លោក នេត សាវឿន អគ្គស្នងការនគបាលជាតិ
អំពើពុករលួយដែលកើតចេញពីការដាក់កុងត្រូវជជុះរបស់មន្រ្តីប៉ូលីសចរាច
គឺកើតមាននៅស្ទើរគ្រប់ទីកន្លែងទូទាំងប្រទេសកម្ពុជា
ក៏ដូចជាការបង្កភាពអាណាធិបតេយ្យផងដែររបស់មន្រ្តីប៉ូលីស ទាំងនោះ ។ ហើយនាពេលកន្លងមក ការកើតមានអំពើពុករលួយ
និងភាពអាណាធិបតេយ្យនេះ គឺ ទទួលរងនូវការរិះគន់ពីប្រជាពលរដ្ឋយ៉ាងខ្លាំង
ក៏ដូចជាការព្រមានពីលោក ហ៊ុន សែន នាយករដ្ឋមន្រ្តីផងដែរ
ចំពោះការដកស័ក្តមន្ត្រីទាំងនោះ តែរហូតមកដល់ពេលនេះមន្រ្តីទាំងនោះមិនត្រូវ បានលោក
ហ៊ុន សែន ចាប់បកស័ក្កនោះឡើយ ហើយទុកឲ្យពួកគេដើរធ្វើព្យុះ ភ្លៀង ផ្គរ ស្រេច
តែអំពើចិត្តដដែល ។
បើយោងតាមសេចក្តីរាយការណ៏ពីខេត្តបាត់ដំបងមកបានឲ្យដឹងថាលោក សាត គឹមសាន ប្រធានការិយាល័យនគរបាលចរាចរណ៏ខេត្តបាត់ដំបង ជាច្រើនឆ្នាំមកហើយបានក្ដោបចំណូលពីដងផ្លូវជាតិលេខ៥ និងផ្លូវជាតិលេខ៥៧
តាមរយៈការដាក់កុងត្រូលជជុះ យ៉ាងអាណាធិបតេយ្យដើម្បីជំរិតយកលុយពីឈ្មួញដែលរកស៊ីដឹកជញ្ជូនទំនិញទាំងតូច ទាំងធំ តាមរបៀបពុករលួយ បានបង្កឲ្យមានផលប៉ះពាល់យ៉ាងខ្លាំង។
សេចក្តីរាយការណ៏ខាងលើបានឲ្យដឹងទៀតថាលោក សាត គឹមសាន
បានពង្រាយកម្លាំងដាក់កុងត្រូលជជុះចំនួន៤កន្លែងនៅខេត្តក្រុងបាត់ដំបង
ដែលទីតាំងទី១ លោក សាត គឹមសានបានដាក់នៅចំណុចរង្វង់មូលព្រះនរាយណ៏ ទី២ នៅចំណុចក្បាលស្ពានថ្មថ្មី ទី៣ នៅរង្វង់មូលតាដំបងគ្រញូង និងទី៤ នៅរង្វង់មូលនាងគង្ហីង ភូមិអំពិលប្រហោង ផ្លូវជាតិលេខ១០ខេត្តបាត់ដំបង-ប៉ៃលិន ដើម្បីប្រមូលលុយច្រកហោប៉ៅរបស់ខ្លួនយ៉ាងរំភើយ ។ ហើយសមត្ថកិច្ចដែលឈរជើងតាមគោលដៅនីមួយៗមានជំនាញយ៉ាងខ្លាំង ខាងគាបជំរិតយកលុយពីឈ្មួញដែលជាម្ចាស់ទំនិញត្រូវឆ្លងកាត់កន្លែងរបស់ពួគគេ ដោយម្នាក់ៗតម្រង់ជួរគ្នាដើម្បីចូលទៅបង់លុយ ឲ្យកម្លាំងមន្រ្តីសមត្ថកិច្ចក្រោមបញ្ជារបស់លោក
សាត គឹមសាន ប្រធានការិយាល័យនគរបាលចរាចរណ៏ខេត្តបាត់ដំបងនោះ ។
ប្រភពខាងលើបានឲ្យដឹងទៀតថាលោក
សាត គឹមសាន បានកំណត់ឲ្យសមត្ថកិច្ចដែលឈរជើងនៅតាមគោលដៅដែលលោកបានដាក់ទាំងនោះ គឺត្រូវបង់លុយឲ្យលោកតាមការកំណត់ បើមិនបានទេកុំសង្ឃឹមថាមន្រ្តីទាំងនោះបានឈរជើងកន្លែងខ្លាញ់ឲ្យសោះ ដោយហេតុដូចនេះហើយ ទើបបានជាធ្វើឲ្យមន្រ្តីសមត្ថកិច្ចពុករលួយធ្វើបាបរាស្រ្តទាំងនោះ
ម្នាក់ៗរត់ជាន់ជើងគ្នាស្ទាក់ចាប់រថយន្តដឹកទំនិញរបស់ឈ្មួញ ជំរិតទាលុយកប់ក្តោងតាមតែអំពើចិត្តរបស់ពួកគេ ដោយគ្មានខ្លាចក្រែងច្បាប់បន្តិចឡើយ ។
សូមជំរាបជូនផងដែរថា អំពើរបស់ប៉ូលីសចរាចរ ដែលដាក់កុងត្រូលជជុះទាំងនោះ ក្រោមការគ្រប់គ្រងរបស់លោក
សាត គឹមសាន មេការិយាល័យនគរបាលចរាចរណ៏ខេត្តបាត់ដំបង ដែលគាបជំរិតទាលុយពីប្រជាពលរដ្ឋ
និងក្រុមឈ្មួញយ៉ាងពុករលួយនោះ ត្រូវបានប្រជាពលរដ្ឋរិៈគន់ថា
ជាការធ្វើស្រែលើខ្នងរបស់ប្រជារាស្ត្រ ។ ជាមួយគ្នានោះលោក
សាត គឹមសាន ក៏គេស្គាល់ថាជាមុនស្សដែលមានជំនាញខាងប្រមូលលុយតាមរយៈកុងត្រូលជជុះដែលគេបានដាក់នោះ យកទៅឲ្យថ្នាក់លើរបស់គេមួយតង់ទៀតផងដែរ ហេតុដូចនេះហើយបើទោះបីរូបគេធ្វើព្យុះ ធ្វើភ្លៀងយ៉ាងណាក៏ដោយ ក៏មិនត្រូវបានថ្នាក់លើស្ដីបន្ទោស
ឬចាប់ទោសអូសដំណើរអ្វីដែរ ព្រោះថាលោក សាត គឹមសាន គឺជាឆ្នាំងបាយដ៏សំខាន់របស់ពួកគេ ។
ប្រភពដែលច្បាស់ការមួយទៀតក៏បានឲ្យដឹងផងដែរថា ឥឡូវនេះមេការិយាល័យនគរបាលចរាចរណ៏ខេត្តបាត់ដំបងលោក
សាត គឹមសាន កុំពុងតែត្រូវប៉ាន់មួយគ្របទៀតហើយ ព្រោះថៅកែធំៗ ដែលមិនដែលចូលបង់លុយកាលពីមុនមកនោះ ក្រោយពីមានសេចក្ដីប្រកាសថ្មីរបស់រដ្ឋាភិបាល លោក ហ៊ុន សែន ឥឡូវនេះពួកគេទាំងនោះត្រូវបានបង្ខំចិត្ត មកតម្រង់ជួរចូលបង់លុយឲ្យទៅ លោក សាត
គឺមសាន គ្រប់ៗគ្នា
ជាមួយគ្នានោះពួកគេគឺត្រូវបានលោក
សាត គឹមសាន តម្រូវអោយបង់ជារៀងរាល់ខែថែមទៀតផង
គឺមានការបង់លុយតាមការិយាល័យ និងបង់ស្ងាត់ៗរបៀបពុករលួយដល់ឆ្អឹង ហើយប្រសិនបើឈ្មួញទាំងនោះមានការគេចវេះមិនព្រមបង់ ឬបង់យឺតយ៉ាវ ពេលចាប់បាននឹងត្រូវលោក សាត គឹមសាន
តម្រូវឲ្យបង់តាមរបៀបផាកពិន័យទ្វេរដង ។
ដូចនេះរឿងរ៉ាវពុករលួយរបស់លោក
សាត គឺមសាន គឺតម្រូវឲ្យលោក នេត សាវឿន អគ្គស្នងការ នគរបាលជាតិ
ត្រូវតែចាត់វិធានការចំពោះបុគ្គលនេះជាបន្ទាន់ និងឲ្យមានប្រសិទ្ធភាពជាទីបំផុត
ហើយត្រូវយកមកដាក់ពិន័យឲ្យបានធ្ងន់ ទើបសមទៅនិងទង្វើរបស់គេបានធ្វើ រួមជាមួយនិងបក្ខ
ពួកគូកន ក៏ដូចជាកូនចៅរបស់លោក សាត គឹមសាន ផងដែរ ។ ដើម្បីកុំឲ្យអ្នកទាំងអស់នោះប្រ
ព្រឹត្តអំពើពុករលួយ គាបសង្កត់ ជំរិតទាលុយពីប្រជាពលរដ្ឋ
និងឈ្មួញតាមតែអំពើចិត្តរបស់ពួក គេជាបន្តទៀត យកទៅធ្វើមាន ធ្វើបាន ញ៉ុកលុយទាំងនោះដាក់ក្នុងហោប៉ាវរបស់ពួកគេនោះ ។
ជាតិត្រូវការថវិការជាច្រើនដើម្បីយកមកបំពេញចំពោះតម្រូវការចាំបាច់
ដូចនេះដាច់ខាត និងចាំបាច់បំផុតលោក នេត សាវឿន
ត្រូវតែបោសសំអាតឲ្យអស់មន្រ្តីក្រោមឱវាទរបស់ខ្លួន ដែលប្រព្រឹត្តអំពើពុករលួយទាំងនោះ
ព្រោះជាតិក្នុងមួយឆ្នាំៗបាត់បង់ថវិការអស់ជាច្រើនលានដុល្លា ។
មិនថាតែស្ថាប័នមួយនេះទេ នៅគ្រប់ស្ថាប័ន និងក្រសួងមន្ទីរទាំងអស់ត្រូវតែមានឆន្ទះក្នុងការកុំចាត់អំពើពុករលួយ
ព្រោះច្បាប់ប្រឆាំងនឹងអំពើពុករលួយក៏បានអនុម័តជាស្ថាពរហើយផងដែរ
ជាងនេះទៅទៀតនោះស្ថាប័នប្រឆាំងអំពើពុករលួយក៏បានបង្កើត ដែលមានលោក ឱម យិនទៀង
ជាប្រធាន ។ ដូច្នេះសូមឲ្យមន្រ្តីដែលពាក់ព័ន្ធទាំងអស់ មានមនសិការ និងឆន្ទះ បង្ក្រាប
និងកុំចាត់អំពើពុកលួយនេះឲ្យអស់ចេញពីសង្គមជាតិរបស់យើង ។ ហើយសូមធ្វើដោយឈរលើគោលការច្បាប់ជាធំ
កុំមានការយោគយល់ ឬធ្វើនៅក្រោមគំនាបនយោបាយ និងអ្នកមានអំណាចឲ្យសោះ ៕
No comments:
Post a Comment
yes