ម្តាយទារកចម្លែក និងទារកចម្លែក
បាត់ដំបង ៖ ទារកចម្លែកកើតមកគ្មានច្រមុះ និងដុះប្រមោយក្នុងគ្រួសារប្រជាកសិកររស់នៅភូមិថ្មព្រូស ឃុំអណ្ដើកហែប ស្រុករតនមណ្ឌល ខេត្តបាត់ដំបង ។
អ្នកគ្រូពេទ្យឆ្មបនៅមណ្ឌលសុខភាពស្ដៅ ឈ្មោះជា ដាណេ បានប្រាប់វិទ្យាសាស្ត្រខ្មែរនៅថ្ងៃទី៨ ខែមិថុនា ឆ្នាំ២០១២ ឲ្យដឹងថា ម្ដាយទារកចម្លែកនេះបានសម្រាលកូននៅម៉ោង៣ និង០០នាទីទៀបភ្លឺថ្ងៃទី៧ ខែមិថុនា ឆ្នាំ ២០១២ ក្នុងមណ្ឌលសុខភាពស្ដៅ ។
ប្រភពបន្តថា ទារកចម្លែកនេះកើតមកមានលក្ខណៈដូចមនុស្សទាំងអស់ តែខុសត្រង់ថា គ្មានច្រមុះ និងដុះប្រមោយមានទម្ងន់២,៥គីឡូក្រាមដកដង្ហើមតាមមាត់ ហើយម្ដាយមានសុខភាពធម្មតា ។ ហើយទារកចម្លែកនេះនាំយកទៅសង្គ្រោះបន្តនៅមន្ទីរពេទ្យបង្អែកខេត្ត នៅម៉ោង៨ និង០០នាទីព្រឹកថ្ងៃទី៧ ខែមិថុនា ឆ្នាំ២០១២ និងបានស្លាប់នៅម៉ោង១០ និង៣០នាទីថ្ងៃដដែល ។
អ្នកគ្រូពេទ្យបានឲ្យដឹងទៀតថា ម្ដាយទារកចម្លែកនេះមានឈ្មោះ ភុំ ជឿម អាយុ៣២ឆ្នាំឪពុកឈ្មោះ ច្រាញ់ អឿម អាយុ៣៥ឆ្នាំមុខរបរធ្វើចម្ការមានកូន៥នាក់ ហើយទារកចម្លែកនេះជាកូនទី៥ ភេទប្រុស ដោយមុខមានលក្ខណៈធម្មតាទាំងអស់ ៕
ប្រភពព័ត៌មាន៖ សារព័ត៌មានវិទ្យាសាស្ត្រខ្មែរ
No comments:
Post a Comment
yes