តំណាងរាស្រ្តគណបក្សប្រឆាំង សម រង្ស៊ី រួមជាមួយនិងមន្រ្តីអង្គការក្រៅរដ្ឋាភិបាលទទួចឲ្យកាកបាទក្រហម ផ្តល់អំណោយដល់ពលរដ្ឋបូរីកីឡា

ក្រុមអ្នកឃ្លាំមើលនិងអ្នកវិភាគបានសម្តែងការខកចិត្ត ចំពោះស្ថាប័នកាកបាទក្រហមកម្ពុជា ដែល​គេរក​ឃើញថា មិនបានឆ្លើយតបទៅនឹងតំរូវការចាំបាច់របស់ពលរដ្ឋបូរីកីឡា ដែលរង​គ្រោះ ដោយសារតែខ្វះជំរកនិងស្បៀងអាហារ ដោយសារការបណ្តេញចេញ​ដោយ​បង្ខំ នៅក្នុង​ជម្លោះដណ្តើមដីធ្លីកាលពីកន្លងមក។

បើតា​មគេហទំព័កាកបាទក្រហមកម្ពុជា ស្តីអំពីទ្សនវិស័យរបស់ខ្លួននោះ បានអោយដឹងថា កាក​បាទ​ក្រហមកម្ពុជា ត្រូវបានដាក់បញ្ចូលទៅជាសមាជិក នៃសហព័ន្ឋអន្តរជាតិ ជាលើកទី២ កាលពីឆ្នាំ១៩៩៤ បន្ទាប់ពីបានផ្អាកជាបណ្តោះអាសន្ន ដោយរបបខ្មែរក្រហមរួច​មក។

ក្នុងន័យ​​នេះកាកបាទក្រហមកម្ពុជា មានតួនាទីបំពេញបេសកកម្ម ដោយមិនប្រកាន់គណបក្ស នយោបាយ ដើម្បីកម្មវិធីមនុស្សធម៌សំរាប់ជនរងគ្រោះ។

លោកស្រី ពង់ឈីវកិច នាយកការអង្គការសិទ្ឋិមនុស្សលីកាដូរ បានថ្លែងប្រាប់វិទ្យុក្រៅស្រុក មួយបានអោយដឹងថា កាកបាទក្រហមដែលទទួលជំនួយមនុស្សធម៌ ត្រូវតែបំពេញតួនាទី ដោយមិនរើសអើង ឬប្រកាន់និន្នាការនយោបាយ ឬពណ៌សម្បុរនោះទេ។​លោកស្រី បានហៅ ពលរដ្ឋដែលត្រូវគេជម្លៀសពីតំបន់សហគមន៏បូរីកីឡា ឬតំបន់ផ្សេងៗទៀត ដើម្បីយកដីទៅ អភិវឌ្ឍន៏នេះ ថាជាកតព្វកិច្ចរបស់ភាគីក្រុមហ៊ុន និងភាគីរដ្ឋាភិបាលជាអ្នកទទួលខុសត្រូវ ដោយសារភាគីទាំងពីរនេះ​ជាអ្នកទទួលបានប្រាក់ចំណេញដ៏ច្រើនក្រាល់ក្រែល ពីការ​បណ្តេញ​​នោះ។

សំរាប់លោក ឡៅ ម៉ុងហៃ អ្នកវិភាគឯករាជ្យបានកត់សម្គាល់ថា កាកបាទក្រហមកម្ពុជា ហាក់ មានភាពយឺតយ៉ាវ នៅក្នុងការឆ្លើយតបពីតំរូវការនានារបស់ជនរងគ្រោះ បើទោះបីគោលការ របស់កាកបាទក្រហមបានចែងថា មិនត្រូវរើសអើងយ៉ាងណាក្តី។

ជាមួយគ្នាណោះតំណាងរាស្រ្តគណបក្សប្រឆាំង សម រង្ស៊ី បានមើលឃើញថា កាកបាទ​ក្រហម​កម្ពុជា ដែលទទួល ជំនួយមនុស្សធម៌ពីសម្បុរសជនជាតិ និងអន្តរជាតិនោះ មានភាព​លំ​អៀងទៅរកគណបក្ស កាន់អំណាច ទើបធ្វើមិនដឹងមិនឮ ចំពោះអឌិតពលរដ្ឋបូរីកីឡា ដែល​កំពង់​មានជំងឺ ខ្វះស្បៀ ងអាហារនិងទីជំរកជាដើមនោះ។

បើយោងតាមរបាយការណ៏របស់គណបក្ស សម រង្ស៊ី បង្ហាញថា យ៉ាងហោច​ណាស់​មាន​ពល​រដ្ឋ​ ចំនួន២៥ម៉ឺនគ្រួសារ ឬជាង១លាននាក់ ដែលរង​គ្រោះដោយ​សារជម្លោះ​ដីធ្លីនៅ​ក្នុងរ​យះ​ពេល​ នៃការដឹកនាំប្រទេសរបស់គណបក្សកាន់អំណាច នាពេលចុងក្រោយនេះ ដែលគេកត់​សម្គាល់​​​ឃើញថា ពលរដ្ឋទាំងនោះ ពុំដែលទទួលបាន​អំណោយ​ពីកាក​បាទ​ក្រហម​កម្ពុជា​នោះ​ទេ។​