ទូច ណារ៉ុថ “យើងមិនឲ្យព្រឹត្តិការណ៍ដូចឆ្នាំទៅនៅលើស្ពានពេជ្រកើតឡើងទេ”

​​ឧត្តមសេនីយ៍ត្រី ទូច ណារ៉ុថ ស្នងការនគរបាលរាជធានីភ្នំពេញបានមានប្រសាសន៍ទាក់ទងទៅនិង

ព្រះរាជពិធីបុណ្យអុំទូក អកអំបុក បណ្តែតប្រទីបដែលចាប់ផ្តើមពីថ្ងៃទី០៩ ដល់ថ្ងៃ១១ វិច្ឆិកា ដែល

ជិតមកដល់ថា ដូចលោក ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានបញ្ឆាក់​ហើយ

ពិធីបុណ្យអុំទូក និងបុណ្យឯករាជ្យគឺគ្រាន់តែលប់បុណ្យអុំទូកចោលទេ ចំណែកការកំសាន្តសប្បាយ

ផ្សេងៗគឺនៅតែមានដដែលដើម្បីរៀបចំជូនប្រជាពលរដ្ឋ។ ហើយចំពោះកិច្ចការពារសុវត្តិភាពគឺនៅ

ការពារដូចបណ្តាឆ្នាំដែលមានអុំទូក ឆ្នាំនេះបើអត់អុំទូកក៍ប៉ុន្តែកិច្ចការពារគឺដូចបណ្តាឆ្នាំដែលមាន

ពិធីមានបុណ្យអុំទូក។

​ស្នងការនគរបាលរាជធានីភ្នំពេញបានមានប្រសាសន៍បន្តថា ក្នុងពិធីបុណ្យអុំទូកបានរៀបចំពិធី

ការពារជាពីរ ទី១គឺពីធីបុណ្យឯករាជ្យមានការដុតទៀនជ័យព្រឹកថ្ងៃទី០៩ វិច្ឆិកា និងពន្លត់ភ្លើងជ័យ

នៅល្ងាចថ្ងៃទី១១ វិច្ឆិកា គឺបិទផ្លូវ ហើយនិងជម្រាបជូនប្រជាពលរដ្ឋពីការបិទផ្លូវជុំវិញព្រះបរមរាជវាំង 

ផ្លូវលេខ២៤០ ផ្លូវប៉ាស្ទ័រ រហូតទៅដល់ផ្លូវ២៩៤ខាងត្បូងវិមានឯករាជ្យ។ ពីព្រោះបិទផ្លូវនេះមិន

អោយចរាចរទៅមកទេគឺការពារដើម្បីព្រះករុណាយាងដុតទៀនជ័យនៅវិមានឯករាជ្យហើយនិងមាន

ថ្នាក់ដឹកនាំជាន់ខ្ពស់ចូលរួមទាំងអស់។ ហើយការបិទផ្លូវនេះយើងប្រើរយៈពេលជា២ម៉ោង ពេល

ចប់ពិធីបិទអោយធ្វើដំណើរវិញ។ ហើយនៅល្ងាចថ្ងៃទី១១ វិច្ឆិកា ក៍ដូចគ្នាដែរពេលដែលពន្លត់ទៀន

ជ័យហើយបើកដំណើរការឡើងវិញ។ ដោយឡែកកិច្ចការពារសុវត្ថិភាពជូនប្រជាពលរដ្ឋនៅក្នុង

ពិធីបុណ្យអុំទូក៣ថ្ងៃ(ពីថ្ងៃទី៩ ដល់ថ្ងៃទី១១ វិច្ឆិកា)ការពារជាធម្មតា កំលាំងនគរបាលប្រើ៧៧គោល

ដៅ ដើម្បីបិទបើកផ្លូវ បើពេលបុណ្យអុំទូករាល់ដងគឺ៧៧គោលដៅបិទមិនអោយចេញចូលទេទាំង

ឡានម៉ូតូ។ ក៍ប៉ុន្តែឥឡូវនេះអត់មានអុំទូកយើងការពារ៧៧គោលដៅគឺប្រើកំលាំងទាំងនេះសម្រាប់

សម្រួលចរាចរវិញ ដើម្បីកុំអោយមានការកកស្ទះ អនុញ្ញាតអោយមធ្យោបាយចេញចូល ក៍ប៉ុន្តែ

ដោយឡែកកន្លែងកំសាន្តផ្សេងៗប្រជាពលរដ្ឋ និងមកមើលស្ពានថ្មីពីរនៅកោះពេជ្រដែលធ្វើហើយ

និងលេងកំសាន្តនៅឌ្រីនលែន និងកោះពេជ្រដែលមានការប្រគុំតន្ត្រីនៅត្រើយខាងកើតនេះ​ដូច្នេះ

កន្លែងនេះបិទមិនអោយឡានចេញចូលពីផ្លូវរង្វង់មូលសម្តេច ជួន ណាត មកទេ។ ហើយអ្នកដែល

ចង់ឆ្លងទៅកោះពេជ្រមានស្ពានពីរនៅខាងត្បូង ដោយឡែកស្ពានថ្មីដែលប្រជាជនមកមើលច្រើន

បើសិនជាអនុញ្ញាតអោយប្រជាពលរដ្ឋធ្វើមធ្យោបាយចេញចូលអាចមានការកកស្ទះ។

ឧត្តមសេនីយ៍ត្រី ទូច ណារ៉ុថ បានបញ្ឆាក់ថា  “យើងមិនអោយព្រឹត្តិការណ៍ដូចឆ្នាំទៅនៅលើស្ពាន

ពេជ្រកើតឡើងទេ ហើយកំលាំងរបស់យើងដើរការពារប្រជាពលរដ្ឋ ក៍ប៉ុន្តែសំណូមពរដល់ប្រជា

ពលរដ្ឋធ្វើយ៉ាងណាសហការជាមួយយើងខ្ញុំ កិច្ចសហការដែលចង់បានពីប្រជាពលរដ្ឋទី១ សូម

អោយផ្តល់ព័ត៍មានទាន់ពេល នូវសភាពការណ៍ផ្សេងៗដែលគាត់ក្តាប់បានដែលពាក់ព័ន្ធជា

មួយសន្តិសុខសណ្តាប់ធា្នប់សង្គម ទី២ សូមអោយប្រជាពលរដ្ឋចេះប្រយ័ត្នខ្លួនឯងនៅពេលដែលដើរ

លេងកំសាន្ត ក៍ដូចជានៅតាមផ្ទះពីព្រោះយើងមានកំលាំងនគរបាលការពារ ប៉ុន្តែមិនអាចការពារ

គ្រប់គ្នា ឬក៍គ្រប់ខ្នងផ្ទះទេ ដូច្នេះពេលចេញពីផ្ទះត្រូវប្រយ័ត្នជាពិសេសសុវត្ថិភាពផ្ទាល់ខ្លួន ហើយ

និងទ្រព្យផ្ទាល់ខ្លួន ហើយកំលាំងនគរបាលប្រមាណ៥០០០នាក់​សម្រាប់ត្រៀមការពារក្នុងពិធីបុណ្យ

អុំទូករយៈពេល៣ថ្ងៃ”។