លោកប្រធាន សម រង្ស៊ី លើកពេលវិលមកប្រទេសកម្ពុជា ដោយស្ថានការណ៏មិនអំណោយផល

ដោយ៖វីរជន

ក្រោយពិនិត្យឃើញស្ថានភាពមិនអំណោយផល នៃដំណើរវិលត្រឡប់មកប្រទេសកម្ពុជាវិញ និង​ការពិគ្រោះយោបល់ ជាមួយថ្នាក់នាំគណបក្សសង្គ្រោះជាតិ ក៏ដូចជា​អង្គការអន្តរ​ជាតិ​ទ្រទ្រង់​លទ្ធិ​ប្រជាធិបតេយ្យមួយចំនួន លោកប្រធាន សម រង្ស៊ី សម្រេចក្នុងការលើកពេល​វិល​មក​កាន់​មាតុ​ប្រទេសវិញ កាលពីរាត្រីថ្ងៃទី១៦ វិច្ឆិកា​ ។

ការលើកពេលនេះ ត្រូវបានលោកប្រធាន បង្ហាញហេតុផល ដោយតបតាមការ​ស្នើរបស់ថ្នាក់​នាំ​គណបក្សសង្គ្រោះជាតិ អង្គការអន្តរ​ជាតិ​ទ្រទ្រង់​លទ្ធិ​ប្រជាធិបតេយ្យ ដែលបានអោយ​លោកប្រ​ធាន លកលៃពេលវេលា ក្នុងការ​វិកមកកាន់មាតុប្រទេស ពេលថ្ងៃ ចៀសវាង​ពេល​យប់ និងឲ្យ​លោកប្រធាន​ទុក​ពេល​បន្តិច ដើម្បីអោយមជ្ឈដ្ឋានការទូត និងមិត្តប្រទេសមួយចំនួន មានពេល​ធ្វើ​អន្តរាគមន៍ រកដំណោះ​ស្រាយដោយសន្តិវិធី ចំពោះការកើនឡើងនៃអំ​ពើហិង្សា​ថ្មីៗ​នេះ នៅ​ប្រទេសកម្ពុជា តែទោះយ៉ាងណា លោកប្រធាន នឹងវិលមកដល់ប្រទេសកម្ពុជាវិញ ក្នុង​ពេល​ឆាប់ៗខាងមុខនេះ។

នេះបើយោងតាម Facebook ផ្លូវការណ៏របស់លោកប្រធាន សម រង្ស៊ី បានផ្សព្វផ្សាយជាសារធារ​ណៈ នៅល្ងាចថ្ងៃទី១៦ វិច្ឆិកា ដោយមានការគាំទ្រពីមហាជនទូទៅ ដោយពួគាត់លើកហេតុ​ផល​ថា ជាការបញ្ជៀសហិង្សាណា មួយដែលអាចនិងកើតមានឡើង ក្នុងពេលវេលានោះ ៕    

https://www.facebook.com/rainsy.sam.5/photos/a.521085964614808.1073741829.520708567985881/993388204051246/?type=3&theater