លោក សម រង្ស៊ី ប្រធានចលនាប្រជាធិបតេយ្យសង្គ្រោះជាតិ
លោក សម រង្ស៊ី ប្រធានគណបក្ស សម រង្ស៊ី ដ៏មានប្រជាប្រិយភាព
និងក្នុងឋានះជាប្រធាន ចលនាប្រជាធិបតេយ្យសង្គ្រោះជាតិ
បានធ្វើការអំពាវឲ្យប្រជាពលរដ្ឋខ្មែរ អ្នកស្នេហាជាតិ អ្នកប្រជាធិ បតេយ្យ
នឹងអ្នកដែលស្រលាញ់យុត្តិធម៌ទាំងអស់ សូមអញ្ជើញមកចូលរួមជាសមាជិក ជាអ្នកគាំទ្រ
នឹងជាអ្នកដឹកនាំជាមួយ ចលនាប្រជាធិបតេយ្យសង្រោះជាតិ ដែលទើបតែនឹងបង្កើតឡើងរួមគ្នារវាងគណបក្ស
សម រង្ស៊ី និង គណបក្ស សិទ្ធិមនុស្ស ។
លោក សម រង្ស៊ី បានមានប្រសាសន៏នៅក្នុងសេចក្តីអំពាវរបស់លោកជាបន្តទៀតថា
ការបង្កើត ចលនាប្រជាធិបតេយ្យសង្គ្រោះជាតិ គឺជាព្រឹត្តការណ៏មួយជាប្រវត្តិសាស្រ្ត
ដែលនាំមកនូវការផ្លាស់ប្តូរ ប្រែប្រួលយ៉ាងសំខាន់ជាទីបំផុតលើឆាកនយោបាយនៅប្រទេសកម្ពុជា
។ ការបង្កើតនូវ ចលនានេះគឺនាំមកនូវសន្ទុះថ្មីមួយដែលនិងធ្វើឲ្យទៅជាព្រឹត្តការណ៏ប្រវត្តិសាស្រ្តនៅក្នុងប្រទេសកម្ពុជា
ដើម្បីឈានទៅរកការប្រែប្រួល ហើយការប្រែប្រួលនេះគឺជាជោគជ័យនៃកម្លាំងស្នេហាជាតិ
កម្លាំងប្រជាធិបតេយ្យស្រោចស្រង់ នឹងសង្គ្រោះប្រទេសជាតិ មាតុភូមិរបស់យើងឲ្យទាន់
ពេលវេលា ឲ្យរួចផុតពីការលិចលង់ រួចផុតពីមហន្តរាយ រួចផុតពីការស្លាប់ ដោយយើងឃើញថា
ជាតិយើងស្លាប់បន្តិចម្តងៗ ប្រទេសរបស់យើងបាត់បង់ទឹកដី
ប្រជារាស្រ្តខ្មែរបាត់បង់ដីធ្លី បាត់បង់ ធនធានធម្មជាតិ បាត់បង់ការងារ
ឬក៏រកការងារធ្វើត្រឹមត្រូវមិនបានគ្រប់គ្នា ។
លោក សម រង្ស៊ី បានបន្តថា មានយុវជនខ្មែរជាច្រើនដែលពុំមានការងារធ្វើ
និងរកការងារត្រឹមត្រូវ ធ្វើមិនបាន ខ្លះត្រូវបង្ខំចិត្តទៅស៊ីឈ្នួលគេនៅឯបរទេស
ឲ្យគេមើលងាយ ឲ្យគេធ្វើបាប ឲ្យគេគេង ប្រវ័ញ្ញកម្លាំងពលកម្ម
ឃើញថាប្រជារាស្រ្តខ្មែរវេទនា ឈឺចាប់អស់សង្ឃឹម ជាតិខ្មែរនិងរលត់រលាយដោយបរទេសឈ្លានពាន
ដោយបង្ខិតព្រំដែន លេបត្របាក់ទឹកដីរបស់យើងបញ្ចូលអន្តោ ប្រវេសន៏ខុសច្បាប់
ហើយជនជាតិរបស់គេកាន់តែមានចំនួនច្រើនឡើងៗ មករស់នៅលើទឹកដីប្រទេសកម្ពុជា ដែលពួកគេទាំងនោះបានចូលមកលួចប្លន់ដីធ្លីយើង
លួចប្លន់ទ្រព្យសម្បត្តិជាតិយើង មកដណ្តើមការងារពីប្រជារាស្រ្តខ្មែរ និងមកកេងប្រវ័ញ្ញឈើសឈាមពីប្រជារាស្រ្តខ្មែរ
ដោយគេទទួលបានសម្បទានដីធ្លី សម្បទានព្រៃឈើ សម្បទានរ៉ែរហូតដល់ទៅ៩៩ឆ្នាំ ។ លោក សម
រង្ស៊ី ក៏បានថ្លែងទៀតថា ខ្មែរស្លាប់អស់ហើយមិនដល់៩៩ឆ្នាំទៀតទេ បើយើងនៅអនុញ្ញាត្តិ
ឲ្យរដ្ឋាភិបាលបន្តនយោបាយបំផ្លិចបំផ្លាញជាតិដូចសព្វថ្ងៃនេះ នោះជាតិយើង និងរលត់រលាយជាពុំខាន
។ យ៉ាងដូចច្នេះហើយកូនខ្មែរទាំងអស់ត្រូវតែរួបរួមគ្នាដើម្បីបំពេញបេសកកម្មជាប្រវត្តិសាស្រ្ត
បេសកកម្មស្រោចស្រង់ជាតិមាតុភូមិ របស់យើងទាំងអស់គ្នា ថែរក្សាទឹក ដីយើងឲ្យបាននគង់វង្ស
ធានាអនាគត់កូនចៅយើងដែលជាខ្មែរជំនាន់ក្រោយ ឲ្យមានជីវិត ឲ្យមានអនាគត់ ឲ្យមានសេរីភាព
នឹងឲ្យមានភាពថ្លៃថ្នូរ ។ ដូចនេះហើយបានជាគណបក្ស សម រង្ស៊ី និងគណបក្ស សិទ្ធិមនុស្ស
បានឯកភាពគ្នាបង្កើត ចលនាប្រជាធិបតេយ្យសង្គ្រោះជាតិ ដើម្បីសង្គ្រោះជាតិដោយ
ពិតប្រាកដជាមួយខ្មែរទាំងអស់គ្នា ដែលមានឧត្តមគតិដូចយើង គឺខ្មែរអ្នកស្នេហាជាតិ
ខ្មែរអ្នកប្រជាធិបតេយ្យ ខ្មែរស្រលាញ់យុត្តិធម៌ ។ លោក សម រង្ស៊ី បន្តថាប្រជារាស្រ្តក្រីក្រ
ប្រជារាស្រ្តទន់ខ្សោយតូចតាច ត្រូវបានអ្នកមានលុយ មានអំណាច ធ្វើបាបដោយលួចប្លន់ដីធ្លី
ផ្ទះសម្បែង ស្រែចំការ ហើយមានអ្នកខ្លះត្រូវបានគេចាប់ដាក់គុក និងមួយចំនួនផ្សេង ត្រូវគេគំរាមកំហែង
និងមានអ្នកខ្លះត្រូវបានគេបាញ់សម្លាប់ផងដែរ ។
លោក សម រង្ស៊ី បានថ្លែងទៀតថា ទាំងអស់នេះគឺជាភាពអយុត្តិធម៌ខ្លាំងណាស់សម្រាប់ប្រជាពលរដ្ឋខ្មែរ
និងប្រទេសជាតិរបស់យើង ដែលយើងមិនត្រូវបណ្តោយឲ្យសភាពការណ៏បែបនេះ នៅបន្តទៀតបានទេ លោកថា
ពេលនេះគឺជាឱកាសជាប្រវត្តិសាស្រ្តដែលខ្មែរទាំងអស់ ត្រូវតែរួបរួមគ្នាក្នុងជួរ
ចលនាប្រជាធិបតេយ្យសង្គ្រោះជាតិ ដើម្បីសង្គ្រោះជាតិរបស់យើងឲ្យ បានទាន់ពេលវេលា ។
លោក សម រង្ស៊ី ថ្លែងទៀតថា ចលនាប្រជាធិបតេយ្យសង្គ្រោះជាតិ គឺជាឱ កាសតែមួយគត់សម្រាប់ខ្មែរ
ដើម្បីសង្គ្រោះជាតិ និងរំដោះជាតិពីក្រញាំពួកជនផ្តាប់ការ ពួកជនពុករលួយ ដែលលួចជាតិ
ប្លន់ជាតិ បំផ្លាញជាតិ និងក្បត់ផលប្រយោជន៏របស់ជាតិ ។
លោក សម រង្ស៊ី បានថ្លៃងទាំងមានជំនឿថា លោកសង្ឃឹមថាជាតិខ្មែរមិនសាបសូន្យនោះទេ
ដ៏រាបណាព្រលឹងខ្មែរនៅរស់រវើកក្នុងបេះដូងរបស់យើងម្នាក់ៗ ហើយចលនាប្រជាធិបតេយ្យ
សង្គ្រោះជាតិនឹងនាំមកនូវពន្លឺសម្រាប់ជាតិរបស់យើង ។ ជាមួយគ្នានោះលោក សម រង្ស៊ី
បានធ្វើ ការអំពាវនាវជាថ្មីម្តងទៀត សុំឲ្យប្រជាពលរដ្ឋខ្មែរ អ្នកស្នេហាជាតិ
អ្នកប្រជាធិ បតេយ្យ នឹងអ្នកដែលស្រលាញ់យុត្តិធម៌ គ្រប់ខេត្តក្រុង ថ្នាក់ស្រុក
ថ្នាក់ឃុំ ថ្នាក់ភូមិ ក៏ដូចជាខ្មែរដែលរស់នៅឯនាយសមុទ្រ សូមចូលរួមជាមួយនឹង
ចលនាប្រជាធិបតេយ្យសង្គ្រោះជាតិ ទាំងអស់គ្នា ព្រោះយើងគឺជាខ្មែរដូចគ្នា
ជាមហាគ្រួសារតែមួយ ។ លោកថា ជាតិ មាតុភូមិរបស់យើងកុំពុងតែរងគ្រោះ
ហើយរងគ្រោះរហូតដល់ស្លាប់ប្រសិនបើយើងមិនចេញមុខការពារជាតិ មាតុភូមិរបស់យើងទេនោះ
ហេតុដូចនេះហើយសូមបងប្អូនប្រជាពលរដ្ឋខ្មែរទាំងអស់អញ្ជើញចូលរួម និងរួបរួមគ្នាជុំវិញ
ចលនាប្រជាធិបតេយ្យសង្គ្រោះជាតិ ឲ្យបានទាន់ពេលវេលា ។
លោក សម រង្ស៊ី បន្តរថាទោះជាយ៉ាងណាក៏ដោយចលនាប្រជាធិបតេយ្យសង្គ្រោះជាតិ ដែលមាន
រូបលោកជាប្រធាន និងលោក កឹម សុខា ជាអនុប្រធាន និងខិតខំពន្លឿនដំណើរការនេះទៅមុខ
ដើម្បីបង្កើតគណបក្សថ្មីមួយទៀតឲ្យបានឆាប់បំផុត សម្រាប់ចូលរួមក្នុងការប្រគួតប្រជែង
និងធ្វើការឃោសនាបោះឆ្នោតនៅឆ្នាំ២០១៣ឲ្យបានទាន់ពេលវេលា
ហើយលោកបានសម្តែងការមានជំនឿជាថ្មីថា កម្លាំងប្រជាធិបតេយ្យថ្មីនេះនិងមានប្រៀប
ហើយអាចយកឈ្នះលើគណបក្សកាន់អំណាចសព្វថ្ងៃនេះបាន
បើទោះបីជាគណបក្សកាន់អំណាចមានប្រព័ន្ធផ្សព្វផ្សាយស្កេកស្កះ
ជាងគណបក្សអ្នកប្រជាធិបតេយ្យ
និងមានស្ថាប័នគណៈកម្មាធិការជាតិរៀបចំការបោះឆ្នោតស្ថិតនៅក្នុងកណ្តាប់ដៃរបស់គេក៏ដោយ
។ ហើយជាជំហ៊ានៗគណបក្សនយោបាយថ្មីនេះ និងជំរុញឲ្យមានការកែទម្រង់ស្ថាប័នជាតិរៀបចំការបោះឆ្នោតឲ្យទាល់តែបាន
ដើម្បីធានាដល់ការបោះឆ្នោតនៅក្នុងឆ្នាំ២០១៣ ខាងមុខនេះឲ្យមានភាពត្រឹមត្រូវ សេរី
និងយុត្តិធម៌ ៕
No comments:
Post a Comment
yes