មេឃុំ-ចៅសង្កាត់ ចាំផ្ទះរបស់គណបក្សប្រជាជន ប្រញាប់ជ្រើសរើសមេភូ អនុប្រធានភូមិ និងសមាជិកភូមិ ព្រោះដើម្បីពង្រឹងអំណាច និងការពារផលប្រយោជន៏ឲ្យគណបក្សប្រជាជន

គណបក្សប្រឆាំងពីរដែលជិតនិងឈានចូលដល់ការចរចារចាប់ដៃគ្នាធ្វើការបង្រួមជាសម្លែងតែ មួយ កាលពីថ្ងៃទី២៨ ខែមិថុនា ឆ្នាំ ២០១២ បានសរសេរលិខិតរួមគ្នាមួយដាក់ជូនទៅលោក ស ខេង រដ្ឋមន្រ្តីក្រសួងមហាផ្ទៃ ដោយសុំចាត់វិធានការចំពោះមេឃុំ-ចៅសង្កាត់-ក្រុមប្រឹក្សាឃុំ-សង្កាត់ ដែលបានរំលោភលើនីតិវិធី នៃការតែងតាំមេភូមិ អនុប្រធានភូមិ និង សមាជិកភូមិ ដែលសុទ្ធតែជាសមាសភាពរបស់គណបក្សប្រជាជនកាន់អំណាច ។

នៅក្នុងលិខិតដែលចុះហត្ថលេខាដោយលោកស្រី កែ សុវណ្ណរតន៏ អគ្គលេខាធិការរបស់គណ បក្ស សម រង្ស៊ី និងលោក ញ៉ែម បុញ្ញាឬទ្ធិអគ្គលេខាធិការគណបក្ស សិទ្ធិមនុស្ស គឺបានយោង​ទៅលើសេចក្តីណែនាំលេខ០០៤ ស.ណ.ន ចុះថ្ងៃទី១៧ ខែមីនា ឆ្នាំ២០០៦ ស្តីពីបែបបទ នីតិវិធី នៃការជ្រើសរើសមេភូមិ ការចូលកាន់តំណែង ការផ្លាស់ប្តូរមេភូមិ ការតែងតាំងជំនួយការភូមិ និងតួនាទី ភារកិច្ច របៀបរបប ធ្វើការងាររបស់ភូមិ ។

ជាមួយគ្នានោះអគ្គលេខាធិការនៃគណបក្សទាំងពីរក៏បានធ្វើការជំរាបទៅលោក ស ខេង ផងដែរ ថា មានមេឃុំ-ចៅសង្កាត់-ក្រុមប្រឹក្សាឃុំ-សង្កាត់ មួយចំនួនបានរៀបចំធ្វើការជ្រើសរើសមេភូមិ ក្រោយថ្ងៃប្រកាសលទ្ធផលជាផ្លួវការរបស់គណកម្មាធិការជាតិរៀបចំការបោះឆ្នោតថ្ងៃទី២៤ ខែ មិថុនា ឆ្នាំ២០១២ ។ អគ្គលេខាធិការនៃគណបក្សទាំងពីរបានហៅទង្វើរបែបនេះរបស់មេឃុំ-ចៅ សង្កាត់-ក្រុមប្រឹក្សាឃុំ-សង្កាត់ទាំងនោះថាគឺជាការរំលោភទៅលើនីតិវិធី និងគោលការណ៏ច្បាប់ យ៉ាងធ្ងន់ធ្ងរជាទីបំផុត ។ ដូចនេះហើយបានជាអគ្គលេខាធិការនៃគណបក្សប្រឆាំងទីពីរ បានធ្វើ​ការស្នើសុំឲ្យលោក ស ខេង រដ្ឋមន្រ្តីក្រសួងមហាផ្ទៃចាត់វិធានការលើមេឃុំ-ចៅសង្កាត់-ក្រុមប្រឹ ក្សាឃុំ-សង្កាត់ ដែលប្រព្រឹត្តិល្មើសច្បាប់ និងផ្អាកការទទួលស្គាល់ ដោយរង់ចាំការស្នើសុំតែង​តាំងមេភូមិ អនុប្រធានភូមិ និងសមាជិកភូមិថ្មី តាមរយៈមេឃុំ-ចៅសង្កាត់-ក្រុមប្រឹក្សាឃុំ-សង្កាត់ ដែលទើបជាប់ឆ្នោតនិងដាក់សុំណើរជូនឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ។

លោកស្រី កែ សុវណ្ណរតន៏ អគ្គលេខាធិការគណបក្ស សម រង្ស៊ី បានបញ្ជាក់បន្ថែមពីលើលិខិត

របស់លោកស្រីដែលបានដាក់ជូនទៅលោក ស ខេង យ៉ាងដូចនេះថា ការប្រកាសតែងតាំងមេ ភូមិ អនុភូមិ និងសមាជិកភូមិ ដោយក្រុមប្រឹក្សាឃុំចាំផ្ទះរបស់គណបក្សប្រជាជន ដោយមិនមាន​ការចូលរួមពីគណបក្សដទៃជាពិសេសគឺគណបក្ស សម រង្ស៊ី ដែលក្រុម​ប្រឹក្សា​​ឃុំ-សង្កាត់ ថ្មីទើប​តែប្រកាសមិនទាន់ចូលកាន់ដំណែងនោះគឺជាការខុសទៅនិងនីតិវិធីទាំងស្រុង ។

លោកស្រីអគ្គលេខាធិការ កែ សុវណ្ណរតន៏ បានមានប្រសាសន៏បញ្ជាក់ប្រាប់បន្ថែមទៀតថា មេភូមិ អនុប្រធានភូមិ និងសមាជិកភូមិ គឺជាតំណាងឲ្យប្រជាពលរដ្ឋនៅក្នុងភូមិរបស់ខ្លួន ​ដើម្បីជួយ​សំ​រួល​ការងាររបស់ប្រជាពលរដ្ឋនៅក្នុងមូលដ្ឋាន ដោយហេតុដូចនេះហើយបានជាមេឃុំ-ចៅ សង្កាត់-ក្រុមប្រឹក្សាឃុំ-សង្កាត់ចាំផ្ទះរបស់គណបក្សប្រជាជនគេធ្វើយ៉ាងប្រញាប់ប្រញាលក្នុងការ តែងតាំងមេភូមិ អនុប្រធានភូមិ និងសមាជិកភូមិបែបនេះទាំងខុសនីតិវិធី គឺជាចេតនារបស់គេ ព្រោះដោយសារតែគេចង់ពង្រឹងបណ្តាញរបស់ខ្លួននៅក្នុងឃុំ-សង្កាត់នោះឲ្យកាន់តែមានភាពរឹង មាំដែលវាផ្ទុយទៅនិងច្បាប់ឆោះឆ្នោត ផ្ទុយទៅនិងវិមជ្ឈកាលនៅមូលដ្ឋាន ។ លោកស្រីបានមាន ប្រសាសន៏បន្តទៀតថា ការកើតមានឡើងថ្នាក់ដឹកនាំទាំងអស់ គឺត្រូវតែកើតឡើងតាមឆន្ទៈរបស់ ប្រជាពលរដ្ឋដោយស្របទៅនិងលក្ខណៈប្រជាធិបតេយ្យ ហើយការប្រញាប់ប្រញាលពីសំណាក់ ក្រុមប្រឹក្សាឃុំ-សង្កាត់របស់គណបក្សប្រជាជនបែបនេះ គឺដោយសារតែពួកគេមានការព្រួយបារម្ភ ថាមេភូមិ ដែលកើតឡើងពីសមាជិកក្រុមប្រឹក្សាឃុំ-,សង្កាត់ថ្មីដែលទើបជាប់ឆ្នោតគឺមានឃុំជាង ពីររយឃុំ អាចនិងមានការប្រទាំងប្រទឹសគ្នា ដែលអាចធ្វើឲ្យសេចក្តីសម្រេចជ្រើសរើស​មេភូមិ​របស់​គណបក្សប្រ​ជាជនមិនអាចធ្វើទៅបាន ។

ត្រង់ចំណុចនេះលោកស្រី កែ សុវណ្ណរតន៏ បានពន្យល់ថា ដោយសារយើងមានសម្លេងជាងពីរយ​ឃុំ កើតឡើងពីក្រុមប្រឹក្សាឃុំដែលមានគណបក្ស សម រង្ស៊ី និងគណបក្សដែល​គ្រោងបញ្ចូលគ្នា ជាសម្លេងតែមួយ អាចរារាំងក្នុងការជ្រើសរើសមេភូមិ អុប្រធានភូមិ សមាជិកភូមិ ដែលមិនស្រប​ទៅ​និងឆន្ទះរបស់ប្រជាពលរដ្ឋ គឺស្របតែតាមឆន្ទះរបស់មេដឹកនាំ ឬក្រុមប្រឹក្សា​ឃុំដែលដឹកនាំ​ដោយគណបក្សប្រជាជន ហើយចាត់ចែងការងារលំអៀង រើសអើងគណបក្សនយោបាយ បំរើឲ្យ​តែ​គណ​​បក្សកាន់អំណាចសព្វថ្ងៃនេះ ។ លោកស្រី បានបញ្ជាក់ទៀតថា ដោយហេតុយ៉ាងដូចនេះ​ហើយបានជា សមាជិកឃុំ-សង្កាត់របស់គណបក្សប្រជាជន​គេខិតខំប្រញ៉ាប់​ប្រញាលក្នុង​ការ​ជ្រើស​រើសមេភូមិណា ដែលការពារផលប្រយោជន៏​ឲ្យគណ​បក្ស​ប្រជាជនរបស់គេនោះ ។

សូមជំរាបផងដែរថា ជាជំហ៊ានដំបូងគឺមេឃុំ-ចៅសង្កាត់ចាំផ្ទះរបស់គណបក្សប្រជាជនបាន​ធ្វើ

រ​បៀបបែបខុសនីតិវិធីដូចនេះមានចំនួន២ឃុំហើយ គឺឃុំសំរោងធំ និងឃុំគគីធំ ស្រុកកៀនស្វាយ ខេត្តកណ្តាល ដែលជាបន្តរបន្ទាប់គេនិងធ្វើបែបនេះជាបន្តរទៀត ដែលមានលក្ខណៈជាប្រព័ន្ធនៅ ទូទាំងឃុំ-សង្កាត់  ក្នុងប្រទេសកម្ពុជា ។

គណបក្ស សម រង្ស៊ី គឺមានគោលជំហរច្បាស់លាស់ត្រឹមត្រូវ ធ្វើអ្វីគិតពីផលប្រយោជន៏របស់ប្រជា ពលរដ្ឋ និងជាតិជាធំ គឺមិនធ្វើការជ្រើសរើសមេភូមិ អនុប្រធានភូមិ និងសមាជិកភូមិ ដែលជាផ្នែក មួយនៃតំណាងប្រជាពលរដ្ឋតាមរបៀបឯកតោភាគគីនោះទេ គឺគណបក្ស សម រង្ស៊ី និងធ្វើការ ជ្រើសរើសទៅតាមឆន្ទះរបស់ប្រជាពលរដ្ឋនៅក្នុងមូលដ្ឋានដោយផ្ទាល់ នេះគឺជាលទ្ធិប្រជាធិប​តេយ្យពិតប្រាកដដែលជាជំហររបស់គណបក្ស សម រង្ស៊ី ។

សូមជំរាបជូនផងដែរថាគណបក្សប្រឆាំងពីរដែលគ្រោងនិងរួមគ្នាបញ្ចូលជាសម្លេងតែមួយនោះ គណបក្ស សម រង្ស៊ី ទទួលបានមេឃុំ-ចៅសង្កាត់ចំនួន២២ ចំណែកឯគណបក្ស សិទ្ធិមនុស្ស​ទទួលបានចំនួន២០ឃុំ ហើយឃុំ-សង្កាត់ជាងពីររយផ្សេងទៀត សមាជិកក្រុមប្រឹក្សាឃុំ-សង្កាត់​របស់គណ​​បក្សប្រឆាំងទាំងពីរនេះរួមគ្នាគឺមានចំនួនច្រើនជាងសមាជិកក្រុមប្រឹក្សាឃុំ-សង្កាត់​របស់គណ​បក្សកាន់អំណាចទៅទៀត ។

ដូចនេះជំនួនឃុំ-សង្កាត់ របស់គណបក្សប្រឆាំងទាំងពីរ ដែលនិងជិតរួមចញ្ចូល​គ្នានាពេលខាង​មុខនេះ និងក្លាយទៅជាឃុំ-សង្កាត់គំរូ ដែលមានការជ្រើសរើស​មេភូមិ អនុប្រធានភូមិ និង​សមាជិក​​​ភូមិថ្មីតាមឆន្ទះរបស់ប្រជាពលរដ្ឋ ៕