលេខាលើកំណត់ហេតុនៃកិច្ចប្រជុំគណៈកម្មការចំរុះកម្ពុជា-វៀតណាមលើកទី ១៣ ។
សេចក្តីជូនដំណឹងរបស់ក្រសួងការបរទេសបន្តថា ក្រៅពីនោះ រដ្ឋមន្ត្រីការបរទេសវៀតណាម លោក ផាម ប៊ិញមិញ នឹងដឹកនាំគណៈប្រតិភូ ជួបសម្តែងការគួរសមជាមួយប្រមុខរដ្ឋាភិបាលកម្ពុជា លោក ហ៊ុន សែន ផងដែរ៕
No comments:
Post a Comment
yes