លោកប្រធាន សម រង្ស៊ី អញ្ជើញចុះជួបសួរសុខទុក្ខអាជីវករនៅផ្សារអូរឬស្សី

ដោយ៖វីរជន

លោកប្រធាន សម រង្ស៊ី អមដំណើរដោយថ្នាក់ដឹកនាំគណបក្សសង្គ្រោះជាតិ មួយចំនួនទៀត នៅ ព្រឹកថ្ងៃទី២៣ ខែកញ្ញា ឆ្នាំ២០១៥នេះ បានអញ្ជើញចុះទៅសួរសុខទុក្ខបងប្អូនអាជីវករនៅផ្សារ

អូឬស្សី ។

វត្តមានរបស់លោកប្រធាន សម រង្ស៊ី ត្រូវបានទទួលស្វាគមន៏យ៉ាងកក់ក្តៅ ពីសំណាក់បងប្អូនអាជី វករនៅទីនោះ ព្រោះលោកប្រធាន សម រង្ស៊ី គឺជាមេដឹកនាំដែលគិតគូរពីសុខទុក្ខរបស់ពលរ​ដ្ឋ​ដោយមិនថានៅទីណា កន្លែងណា លោកប្រធាន តែងតែអញ្ជើញជួបពលរដ្ឋគ្រប់ពេល ដើម្បីចង់ ដឹងពីទុក្ខលំបាករបស់ពួកគាត់ រួមទាំងការប្រកបរបរកទទួលទានជាដើម ។

ក្រោយទទួលបានព័ត៌មានពីបង្ហាលំបាករបស់ពលរដ្ឋ អាជីវករ លោកប្រធាន សម រង្ស៊ី តែងតែ ជំរុញទៅស្ថាប័នជំនាញដែលពាក់ព័ន្ធ រួមទាំងរដ្ឋាភិបាល ឲ្យមានការយកចិត្តទុក្ខដាក់ដោះស្រាយ ជូនពលរដ្ឋ​ ដើម្បីបំរើជាប្រយោជន៏របស់ពលរដ្ឋ ។

ក្នុងនោះមានទាំងបញ្ហាទំនិញ ប្រេងសាំង ជីកសិកម្មឡើងថ្លៃយ៉ាងគំហុក ដែលជាតម្រូវការប្រើ​ប្រាស់​ប្រចាំថ្ងៃរបស់ពលរដ្ឋគ្រប់រូប មិនត្រូវបានរដ្ឋាភិបាល និងស្ថាប័ន្ធពាក់ព័ន្ធយកចិត្តទុក្ខដាក់ រួម​ទាំងបញ្ហាប្រាក់ខែកម្មករដែលមានកំរិតទាប មិនអាចបំរើដល់ការដោះស្រាយជីវភាព​របស់​ពួក​គាត់​បានជាដើម ។

ក្នុងនោះលោកប្រធាន សម រង្ស៊ី ក៏ធ្លាប់បានមានប្រសាសន៏ហើយថា គណបក្សសង្គ្រោះជាតិ នៅ ពេលដឹកនាំរដ្ឋាភិបាល គណបក្សនិងដោះស្រាយបញ្ហាទាំងនេះជូនពលរដ្ឋ កម្មករ មិនឲ្យពួកគាត់ លំបាកឡើយ ព្រោះបញ្ហាទាំងនេះ មិនមែនជារឿងពិបាកក្នុងការដោះស្រាយនោះទេ គ្រាន់តែ វាស្ថិតនៅលើឆន្ទៈរបស់មេដឹកនាំ ចង់ដោះស្រាយជូនពលរដ្ឋឬយ៉ាងណា ។

ដូច្នេះដើម្បីឲ្យជីវភាពរបស់បងប្អូន រួមទាំងកម្មករមានភាពល្អប្រសើរឡើង សូមចូលរួមទាំងអស់ គ្នា​ជាមួយគណបក្សសង្គ្រោះជាតិ ដែលថ្នាក់ដឹកនាំគណបក្សសង្គ្រោះជាតិ តែងតែគិតគូរពី​បញ្ហា របស់ជាតិ ជីវភាពរស់នៅរបស់ពលរដ្ឋ កម្មករ ដែលកំពុងប្រឈមខ្លាំង ព្រោះគណបក្សសង្គ្រោះ​ជាតិ បានដាក់ចេញជាគោលការណ៏ដោយតម្កល់ផលប្រយោជន៏របស់ជាតិ និងពលរដ្ឋជាធំ ព្រោះ​ជាតិរីកចំរើនជឿនលឿនទៅបាន គឺអាស្រ័យទៅលើមេដឹកនាំដែលចេះគិតគូជីវភាពពលរដ្ឋ និងការបែងចែកថវិការជាតិប្រកបដោយតម្លាភាព រួមទាំងការចេះគ្រប់គ្រងថវិការជាតិឲ្យ​បាន​ល្អប្រសើរផងដែរ ៕