ក្នុងគោលបំណងដើម្បីឲ្យប្រជាពលរដ្ឋរស់នៅបានសុខស្រួល
និងរួចចាកផុតពីការរំលោភលើ សិទ្ធិរស់នៅ ការឆក់ប្លន់ដីធ្លី ការវាយធ្វើបាប បាប់ចងដាក់គុកច្រវ៉ាក់
បាញ់បោះឲ្យមានរបួស និងស្លាប់ជាដើម ក៏ដូចជាការការពារធនធានធម្មជាតិ មច្ឆាជាតិ
ការទប់ស្កាត់លំហូរចូលជនអន្តោប្រវេសន៏ដោយខុសច្បាប់
និងការការពាបូរណៈភាពទឹកដីជាដើមនោះ កាលពីថ្ងៃទី៣០ ខែឧសភា ឆ្នាំ២០១២ លោក គង់ គាំ
ប្រធានស្តីទីរបស់គណបក្សសម រង្ស៊ី បានចុះជួបសំណេះ សំណាលជាមួយជាមួយសកម្មជន
និងប្រជាពលរដ្ឋអ្នកគាំទ្រគណបក្ស សម រង្ស៊ី ជាច្រើនរយនាក់ នៅក្នុងស្រុកបារាយរណ៏
ខេត្តកំពង់ធំ ។
នៅក្នុងពិធីជួបសំណេះសំណាលនោះ
លោក គង់ គាំ បានផ្តល់ជាអនុសាសន៏ ដល់ប្រជាពលរដ្ឋនៅក្នុងស្រុកបារាយរណ៏ថា
ដើម្បីឲ្យបងប្អូនរស់នៅបានសុខស្រួល គ្មានការរំលោភបំពានសិទ្ធិរស់នៅ ដីធ្លី
ផ្ទះសម្បែង មានរបបជីវភាពរស់នៅសមរម្យ ថ្លៃថ្នូរ ការពារធនធានធម្មជាតិ ដែលមានព្រៃឈើជាដើម
ក៏ដូចជាការមានការងារធ្វើសមរម្យទាំងអស់គ្នា
ដោយមិនចាំបាច់ធ្វើចំណាកស្រុកឃ្លាតឆ្ងាយពីសាច់ញាត្តិ បងប្អូន ប្តីប្រពន្ធ
និងកូនចៅនោះ សូមបងប្អូន ប្រជាពលរដ្ឋបោះឆ្នោតជូនគណបក្ស សម រង្ស៊ី ព្រោះគណបក្ស សម រង្ស៊ី
មានគោលនយោបាយច្បាស់លាស់ ក្នុងការធ្វើការងារដើម្បីបំរើពលរដ្ឋ និងផលប្រយោជន៏របស់ប្រទេសជាតិ
។
ដូចនេះនៅថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់
ថ្ងៃអាទិត្យ ទី០៣ ខែមិថុនា ឆ្នាំ២០ ១២ខាងមុខ ក៏ដូចជាការបោះឆ្នោតថ្នាក់ជាតិដែលនៅសល់តែ១ឆ្នាំទៀតនោះ
សូបបងប្អូនប្រជាពលរដ្ឋទាំងអស់ បោះឆ្នោតគាំទ្រគណបក្ស សម រង្ស៊ី ដើម្បីឲ្យគណបក្ស
សម រង្ស៊ី ធ្វើការ សង្គ្រោះប្រទេសជាតិ ពីគណបក្សប្រជាជន ដែលជានិច្ចជាកាល គណកប្សកាន់អំណាចមួយនេះ
តែងតែធ្វើបាបប្រជាពលរដ្ឋគ្មានពេលល្ហែរ និងដើម្បីឲ្យប្រជាពលរដ្ឋរួចចាកផុតពីអំពើអយុត្តិធម៌នានា
ក្រោមរដ្ឋអំណាចដែលគ្រប់គ្រងដោយគណបក្សប្រជាជនរបស់លោក ហ៊ុន សែន ។
លោក
គង់ គាំ ក៏បានប្រាប់និងជំរាបជូនដល់សកម្មជន និងប្រជាពលរដ្ឋនៅក្នុងស្រុកបារាយរណរណ៏
ខេត្តកំពង់ធំ ជាបន្តរទៀតផងដែរថា ខេត្តកំពង់ធំ គឺជាខេត្តមួយក្នុងចំណោមខេត្តផ្សេងៗឯទៀត
ដែលសំបូរទៅដោយធនធានព្រៃឈើ ប៉ុន្តែព្រៃឈើទាំងនោះត្រូវបានរលាយ ហិនហោច ក្រោមស្នាដៃដឹកនាំដោយអាជ្ញាធរខេត្តដែលជាមុនស្សមកពីគណបក្សប្រជាជន
ដែល ជាគណបក្សកាន់អំណាចសព្វថ្ងៃ។
អាជ្ញាធរខេត្តកំពង់ធំ តាមរយៈរដ្ឋាភិបាលដឹកនាំដោយគណបក្សប្រជាជន បានផ្តល់សម្បទានដីសេដ្ឋកិច្ច
ជាច្រើនរយហិកតានៅក្នុងតំបន់ព្រៃឡង់ទៅអោយក្រុមហ៊ុនយួន ដែលជាការផ្តល់សិទ្ឋិអោយក្រុមហ៊ុនយួនទាំងអស់នោះ
កាប់បំផ្លាញ ព្រៃឈើ នៅក្នុងស្រុកខ្មែរយើងយ៉ាងអាណាធិបតេយ្យ
វិនាសហិនហោចស្ទើរតែក្លាយទៅជាវាលរហោស្ថាន ជាពិសេសព្រៃឡង់ ដែលព្រៃឡង់នេះគឺជាព្រៃអាម៉ាស៊ូនដ៏មានសារសំខាន់បំផុត
នៅក្នុងតំបន់អាស៊ីអាគ្នេយ៏របស់យើង ។
លោក
គង់ គាំ ក៏បានមានប្រសាសន៏ទៀតថា គណបក្សប្រជាជនកម្ពុជាសព្វថ្ងៃមានជីវិត រស់
រានឡើងវិញរហូតមកដល់ពេលនេះ ក៏ដូចជាមេដឹកនាំមានតំណែងនិងអំណាចដូចសព្វថ្ងៃ គឺ ដោយសារការជួយជ្រំជ្រែង
និងលើកបណ្តុបពីសំណាក់រដ្ឋាភិបាលគុម្មុយនីសយួន ដូច្នេះហើយទើបរដ្ឋាភិបាលគណបក្សប្រជាជន
និងមេដឹកនាំរបស់គណបក្សនេះ ក៏ដូចជាសមាជិករបស់ពួកគេ គឺស្រលាញ់យួន និងដឹងគុណយួនជាខ្លាំង
រហូតដល់ថ្នាក់ពុះជ្រៀកដីជាដុំៗ តាម រយៈការធ្វើបំភាន់ភ្នែកប្រជាពលរដ្ឋ ជាលក្ខណៈការផ្តល់សម្បទានសេដ្ឋកិច្ច
ដែលមានដូចជាការសម្បទានដី ព្រៃឈើជាដើម អោយទៅក្រុមហ៊ុនយួន
និងមួយវិញទៀតគឺឲ្យជនជាតិយួនចូលមករស់នៅលើទឹកដីខ្មែរយ៉ាងអាណាធិបតេយ្យ មានចំនួនច្រើនលើសលប់
ដែលមិនធ្លាប់មានទេតាំងពីមុនមក ទើបតែនៅរដ្ឋកាលរបស់លោក ហ៊ុន សែន មួយនេះប៉ុណ្ណោះ ។
ដែលប្រជាពលរដ្ឋត្រូវតែធ្វើការពិចារណាអោយបានត្រឹមត្រូវ និងច្បាស់លាស់ក្នុងការបោះឆ្នោតផ្លាស់ប្តូរយកមេដឹកនាំថ្មី
មេដឹកនាំដែលគិតពីប្រយោជន៏របស់ប្រជាពលរដ្ឋដោយពិតប្រាកដ ។
បន្ថែមលើសពីនេះ
លោក គង់ គាំ ក៏បានលើកឡើងទៀតថា កាលពីអាណត្តិបោះឆ្នោតឆ្នាំ១៩៩៣
ប្រជាពលរដ្ឋខ្មែរបានបោះឆ្នោតផ្លាស់ប្តូរគណបក្សបំរើយួន ម្តងរួចទៅហើយ
ហើយនៅក្នុងការបោះឆ្នោតឃុំសង្កាត់ នៅថ្ងៃអាទិត្យ ទី០៣ ខែមិថុនា ឆ្នាំ២០១២
និងបោះឆ្នោតថ្នាក់ជាតិឆ្នាំ២០១៣ សូមប្រជាពលរដ្ឋនាំគ្នាបោះឆ្នោតផ្លាស់ប្តូរគណបក្សដែលបំរើយួននេះចេញម្តង
ទៀត
ហើយសូមបងប្អូនប្រជាពលរដ្ឋបោះឆ្នោតជូនគណបក្ស សម រង្ស៊ី ដើម្បីឲ្យគណបក្ស
សម
រង្ស៊ី បានធ្វើការបំរើជូនបងប្អូន និងដើម្បីមុខមាត់ថ្មីរបស់យើងទាំងអស់គ្នា ។
លោក
គង់ គាំ ប្រធានស្តីទីគណបក្ស សម រង្ស៊ី ក៏បានអំពាវនាវអោយប្រជាពលរដ្ឋ ត្រូវធ្វើយ៉ាងណា
ចំណាយពេលវេលាមួយថ្ងៃទាំងអស់គ្នា ដើម្បីទៅចូលរួមបោះឆ្នោតជ្រើសរើសក្រុម ប្រឹក្សាឃុំ-សង្កាត់
ហើយបងប្អូនមិនត្រូវចាញ់បោកតាមការលួងលោមរបស់សមាជិកគណបក្សប្រជាជនទៀតនោះទេ
ដោយគេបានអូសទាញទិញទឹកចិត្តរបស់បងប្អូនតាមរយៈ ការជូនជាថវិការបន្តិចន្ទួច ការចែកសារ៉ុង
ប៊ីចេង មី ទឹកត្រី ទឹកស៊ីអៀវ ប្រេងកូឡា តទៅទៀតទៅ ព្រោះថវិការ និងសម្ភារៈប្រើប្រាស់
គ្រឿងឧបភោគបរិភោគទាំងអស់នេះ គឺពួកគេបានមកពីអំពើពុករលួយ ជំរិតយកលុយពីបងប្អូននោះទេ។
ហើយប្រសិនបើបងប្អូនបាញ់បោកតាមការ អូសទាញរបស់ពួកគេ បងប្អូននិងលំបាករងទុក្ខវេទនា
ក្រីក្រងើបមុខមិនរួច៥ឆ្នាំទៀតជាក់ជាមិនខាន
ព្រោះពួកគេទាំងអស់នោះមិនបានគិតពីផលប្រយោជន៏របស់បងប្អូនជាធំនោះទេ គឺគេគិតតែពីផលប្រយោជន៏របស់ពួកគេ
គ្រួសាររបស់គេ និងបក្សរបស់គេតែប៉ុណ្ណោះ ។
ការបោះឆ្នោតជ្រើសរើសក្រុមប្រឹក្សាឃុំ-សង្កាត់
គឺមានសារសំខាន់ខ្លាំងណាស់ក្នុងការពង្រឹង រដ្ឋអំណាចថ្នាក់មូលដ្ឋាន
ក៏ដូចជាការផ្លាស់ប្តូរមេឃុំ-ចៅសង្កាត់អសមត្ថភាពចេញ ហើយទទួលយកមេឃុំ-ចៅសង្កាត់ ថ្មីមកពីគណបក្ស
សម រង្ស៊ី ដែលមានការផ្តាជ្ញាចិត្តខ្ពស់ក្នុងការការពារប្រជាពលរដ្ឋ
ហើយទាំងអស់នេះគឺជាគ្រិះដ៏រឹងមាំសម្រាប់ជម្រុញឲ្យគណបក្ស សម រង្ស៊ី
ទទួលបានជោគជ័យក្នុងការដណ្តើមយកជ័យជំនះជូនប្រជាពលរដ្ឋ និងប្រទេសជាតិ នៅពេលបោះឆ្នោតថា្នក់ជាតិឆ្នាំ២០១៣
ផងដែរ ។
សូមជំរាបជូនថា
បើទោះបីជាមានការបង្ករបញ្ហារំខានក្នុងយុទ្ធនាការឃោសនារកសម្លេងឆ្នោត
ក្នុងការឆោះឆ្នោតជ្រើសរើសក្រុមប្រឹក្សាឃុំ-សង្កាត់
អាណត្តិទី៣នេះពីគណបក្សកាន់អំណាចយ៉ាងណាក៏ដោយ
ក៏សកម្មភាពនិងសន្ទុះនៃការគាំទ្រពីប្រជាពលរដ្ឋមកលើគណបក្ស សម រង្ស៊ី
គឺនៅតែមានឥទ្ធិពលខ្លាំងខ្លាដ៏ដែល ទាំងនេះសបញ្ជាក់ឲ្យឃើញថាជោគជ័យ របស់គណបក្ស សម
រង្ស៊ី បានរំកិលខ្លួនចូលមកបន្តិចម្តងៗហើយ ។
សូមបងប្អូនកុំចាញ់បោកតាមការឃោសនារបស់គណបក្សប្រជាជនឲ្យសោះ ព្រោះមានតែគណបក្សប្រជនទេ
ដែលភ័យស្លរឈាម ភ្នែកនៅកញ្ចឹងករគ្រប់គ្នានោះ ភ័យពីប្រជាប្រិយភាពរបស់គណបក្ស
សមរង្ស៊ី កាន់តែមានការរីកធំធាត់ឡើងពីមួយថ្ងៃទៅមួយថ្ងៃនោះ ។ ហើយពួកគេខំប្រឹងរកវិធី
និងកលល្បិចគ្រប់យ៉ាង ធ្វើយ៉ាងណាកុំឲ្យប្រជាពលរដ្ឋលោកបានដឹងពីសារធាតុពិតរបស់ពួកគេ
ដោយគេខំប្រឹងឲ្យពួកអាម៉ី អាថោង បំពងសម្លេងតាមរយៈកញ្ចក់ទូរទស្សន៏ និងវិទ្យុ ។
បើខ្លួនឯងខ្លាំងមែនបោះឆ្នោតឃុំ-សង្កាត់រួចរាល់ហើយ សូមប្រកាស់ជាសាធារណៈផ្តល់សិទ្ធិឲ្យប្រេកង់
វិទ្យុ និងទូរទស្សន៏ មកគណបក្ស សម រង្ស៊ី មួយលមើល បើមិនបោះឆ្នោតថ្នាក់ជាតិរកតែ១កៅអីអង្គុយមិនបានឥលូវ
។បើតាំងខ្លួនជាអ្នកនយោបាយហើយកុំខ្លាច សូមប្រគួតដោយសេរី ស្មើភាពគ្នាទើបដឹងស ខ្មៅ ។
កុំអាងតែប្រព័ន្ធផ្សព្វផ្សាយគ្រប់ប្រភេទនៅលើកណ្តាប់ដៃរបស់ខ្លួន ខ្លួនចង់ធ្វើអ្វីបានតាមតែអំពើចិត្តនោះ
ពីមុនប្រជាពលរដ្ឋលោកមិនដឹង ប្រហែលជាពួកគាត់អាចលង់តាមការឃោសនារបស់ពួកគណបក្សប្រជាជនមែន
តែឥលូវប្រពលរដ្ឋលោកបានដឹងនិងជ្រួលជ្រាបអស់ហើយ ពិបាកនិងឲ្យពួកគាត់ងាយចាញ់បោកនិងគាំទ្រគណបក្សប្រជាជនរបស់លោកហ៊ុន
សែន ទៀតណាស់ ។
គួរជំរាបជូនផងដែរថា នៅថ្ងៃសៅរ៏ ទី០១ ខែមិថុនា ឆ្នាំ២០១២ ដែលជាថ្ងៃឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណ្តីទី៣ ថ្ងៃចុងក្រោយនេះ គណបក្ស សម រង្ស៊ី និងធ្វើការដង្ហែរក្បួនជាទ្រង់ទ្រាយធំរបស់ខ្លួនម្តងទៀតនៅរាជធានីភ្នំពេញ ដែលកម្មវិធីនិងចាប់ផ្តើមនៅវេលាម៉ោង២ រសៀលនៅសួនកូរុឡាមុខវត្តបទុមវតី ដូចនេះសូមប្រជាពលរដ្ឋអ្នកគាំទ្រនិងសកម្មជនគណបក្ស សម រង្ស៊ី ទាំងអស់អញ្ជើញចូលរួមឲ្យបានច្រើនកោះករ
ដើម្បីបង្ហាញពីកម្លាំងមហាសាមគ្គីរបស់យើង ៕
No comments:
Post a Comment
yes