ដោយ៖វីរជន
គណបក្សសង្គ្រោះជាតិ
តែងតែគោរព និងឲ្យតម្លៃបំផុតចំពោះប្រជាពលរដ្ឋខ្មែរអ្នកស្នេហាជាតិ គ្រប់ទិសទី ក្នុងគោលដៅខ្មែរតែមួយ
ធ្វើដំណើរឆ្ពោះទៅរកការបោះឆ្នោត ដើម្បីផ្លាស់ប្តូរ ដោយអហិង្សា សន្តិវិធី រួមទាំងការការពារបូរណភាពទឹកដីអោយបានគង់វង្ស
ផ្តល់អំណាច សិទ្ធិសេរីភាពជូនពលរដ្ឋម្ចាស់ឆ្នោតជាដើម ។
ថ្លែងទៅកាន់ប្រជាពលរដ្ឋ
និងអ្នកគាំទ្រគណបក្សសង្គ្រោះជាតិ រួមទាំងថ្នាក់ដឹកនាំនៃគណបក្ស ក្នុងពិធីរាត្រីស្រមោលស
ក្នុងប្រទេសបារាំង កាលពីរាត្រីថ្ងៃទី១៩ ធ្នូ លោកប្រធាន សម រង្ស៊ី មានប្រសាសន៏ថា គណបក្សសង្គ្រោះជាតិ
មិនដែលរើសអើងប្រជាពលរដ្ឋណាម្នាក់ឡើយ ដែលស្រលាញ់គណបក្សសង្គ្រោះជាតិ និងចង់ផ្តល់ប្រយោជន៏ជូនប្រទេសជាតិរបស់យើង
។
ក្នុងនោះលោកថា
គណបក្សសង្គ្រោះជាតិ នៅតែគោរព សង្គ្រោះ បម្រើ ការពារ ឆន្ទៈរបស់ប្រ ជាពលរដ្ឋ នៃគោលដៅការការពារបូរណៈភាពទឹកដី
ការការពារប្រជាពលរដ្ឋក្រីក្រងរងគ្រោះ ដែលរងការរំលោភបំពានតាមគ្រប់រូបភាព ពីសំណាក់អ្នកមានលុយ
មានអំណាច ក្រុមហ៊ុន និងមន្រ្តីខិលខូចមួយចំនួន ដើម្បីផ្តល់យុត្តិធម៌ជូនពួកគាត់ ។
លោកបន្ថែមទៀតថា
ក្នុងនោះសកម្មជនគណបក្សសង្គ្រោះជាតិ ទាំងអស់ ចាំបាច់ត្រូវប្រកាន់ ភ្ជាប់ធម៌អហិង្សា មិនប្រមាថ
គំគួន ឬធ្វើអោយអ្នកណាម្នាក់មិនសប្បាយចិត្តដោយបុគ្គលយើង ឡើយ ហើយត្រូវចេះជួយ និងសាមគ្គីគ្នាជាសកម្លាំងតែមួយ
ដើម្បីសង្គ្រោះជាតិយើង សម្រាប់នាំមកនូវការផ្លាស់ប្តូរពិត ជាប្រយោជន៏ប្រទេសជាតិ និងប្រជាពលរដ្ឋ
ក្នុងការអភិវឌ្ឍន៏ ប្រទេស អោយមានការរីកចំរើនដូចបណ្តាប្រទេសនានា ។
ជាមួយគ្នានេះ
លោកប្រធាន សម រង្ស៊ី ក៏មិនភ្លេចផងដែរ ក្នុងការជូនពរប្រជាពលរដ្ឋខ្មែរ ទាំងក្នុងនិងក្រៅប្រទេស
ក្នុងឱកាសចូលឆ្នាំថ្មី ឆ្នាំសកល២០១៦ខាងមុខ ទទួលបាននូវអ្វីដែលពល រដ្ឋចង់បាន និងជោគជ័យគ្រប់ប្រការ
ពិសេសពលរដ្ឋរងគ្រោះ កម្មករ កម្មការនី ទទួលបាន
យុត្តិធម៌
រស់ក្នុងសេចក្តីថ្លៃថ្នូរ ក្នុងនាមជាកូនខ្មែរ ។
គួរជំរាបថា
លោកប្រធាន សម រង្ស៊ី និងថ្នាក់ដឹកនាំគណបក្សសង្គ្រោះជាតិ តែងតែយកចិត្តទុក ដាក់ចំពោះប្រជាពលរដ្ឋខ្មែរ
គ្រប់ទីកន្លែង ពិសេសការផ្តល់យុត្តិធម៌ ជូនជនរងគ្រោះ ការផ្តល់សិទ្ធិសេរីភាព លទ្ធិប្រជាធិបតេយ្យពិតប្រាកដជូនពលរដ្ឋ
ការរស់នៅក្នុងជីវភាពសមរម្យ ប្រទេសមានការអភិឌ្ឍន៏ រីកចំរើនជឿនលឿន ការការពារបូរណៈភាពទឹកដីអោយបានគង់វង្សជាដើម្បី
៕
No comments:
Post a Comment
yes