លោក ដេត ប៊ុនថុក អគ្គលេខាធិការនៃអង្គការ YMCA Cambodia បានថ្លែងថា ប្រជាពលរដ្ឋរងគ្រោះដោយទឹកជំនន់ និងកំពុងស្នាក់នៅលើទីទួលសុវត្ថិភាព ក្នុងនោះមានកុមារភាគច្រើននោះ កំពុងប្រឈមមុខនឹងជំងឺផ្ដាសាយ ជំងឺបំពង់ក និងគ្រុនក្ដៅ ដោយសារតែកង្វះអាហាររូបត្ថម្ភ និងថ្នាំពេទ្យ។
លោកបានថ្លែងប្រាប់ភ្នំពេញ ប៉ុស្តិ៍នៅព្រឹកថ្ងៃអាទិត្យនេះនៅអំឡុងពេលលោកចុះចែកជំនួយនៅឯស្រុកកំពង់ស្វាយថា៖ «ប្រជាពលរដ្ឋកំពុងត្រូវការម្ហូបអាហារ និងថ្នាំសង្កូវ ពិសេសកុមារដែលកំពុងប្រឈមមុខនឹងជំងឺឆ្លងផ្សេងៗ»។
អង្គការ YMCA Cambodia បាននាំយកថ្នាំពេទ្យ មុង និងគ្រឿងបរិភោគឧបភោគមួយចំនួន ទៅចែកជូនប្រជាពលរដ្ឋរងគ្រោះដោយទឹកជំនន់នៅស្រុកកំពង់ស្វាយ ខេត្តកំពង់ធំ នៅព្រឹកថ្ងៃអាទិត្យនេះ។
អ្នកស្រី ជា ប៉ុន អភិបាលរងស្រុកកំពង់ស្វាយ បានថ្លែងឲ្យដឹងនៅថ្ងៃអាទិត្យនេះថា សាលារៀនចំនួន ៣០កន្លែងនៅទូទាំងស្រុកនេះ នៅបន្តបិទទ្វារនៅឡើយរហូតមកដល់ថ្ងៃនេះ ដែលធ្វើឲ្យប៉ះពាល់ដល់ការសិក្សារបស់សិស្ស។
អ្នកស្រីថ្លែងថា៖ «យើងចង់ឲ្យបុគ្គលិកសិក្សាបញ្ជូនគ្រូទៅបង្រៀនកុមារតាមតែអាចធ្វើទៅបាននៅតាមទីទួលសុវត្ថិភាព»។ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes