បុរសម្នាក់បានវាយសម្លាប់ប្រពន្ធយ៉ាងសាហាវព្រៃផ្សៃបំផុតដោយសារតែសុំប្រពន្ធរួមរ័កមិនបាន ហើយប្រពន្ធបានប្រើល្បិចស្រែកថាចោរៗ ធ្វើឱ្យលោកប្ដីខឹងក៏ទាញដែកបំពង់ទីបវាយសំពងក្បាលរហូតស្លាប់នៅក្នុងថ្លុកឈាម រួចប្រញាប់ប្រញាល់រត់គេចខ្លួន តែត្រូវកម្លាំងនគរបាលស្រុកអង្គស្នួលចាប់ខ្លួន បានបញ្ជូនមកស្នងការដ្ឋាននគរបាលខេត្ដកណ្ដាលកាលពីព្រឹកថ្ងៃទី៧ ខែវិច្ឆិកា ឆ្នាំ២០១១ ។
ហេតុការណ៍ដែលបុរសជាប្ដីវាយ សម្លាប់ប្រពន្ធនេះបានកើតឡើងកាលពី វេលាម៉ោង២២និង៤៥នាទី ថ្ងៃទី៥ ខែ វិច្ឆិកា ឆ្នាំ២០១១ នៅលើផ្ទះជនរងគ្រោះ ស្ថិតក្នុងភូមិត្រញំងភូមិ-ឃុំពើក ស្រុក អង្គស្នួល ខេត្ដកណ្ដាល ។
លោកវរសេនីយ៏ត្រី មាន សំណាង អធិការស្រុកអង្គស្នួលបានឱ្យដឹងថា បន្ទាប់ពីលោកទទួលបានព័ត៌មានស្ដីពី ឃាតកម្មវាយសម្លាប់ស្ដ្រីម្នាក់នៅលើផ្ទះភ្លាម លោកបានដឹកនាំកម្លាំងចុះទៅ ដល់កន្លែងកើតហេតុហើយបានស៊ើប អង្កេតជុំវិញករណីនេះរួច ទើបឈាន ដល់វែកមុខឃាតកបាននៅវេលាម៉ោង១រំលងអធ្រាត្រ ឈានចូលថ្ងៃទី៦ ខែ វិច្ឆិកា ឆ្នាំ២០១១ ។
លោកមាន សំណាង បានបន្ដថា ឃាតកដែលកម្លាំងរបស់លោកចាប់ខ្លួនបាននោះឈ្មោះសួង មាន អាយុ៤៩ឆ្នាំ មានទីលំនៅក្នុងភូមិ-ឃុំកើតហេតុ មុខ របរជាកសិករ ហើយត្រូវជាប្ដីស្ដ្រីរង គ្រោះ ។ ចំណែកស្ដ្រីរងគ្រោះឈ្មោះឆឹល សឿន អាយុ៤៩ឆ្នាំ មុខរបរលក់បាយ និងកាហ្វេត្រូវប្ដីវាយនឹងដែកបំពង់ទីប ចំក្បាលនិងកញ្ចឹងក៣កន្លែងបណ្ដាលឱ្យស្លាប់ភ្លាមៗ ។
ប្រភពពីមន្ដ្រីសមត្ថកិច្ចបានឱ្យដឹងថា ជនសង្ស័យឈ្មោះ សួង មាន និងស្ដ្រីរង គ្រោះដែលជាប្រពន្ធបានរស់នៅផ្ទះមួយម្នាក់ ហើយទាំង២នាក់ប្ដីប្រពន្ធនេះឧស្សាហ៍ ទាស់ទែងគ្នាជាញឹកញាប់ ក៏ព្រោះតែ ប្រពន្ធ(ជនរងគ្រោះ) ស៊ើបដឹងថា លោក ប្ដី(ជនសង្ស័យ)មានស្រីថ្មី ទើបប្រពន្ធ មិនព្រមឱ្យដេកនៅផ្ទះជាមួយ ។ លុះយប់ ថ្ងៃកើតហេតុឈ្មោះសួង មាន បានឡើង ទៅលើផ្ទះដើម្បីសុំប្រពន្ធដេកជាមួយ ប៉ុន្ដែប្រពន្ធមិនព្រមឱ្យដេក ហើយថែម ទាំងស្រែកថាចោរទៀត ខណៈនោះឈ្មោះ សួង មាន បានទាញដែកបំពង់ទីបជ្រុង មានទំហំ៣.៥ស.ម គុណ៤សម ប្រវែង ១.១៥ម៉ែត្រ វាយទៅលើប្រពន្ធត្រូវ ចំក្បាលនិងកញ្ចឹងក៣កន្លែងបណ្ដាលឱ្យ ប្រកាច់ស្លាប់ក្នុងថ្លុកឈាម ។ ពេលនោះ កូនស្រីក៏បានចេញមកទាន់ ហើយជន សង្ស័យជា “ពុកក៏បានរត់គេចខ្លួនទៅ ដេកនៅផ្ទះល្វែងមួយទៀត ដែលនៅពី ក្រោយផ្ទះនោះដែរ។
ក្រោយមកសមត្ថ កិច្ចក៏បានទៅហៅជនសង្ស័យដល់ផ្ទះតែជនសង្ស័យមិនព្រមបើកទ្វារឱ្យដោយធ្វើពុតជាដេកលក់ រហូតដល់ម៉ោង១រំលង អធ្រាត្រឈានចូលថ្ងៃទី៦ ខែឆ្នាំដដែល ទើបជនសង្ស័យព្រមបើកទ្វារឱ្យសមត្ថកិច្ច ហើយសមត្ថកិច្ចក៏បានឃាត់ខ្លួនជន សង្ស័យឈ្មោះ សួង មាន តែម្ដង ។
ជនសង្ស័យឈ្មោះ សួង មាន បានឆ្លើយ សារភាពថា ខ្លួនពិតជាបានយកដែក បំពង់ទីបវាយសម្លាប់ប្រពន្ធប្រាកដមែន ព្រោះតែរូបគេខឹងប្រពន្ធមិនព្រមឱ្យដេកជាមួយ ហើយថែមទាំងស្រែកថា ចោរៗ ទៀតផង ។ ឈ្មោះ សួង មាន បានបញ្ជាក់ ឱ្យដឹងថា រូបគេនិងប្រពន្ធបានរួមរស់ ជាមួយគ្នាមានកូន៥នាក់(ស្រី២)រហូតមកដល់ឆ្នាំ២០០៣ គេមានស្រីផ្សេង ហើយប្រពន្ធស៊ើបដឹងក៏កើតមានទំនាស់ លែងលះគ្នាម្ដងរួចមកហើយ។ រហូត មកដល់ឆ្នាំ២០០៨ពេលដែលគេរកស៊ី គួកជេរដីត្រូវប៉ាន គេក៏បានសង់ផ្ទះល្វែង មួយទៀតនៅខាងក្រោយផ្ទះប្រពន្ធ នៅ ពេលនោះដោយមានកាសម្របសម្រួលពីកូនៗ ទើបប្រពន្ធរបស់គេព្រមយកគ្នា ធ្វើជាប្ដីវិញ ។ ចាប់តាំងពីត្រូវរ៉ូវគ្នា រហូតមកប្រពន្ធរបស់គេមិនដែលឱ្យគេ ដេកនៅជាមួយទេ ។ លុះមកដល់យប់ថ្ងៃ កើតហេតុ គេនឹកចង់ទៅដេកជាមួយ ប្រពន្ធដើម្បីរួមរ័កជាមួយគ្នា តែពេល ទៅដល់ប្រពន្ធបានដេញខ្លួនឱ្យចុះទៅផ្ទះ វិញ ពេលនោះខ្លួនក៏បានស្ទុះទៅឱប តែ ប្រពន្ធបានស្រែកថាចោរៗតែម្ដង ដែល ធ្វើឱ្យខ្លួនកើតមានកំហឹងយ៉ាងខ្លាំង ក៏ស្ទុះ ទៅទាញយកដែកបំពង់ទីបដែលខ្លួនបានកាន់ទៅជាមួយផងនោះវាយទៅលើប្រពន្ធ ៣បំពង់ទីប ។
បច្ចុប្បន្នជនសង្ស័យត្រូវបានកម្លាំង ព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ដកណ្ដាលឃុំខ្លួនជាបណ្ដោះអាសន្ន នៅមន្ទីឃុំឃាំងដើម្បីរង់ចាំបញ្ជូនខ្លួន ជនសង្ស័យទៅតុលាការខេត្ដចាត់ការតាមច្បាប់ ៕
ពីគេហទំព័រ៖ នគរវត្តិ
No comments:
Post a Comment
yes