ក្រោយការសម្តែងក្នុងសាច់រឿងដោយដើរតួជាប្រពន្ធរបស់លោក ទេព រិនដារ៉ូ មក តារាចម្រៀង ញឹម ចាន់ថន បានសារភាពថា បើនៅក្រៅឆាក ខ្ញុំបានក្លាយជាប្រពន្ធដូចក្នុងរឿងមែន នាងមិនបដិសេធទេ ។
ញឹម ចាន់ថន ជាតារាចម្រៀង និងសម្តែងដែលនិយមស្លៀកពាក់សិចស៊ី ខើចលើខើចក្រោម និងបង្អួតសម្រស់ដើមទ្រូងទ្រលុកទ្រលន់ មិនចាញ់តារាលេងដើមទ្រូងផ្សេងៗ ។ នៅចុងឆ្នាំ២០១១នេះ បានសម្តែងរួមគ្នាជាមួយបុរសសង្ហា ទេព រិនដារ៉ូ ជាតួអង្គប្តីប្រពន្ធ ។ ក្នុងសាច់រឿង តួអង្គទាំងពីរសម្តែងបានសក្តិសម ប្រៀបបីដូចប្តីប្រពន្ធពិតៗ ។
តាមទស្សនាវដ្តីអង្គរធំបានឱ្យដឹងថា ពេលអ្នកយកព័ត៌មានទូរស័ព្ទសាកសួរស្រីស្រស់ ញឹម ចាន់ថន ខណៈដែលនាងបានសម្តែងរឿងចុងក្រោយនេះ ក៏លេចឮថា មិនត្រឹមតែស្និទ្ធស្នាលគ្នានៅក្នុងសាច់រឿងប៉ុណ្ណោះទេ ថែមទាំងមានទំនាក់ទំនងពិសេសនៅក្រៅឆាក តើនេះជាកាពិតឬទេ? ចាន់ថន ប្រាប់ថា "ចាស៎បង ! តាមពិតខ្ញុំ និងបងរ៉ូ សម្តែងជាមួយគ្នាជាច្រើនរឿងមកហើយ ខ្ញុំធ្វើជាប្រពន្ធគាត់រហូតហ្នឹង ខ្ញុំសប្បាយចិត្តណាស់! ចំពោះខ្ញុំ ទោះបីនៅក្រៅឆាក ក៏ខ្ញុំស្រឡាញ់គាត់ដែរ ហើយបើនៅក្រៅឆាក ខ្ញុំបានក្លាយជាប្រពន្ធគាត់ដូចក្នុងរឿង ខ្ញុំមិនបដិសេធទេ មានតែសប្បាយចិត្ត ព្រោះបង ទេព រិនដារ៉ូ ជាបុរសសង្ហាសឹងអីហ្នឹង"!
CEN
នេះជាលើកទី១ហើយ ដែលចាន់ថន សារភាពចង់បានគូគាប់ទ្រនាប់បេះដូង បន្ទាប់ពីបានបែកបាក់ជាមួយសង្សារកាលពីឆ្នាំ២០០៩ ៕
No comments:
Post a Comment
yes