ទុក្ខលំបាករបស់ប្រជាពលរដ្ឋ និងកម្មករ កម្មការិនី គឺជាទុក្ខលំបាករបស់គណបក្ស សម រង្ស៊ី

នៅក្រោយសន្និសញ្ញាសន្តិភាពទីក្រុងប៉ារីស ឆ្នាំ១៩៩៣ អ្នកវិនិយោគទន់ជាច្រើនបានសំរុកនាំគ្នា មករកទីផ្សារអាជីវកម្មនៅក្នុងប្រទេសកម្ពុជា ជាពិសេសគឺនៅក្នុងវិស័យកាត់ដេរ ។

ភាពអំណោយផលនៃប្រាក់ឈ្នួលពលកម្ម និងការអនុគ្រោះពន្ធនៅក្នុងវិស័យនេះ បានធ្វើឲ្យរោង ចក្រកាត់ដេរកាន់តែមានកំណើនកើនឡើងជារៀងរាល់ឆ្នាំ ហើយបានស្រូបយកកម្លាំពលកម្មពី កម្មករមកពីតាមបណ្តាលខេត្តនានា នៅទូទាំងប្រទេសកម្ពុជាកាន់តែច្រើនឡើងៗផងដែរ ។

ជាមួយគ្នានោះកម្មករគឺជាកម្លាំងចលករស្នូលដ៏រឹងមាំ សម្រាប់បង្កើតគ្រឹះសេដ្ឋកិច្ចជាតិ ដែលបាន ចូលរួមចំណែកផ្តល់ប្រាក់ចំណូលប្រមាណ៣ពាន់លានដុល្លាក្នុងមួយឆ្នាំៗ ។ ហើយកម្មករដែល បានចូលរួមចំណែកច្រើនជាងគេក្នុងការលើកកំពស់ប្រាក់ចំណូលជាតិ គឺឋិតនៅក្នុងវិស័យកាត់ ដេរ ដែលមានកម្មករជាង៣០ម៉ឺននាក់នៅទូទាំងប្រទេស ក៏ប៉ុន្តែរហូតមកដល់ពេលនេះ ស្ថាន ភាពរបស់ក​ម្មករកាត់ដេរ នៅតែស្ថិតនៅក្នុងបរិយាយកាសដែលមានការជិះជាន់ គ្មានសិទ្ធិសេរី ភាព និងទទួលបានប្រាក់ចំណូលដ៏តិចតួចស្តួចស្តើងជាទីបំផុត ។

រដ្ឋាភិបាលបានបាត់បង់តួនាទី ក្នុងការការពារសិទិ្ធសេរីភាព ការបង្ករបរិយាកាសការងារ​សម​ស្រប និងការគិតពីប្រាក់ចំណូល របស់កម្មករ ផ្ទុយទៅវិញរដ្ឋាភិបាល បែជាបានចូល​រួមធ្វើឲ្យ​សិទ្ធិសេរីភាព និងបរិយាកាសការងារសមស្របនេះ ត្រូវបានរឹតត្បិត ដោយឃុបឃិតជាមួយ​និង​ថៅកែរោងចក្រ ខិលខូចទៅវិញ ។

សូមជំរាបផងដែរថា នៅឆ្នាំ១៩៩៥ កម្មករ កម្មការិនី ត្រូវបានគេបង្ខំឲ្យធ្វើការងារចាប់ពី១២ម៉ោង ទៅដល់១៨ម៉ោងក្នុង១ថ្ងៃ ដោយទទួលបានប្រាក់ឈ្នួល ត្រឹមតែ២៧ដុល្លាប៉ុណ្ណោះក្នុង១ខែ ។ ហើយមួយវិញទៀត ការបើកប្រាក់ខែនោះវិញគឺមិនទៀងទាត់ កម្មករ កម្មការិនី ត្រូវបានទទួលរង នូវការគំរាមកំហែង បំបិទសិទ្ធិសេរីភាព មិនឲ្យធ្វើការតវ៉ា ពោលគឺកម្មករ កម្មការិនី ត្រូវបានក្រុម

ថៅកែបង្ខំឲ្យទទួលយកលក្ខណ្ឌការងារដ៏លំបាកបែបនេះ ដោយគ្មានការយកចិត្តទុកដាក់ពីរដ្ឋា ភិបាលឡើយ ។

នៅក្នុងអំឡុងឆ្នាំ១៩៩៦ ដោយមានការអាណិតអាសូរដល់កម្មករ កម្មការិនី លោក សម រង្ស៊ី ក្នុង ឋានៈជាប្រធានគណបក្ស ជាតិខ្មែរ លោកបានដឹកនាំកម្លាំងកម្មករ ធ្វើការតវ៉ា និងបានជួយកម្មករ ក្នុងការបង្កើតឲ្យមានសហជីពដំបូងគេ គឺនៅថ្ងៃទី១៥ ខែធ្នូ ឆ្នាំ១៩៩៦ ដែលមានឈ្មោះថា សហជីពសេរីកម្មករ ដែលមានលោក ជា វិជ្ជា ធ្វើជាប្រធានកាលណោះ ។ ដោយបានធ្វើការតវ៉ា ដោយជោគជ័យគឺទាមទារឲ្យមានការតម្លើងប្រាក់ខែជូនកម្មករ កម្មការិនី ពី២៧ដុល្លា រហូតដល់ ៣៧ដុល្លា នៅក្នុងឆ្នាំនោះ ។

ជាមួយគ្នានោះនៅក្នុងការបង្កើតសហជីពសេរីកម្មករ គឺដើម្បីឲ្យកម្មករចូលរួមកំលាំងគ្នា ធ្វើការ តស៊ូលើកកំពស់លក្ខណ្ឌការងាររបស់ខ្លួន និងដើម្បីឲ្យមានការគោរពសិទ្ធិសេរីភាពរបស់កម្មករ កម្មការិនី ។ សហជីពសេរីកម្មករ បានដើរតួនាទីជាអ្នកតាមដានឃ្លាំមើល ការគោរពសិទ្ធិកម្មករ ជាអ្នកអប់រំណែនាំដល់កម្មករឲ្យបានជ្រួលជ្រាបពីសិទ្ធិក្នុងការធ្វើការងារ សិទ្ធិក្នុងការចូលរួម សិទ្ធិ ក្នុងការចងក្រងគ្នាជាក្រុមដើម្បីការពារផលប្រយោជន៏ដល់កម្មករ ជាអ្នកទាមទារក៏មានប្រសិទ្ធ ភាពក្នុងការតបត ចំពោះការជិះជាន់ពីសំណាក់ថៅកែខិលខូច មកលើកម្មករជាដើមនោះ ។

ដោយមានការខិតខំតស៊ូរបស់សហជីពសេរីកម្មករ និងគណបក្ស ជាតិខ្មែរ បើទោះបីជាមានការ គំរាមកំហែង ប៉ុនប៉ងសម្លាប់យ៉ាងណាក៏ដោយ គឺកម្មករ កម្មការិនីទទួលបានជោគជ័យដ៏ធំធេង ក្នុងប្រវត្តិសាស្រ្តតស៊ូរបស់ខ្លួន គឺការកើតមានច្បាប់ការងារមួយដ៏សមរម្យនៅឆ្នាំ១៩៩៧ ដើម្បី ការពា និងលើកកំពស់សិទ្ធិសេរីភាពដល់កម្មករ កម្មការិនី ។ នៅឆ្នាំ១៩៩៧ ដ៏ដែល បន្ទាប់ពីមាន ការបង្កើតច្បាប់ការងារ កម្មករ កម្មការិនីបានធ្វើការតវ៉ាជាថ្មីទាមទារឲ្យមានការតម្លើងប្រាក់ខែ គោលជូនកម្មករ កម្មការិនី  ដែលបានកើនឡើងរហូតដល់៤០ ដុល្លា ។

គណបក្ស ជាតិខ្មែរ បានប្រែក្លាយមកជាគណបក្ស សម រង្ស៊ី នៅឆ្នាំដដែល ប៉ុន្តែឆន្ទះ និងការតស៊ូ របស់គណបក្ស សម រង្ស៊ី គឺនៅដដែលដោយពុំមានការផ្លាស់ប្តូរ គឺបានចាត់ទុក « ការលំបាក របស់ប្រជាពលរដ្ឋ ជាពិសេសគឺកម្មករ កម្មការិនី គឺជាទុក្ខលំបាករបស់គណបក្ស សម រង្ស៊ី » ដែលត្រូវតែធ្វើការតស៊ូ រើបំរះ ដើម្បីនាំមកនូវការផ្លាស់ប្តូរ ។ ហើយនៅឆ្នាំ១៩៩៨ គណបក្ស សម រង្ស៊ី និងកម្មករបានចូលរួមធ្វើការតវ៉ាទាមទារប្រាក់ខែគោលបន្ថែមទៀត គឺបានកើនចំនួន៥ដុល្លា សរុមកម្មករ កម្មការិនីទទួលបានប្រាក់ខែគោលចំនួន៤២ដុល្លាក្នុង១ខែ ។

នៅឆ្នាំដដែលនោះគណបក្ស សម រង្ស៊ី បានចូលរួមក្នុងការបោះឆ្នោតថ្នាក់ជាតិជាលើកដំបូងរបស់ ខ្លួនគឺទទួលបានសម្លេងនៃការគាំទ្រចំនួន១៥អសនះនៅក្នុងរដ្ឋសភា ។ ដែលធ្វើឲ្យសម្លេងនៃការ តវ៉ាជូនប្រជាពលរដ្ឋ និងកម្មករក៏កាន់តែមានចំនួនស្វិតស្វាញលើសដើម ។ ហើយនៅឆ្នាំ២០០៣ គណបក្ស សម រង្ស៊ី បានចូលរួមបោះឆ្នោតលើកទី២របស់ខ្លួនគឺបានទទួលចំនួន២៤អសនៈ និង នៅកាលបោះឆ្នោតឆ្នាំ២០០៨ គណបក្ស សម រង្ស៊ី ទទួលបានការគាំទ្រពីប្រជាពលរដ្ឋ និងកម្មករ កើនដល់ចំនួន២៦អសនៈនៅក្នុងរដ្ឋសភា ។

គោលនយោបាយរបស់គណបក្ស សម រង្ស៊ី គឺមានការគាំទ្រច្រើនពីប្រជាពលរដ្ឋ និងកម្មករ ហើយនៅពេលដែលគណបក្ស សម រង្ស៊ី ដឹកនាំប្រទេសគឺគណបក្ស សម រង្ស៊ី មានគំរោងតម្លើង ប្រាក់ខែជូនដល់កម្មករយ៉ាងតិចចំនួន១៣០ដុល្លា និងជួយការពារសិទ្ធិសេរីភាពគ្រប់ប្រភេទជូន ប្រជាពលរដ្ឋខ្មែរ មិនឲ្យរស់នៅវេទនាដូចសព្វថ្ងៃនេះឡើយ ។ គណបក្ស សម រង្ស៊ី និងបង្កើន​ប្រាក់ខែជូនមន្រ្តីរាជការ ប៉ូលីស ទាហាន និងកងប្រដាប់អាវុធគ្រប់ប្រភេទ ដើម្បីធ្វើយ៉ាង​ណាឲ្យ​ការរស់នៅរបស់ពួកគាត់បានសមរម្យនិងថ្លៃថ្នូរ ។ បើគ្មានការប្រព្រឹត្តិអំពើពុករលួយ លួចកិបកេង​ថវិការជាតិ ហើយផ្អែកលើធនធានដែកកម្ពុជាមានដូចសព្វថ្ងៃនេះ ការបង្កើនប្រាក់ចំណូល​ ជូន​កម្មករ កម្មការិនី និងមន្រ្តីរាជការ គឺពិតជាអាចធ្វើបានដោយទទួលបានជោគជ័យ ដោយគ្រាន់​តែ​មានឆន្ទះនយោបាយពិតប្រាដកនោះ ។ ផ្ទុយទៅវិញបើទោះបីជាត្រូវប្រើប្រាស់អស់​ធនធាន

ដែលមានសព្វថ្ងៃក៏ប្រជាពលរដ្ឋខ្មែរមិនអាចមានជីវភាពប្រសើរនោះដែរ បើមានការបើកដៃ​និង​ចូលរួម ប្រព្រឹត្តិអំពើពុករលួយកាន់តែច្រើនឡើងៗដូចសព្វថ្ងៃនេះ ។ ដូចនេះជំរើសសម្រាប់បង​ប្អូនប្រជាពលរដ្ឋ គឺមានតែគណបក្ស សម រង្ស៊ី តែមួយប៉ុណ្ណោះដែលជាក្តីសង្ឃឹមរបស់រាស្រ្តខ្មែរ ដើម្បីឲ្យគណបក្សប្រឆាំងមួយនេះដឹកនាំប្រទេសមានការរីកចំរើនពិតប្រាកដលើគ្រប់វិស័យ និង​គ្មានការរំលោភសិទ្ធិពលរដ្ឋ ការរំលោភដីធ្លី ផ្ទះសម្បែង និងការពារសម្បត្តិធនធាន​ធម្មជាតិ​របស់​យើង ។

ដូចនេះនៅថ្ងៃបោះឆ្នោតឃុំ-សង្កាត់ ថ្ងៃទី០៣ ខែមិថុនា ឆ្នាំ២០១២ និងការបោះឆ្នោតថ្នាក់ជាតិ​នៅឆ្នាំ២០១៣ សូមបោះឆ្នោតជូន​គណបក្ស សម រង្ស៊ី ដែនមានរូបសញ្ញា « ទៀនមានពន្លឺ » កុំបី​ខាន ៕