ការប៉ះទង្គិចនៅស្ពានស្ទឹងមានជ័យ កាលពីខែវិច្ឆិកា ឆ្នាំ២០១៣
សាលាដំបូងរាជធានីភ្នំពេញ នឹងប្រកាសសាលក្រមទាក់ទងនឹងយុវជនពីរនាក់ ដែលត្រូវបានចាប់ខ្លួន ជាប់ពាក់ព័ន្ធនឹងការប៉ះទង្គិចនៅស្ទឹងមានជ័យ កាលពីខែវិច្ឆិកា ឆ្នាំ២០១៣។
បន្ទាប់ពីតុលាការ បើកសវនាការនៅព្រឹកថ្ងៃអង្គារក្នុងបន្ទប់សវនាការទី៣ ចៅក្រម ឲ្យដឹងថា សាលក្រមនៃសំណុំរឿងនេះ នឹងត្រូវប្រកាសឡើងនៅថ្ងៃទី៣០ ខែឧសភា វេលាម៉ោង៨ព្រឹក។
យុវជនពីរនាក់ ម្នាក់អាយុ១៤ឆ្នាំ និងម្នាក់ទៀតអាយុ១៨ឆ្នាំ ត្រូវបានចាប់ខ្លួនកាលពីថ្ងៃទី១២ ខែវិច្ឆិកា ឆ្នាំ២០១៣ អំទ្បុងការផ្ទុះហិង្សារវាងកម្មកររោងចក្រSL និងកម្លាំងសមត្ថកិច្ច នៅចំណុចស្ពានស្ទឹងមានជ័យ រាជធានីភ្នំពេញ។
តំណាងអយ្យការអមសាលាដំបូងរាជធានីភ្នំពេញ បានចោទអ្នកទាំងពីរពីបទបង្កការខូចខាតដោយចេតនា ដោយមានស្ថានទម្ងន់ទោស បទហិង្សាដោយចេតនា បទជេរប្រមាថ និងបទប្រឆាំងអ្នករាជការសាធារណៈ តាមក្រមព្រហ្មទណ្ឌឆ្នាំ២០០៩៕
No comments:
Post a Comment
yes