ពលរដ្ឋកម្ពុជា ៣០ នាក់នោះ ស្ថិតក្នុងចំណោមពលករកម្ពុជា ៦៥ នាក់ បន្ទាប់ពីរដ្ឋាភិបាលឥណ្ឌូ នេស៊ី ចាប់ឃាត់ខ្លួនពលករទាំងនោះ នៅទូកនេសាទរបស់ប្រទេសថៃ។ ប៉ុន្តែដោយមានកិច្ចអន្តរា គមន៍ពីឯកអគ្គរាជទូតកម្ពុជា ប្រចាំនៅឥណ្ឌូនេស៊ី និងមានកិច្ចអន្តរាគមន៍ពីអង្គការទេសន្តប្រវេសន៍អន្តរជាតិ (IOM) ទៅរដ្ឋាភិបាលឥណ្ឌូនេស៊ី ក៏បានព្រមព្រៀងគ្នាថា ពលករកម្ពុជាចំនួន ៣០រូប នឹងបញ្ជូនមកកាន់មាតុប្រទេស នៅថ្ងៃទី៦ ខែធ្នូ ឆ្នាំ២០១១ វេលាម៉ោង ១០ព្រឹក។
ពលករទាំង ៣០ នាក់នោះ ត្រូវបានមន្ត្រីស្ថានទូតកម្ពុជា នៅឥណ្ឌូនេស៊ី និងអង្គការ IOM សហ ការ គ្នាចំណាយថវិកាទិញសំបុត្រយន្ដហោះ បញ្ជូនពួកគេត្រឡប់មកវិញ ចំណែក ៣៥ នាក់ទៀត ក្រ សួងការបរទេស ក៏ដូចជាឯកអគ្គរាជទូកកម្ពុជា ប្រចាំនៅឥណ្ឌូនេស៊ី សហការជាមួយអង្គការ IOM ដើម្បីបញ្ជូនពួកគេត្រឡប់មកវិញនៅពេលបន្ទាប់។
ក្នុងពេលកន្លងមក មានពលរដ្ឋខ្មែរជាច្រើននាក់ ដែលបានចាញ់បោកមេខ្យល់ ទៅធ្វើការនៅក្រៅប្រទេសដោយខុសច្បាប់ ហើយត្រូវបានក្រសួងការបរទេសកម្ពុជា តាមរយៈឯកអគ្គរាជទូតប្រចាំការ នៅតាមបណ្ដាប្រទេសមួយចំនួន តាមរយៈកម្មករទូកនេសាទសមុទ្រនៅក្នុងប្រទេសថៃ សហការជាមួយនឹងអង្គការទេសន្តប្រវេសន៍អន្តរជាតិ(IOM) ជួយអន្តរាគមន៍តាមផ្លូវច្បាប់ បញ្ជូនពួកគេត្រឡប់មកកម្ពុជាវិញ។
ដូចជាកាលពីពេលថ្មីៗនេះ ពលរដ្ឋកម្ពុជាជាង ២០ នាក់ ដែលចាញ់បោកមេខ្យល់នៅប្រទេសថៃ នាំយកទៅធ្វើជាកម្មករនេសាទសមុទ្រ ហើយបានធ្លាក់ខ្លួនទៅដល់ប្រទេសម៉ូរ៉ូទីស ហើយត្រូវបានក្រសួងការបរទេស និងអង្គការ IOM ជួយអន្តរាគមន៍ បញ្ជូនពួកគេត្រឡប់មាតុប្រទេសវិញ ជាមួយ គ្នានោះ ក៏មានប្រជាពលរដ្ឋខ្មែរជាច្រើននាក់ទៀត ធ្វើចំណាកស្រុកទៅកាន់ប្រទេសថៃ ដើម្បីរកការងារធ្វើ បើទោះបីជាពួកគេដឹងថា ត្រូវប្រឈមនឹងហានិភ័យគ្រោះថ្នាក់ស្លាប់បាត់បង់អាយុជីវិតក៏ដោយ។
រដ្ឋាភិបាលបានចេញបញ្ជាឲ្យអាជ្ញាធរតាមព្រំដែន ទប់ស្កាត់ការធ្វើចំណាកស្រុកដោយខុសច្បាប់ ទៅប្រទេសថៃ ប៉ុន្តែវិធានការទប់ស្កាត់ការធ្វើចំណាក់ស្រុក បានតិចតួចបំផុត៕
CEN
No comments:
Post a Comment
yes