លោក សម រង្ស៊ី ប្រធានគណបក្ស សង្គ្រោះជាតិ
ប្រទេសកម្ពុជានៅពេលនេះ កំពុងតែមានទុក្ខសោកដ៏ក្រៀមក្រំបំផុត
ដោយសារតែព្រះករុណាព្រះបាទសម្តេចនរោត្តម សីហនុ ព្រះមហាវីរក្សត្រ ព្រះវរាជបិតា
ឯករាជ្យ បូរពភាពទឹកដី និងឯកភាពជាតិខ្មែរ ព្រះអង្គបានសោយទីវង្គត កាលពីថ្ងៃទី១៥
ខែតុលា ឆ្នាំ២០១២ នៅទីក្រុង ប៉េកាំង វេលាម៉ោង១និង២០នាទីរំលងអធ្រាត ម៉ោងនៅទីក្រុងភ្នំពេញ
ក្នុងជន្មាយុ៩០ព្រះវស្សា ដោយព្រះជរាពាធ ។
ព្រះបរមសពរបស់ព្រះអង្គត្រូវបានដង្ហែរតាមព្រះទីនាំងស្លាបដែលពីទីក្រុងប៉េកាំងមកដល់មាតុប្រទេស
កាលពីរសៀលថ្ងៃទី១៧ ខែតុលា ឆ្នាំ២០១២ ក្នុងនោះប្រជាពលរដ្ឋខ្មែរមន្រ្តីអ្នកមុខ
អ្នការដែលជាកូនចៅរបស់ព្រះអង្គ បានរងចាំត្រៀបត្រាចាប់តាំងពីព្រលានយន្តហោះអន្តរជាតិ
ភ្នំពេញ រហូតមកដល់ព្រះបរមរាជវាំងដើម្បីដង្ហែរព្រះបរមសពរបស់ព្រះអង្គ
និងបួងសួងឧទ្ទិស កុសលផលបុណ្យ
ជូនដល់ព្រះដួងវិញ្ញាណក័្ខន្ធរបស់ព្រះអង្គបានទៅសោយសុខនៅព្រះបរម សុខកុំបីខាន ។
ជាមួយនិងការដង្ហែរព្រះបរមសពរបស់ព្រះករុណាព្រះបាទសម្តេចព្រះនរោត្តម
សីហនុ ពីទីក្រុងប៉េកាំង មកកាន់មាតុភូមិវិញកាលពីរសៀលថ្ងៃទី១៧ ខែតុលា ឆ្នាំ២០១២
លោក សម រង្ស៊ី ដែលជាប្រធានគណបក្ស សង្គ្រោះជាតិ
ក៏បានដឹកនាំសមាជិក-សមាជិកការរបស់ខ្លួន ធ្វើពិធីបង្សុកូល
ឧទ្ទិសកុសលផលបុណ្យជូនចំពោះព្រះដួងវិញ្ញាណក័្ខន្ធរបស់ព្រះបាទនរោត្តម សីហនុ ព្រះមហាវីរក្សត្រ
ព្រះវរាជបិតា ឯករាជ្យ បូរពភាពទឹកដី និងឯកភាពជាតិខ្មែរផងដែរ កាលពីព្រឹកថ្ងៃទី១៧
ខែតុលា ឆ្នាំ២០១២ ដោយនៅក្នុងពិធីបង្សុកូលនោះលោក សម រង្ស៊ី បានមាន
ប្រសាសន៏ថា សម្តេចព្រះនរោត្តម សីហនុ ព្រះមហាវីរក្សត្រ
ព្រះអង្គមានព្រះគុណបំណាច់ដ៏ខ្ពង់ខ្ពស់លើប្រជារាស្រ្តខ្មែរដែលជាកូនចៅរបស់ព្រះអង្គទាំងអស់
ដែលក្នុងនោះព្រះអង្គបានដឹកនាំប្រជារាស្រ្តខ្មែរដែលជាកូនចៅរបស់ព្រះអង្គ
និងប្រទេសជាតិ ទទួលបានភាពសុខដមរម្យនា និងទទួលបានការរួបរួមជាតិនិងផ្សះផ្សារជាតិ
ឯកភាពជាតិ ធានាបានឯករាជ្យ អធិបតេយ្យជាតិ និងបូរណភាពទឹកដី ។
លោក សម រង្ស៊ី បានមានប្រសាសន៏ទៀតថា ក្នុងនោះស្នាមព្រះហស្ថរបស់ព្រះអង្គសំខាន់ៗ
មានដូចជា ព្រះអង្គបានធ្វើការដឹកនាំប្រជារាស្រ្តខ្មែរ
ធ្វើរាជបូជនីយកិច្ចទាមទារឯករាជ្យពីបារាំង
ដែលធ្វើឲ្យប្រទេសកម្ពុជាបានទទួលឯករាជ្យពេញលិញយ៉ាងថ្លៃថ្នូរដោយគ្មានការបង្ហូរ
ឈាមកាលពីឆ្នាំ១៩៥៣ រហូតដល់ឆ្នាំ១៩៧០ គឺសម័យសង្គមរាស្រ្តនិយមប្រទេសកម្ពុជាបាន
សុខសប្បាយ គ្មានសង្គ្រាម ខ្មែរយើងរួមរួមគ្នា ស្រលាញ់គ្នា
ពង្រឹងឯកភាពជាតិព្រំដែនប្រទេសកម្ពុជាដោយគ្មានបរទេសឬប្រទេសជិតខាងរំលោភបំពានឡើយ ទឹកដីរបស់យើងបាននៅគង់វង្សពេញលិញ ដែលនៅពេលនោះទ្រព្យសម្បតិ្តជាតិ
ទ្រព្យសម្បតិ្តធម្មជាតិ គឺបានថែរក្សាពេញលិញគ្មានការបំផ្លិចបំផ្លាញ ហើយពេលនោះប្រទេសកម្ពុជាមានការរីកចំរើន
ជីវភាព រស់នៅរបស់ប្រជារាស្រ្តខ្មែរមានកំរិតខ្ពស់ ប្រជាកសិករ មន្រ្តីរាជការ កម្មករ
បុគ្គលិកទាំងអស់ ទទួលបានប្រាក់ខែសមរម្យ រួមជាមួយនិងតម្លៃទំនិញនៅលើទីផ្សារគ្រប់ប្រ
ភេទមានតម្លៃសមរម្យដែលអាចឲ្យប្រជាពលរដ្ឋទទួលយកបាន ។
លោក សម រង្ស៊ី ក្នុងឋានះជាប្រធានគណបក្ស សង្គ្រោះជាតិ
លោកបានមានប្រសាសន៏បន្តថា សម្តេចព្រះអង្គម្ចាស់ នរោត្តម សីហនុ
លោកគឺជាព្រះអគ្គមគ្គុទេសន៏ដ៏ឆ្នើមក្នុងការដឹកនាំនាវា
កម្ពុជាឆ្ពស់ទៅរកការរីកចំរើនជឿនលឿនលើគ្រប់វិស័យ ។ លោក សម រង្ស៊ី បានបន្តទៀតថា
ដើម្បីជាការតបស្នងសងគុណចំពោះព្រះរាជកិច្ចរបស់ព្រះអង្គ លោកសូមស្នើឲ្យប្រជាពលរដ្ឋ
កម្ពុជាទាំងអស់រួបរួមគ្នា ដើម្បីការពារប្រទេសជាតិរបស់យើង
ដូចជាសម័យសង្គមរាស្រ្តនិយម ទើបប្រទេសជាតិរបស់យើងអាចរួចផុតមហន្តរាយបាន ។
លោក សម រង្ស៊ី បានបន្តថា ស្នាមព្រះហស្ថរបស់ សម្តេចឪ
សម្តេចតា សម្តេចតាទួត ដែលជាព្រះមហាវីរក្សត្ររបស់យើង សំខាន់បំផុតមួយទៀតនោះ
គឺព្រះអង្គបានដឹកនាំចលនាតស៊ូរប្រឆាំងនិងបរទេសឈ្លានពានកាលពីទ.វ ឆ្នាំ១៩៨០ រហូតដល់ដើមទ.វ ឆ្នាំ១៩៩០ ដែលក្នុងនោះព្រះអង្គបានធ្វើការអំពាវនាវឲ្យកូនចៅរបស់ព្រះអង្គដែលមានឈានជ័រជាខ្មែរ
ព្រលឹងជាខ្មែរ ស្រលាញ់ជាតិមាតុភូមិ ឲ្យរួបរួមគ្នា
ដើម្បីរំដោះប្រទេសជាតិពីក្រញាំបរទេសឈ្លានពាន និងបរិវានៅលើទឹកដីនៃប្រទេសកម្ពុជារបស់យើង
។ ដែលពេលនោះអ្នកស្នេហាជាតិជាច្រើនលើសលុបទាំងក្នុងប្រទេស និងក្រៅប្រទេស ហើយក្នុងនោះក៏មានវត្តមានរបស់លោក
និងក្រុមគ្រួសារជាច្រើនរូបទៀតផងដែរ បានចូលរួមជាសមាជិកស្ថាបនិក និងជាថ្នាក់ដឹកនាំចលនាហ្វ៊ុនស៊ុនប៉ិច
ដែលក្នុងនោះចលនាហ្វ៊ុនស៊ិនប៉ិច បានរួបរួមជាមួយកម្លាំងអ្នកស្នេហាជាតិជាច្រើនរូបទៀត
បានតស៊ូប្រយុទ្ធលើសមរភូមិសឹក ទាំងនៅលើទឹកដីរបស់ប្រទេសកម្ពុជា និងការស៊ូនៅអន្តរជាតិទាំងផ្លូវនយោបាយ
ក៏ដូចជាផ្លូវទូតផងដែរ ដើម្បីជំរុញឲ្យបរទេសឈ្លានពានមានការចុះថយ ហើយត្រូវតែបង្ខំចិត្តចុះកិច្ចហត្ថលេខា
លើកិច្ចព្រមព្រៀងទីក្រុងប៉ារីសស្តីពីកម្ពុជា ឆ្នាំ១៩៩១ ។
លោក សម រង្ស៊ី ប្រធានគណបក្ស សង្គ្រោះជាតិ
បានមានប្រសាសន៏បន្តទៀតថា កិច្ចព្រមព្រង នោះគឺជាស្នាមព្រះហស្ថរបស់ព្រះករុណា ព្រះបាទនរោត្តម
សីហនុ ព្រះមហាវីសក្សត្រ ដែលយើងត្រូវតែចងចាំ ។
ពីព្រោះដោយសារតែកិច្ចព្រមព្រៀងទីក្រុងប៉ារីសឆ្នាំ១៩៩១នោះឯង ទើបប្រទេសជាតិរបស់យើងបានទទួលនូវឯករាជ្យភាព
បូរណភាពទឹកដី និងឯកភាពជាតិខ្មែរ ។ លោក សម រង្ស៊ី បានបន្តថា ជាមួយគ្នានេះផងដែរ គឺនៅសល់តែរយៈពេលប៉ុន្មានថ្ងៃទៀតតែ
ប៉ុណ្ណោះ ដែលយើងទាំងអស់គ្នាត្រូវតែធ្វើពិធីរំលឹកខួបទី២១ នៃការចុះហត្ថលេខាលើកិច្ច
ព្រមព្រៀងទីក្រុងប៉ារីសស្តីពីកម្ពុជា ហើយនៅពេលនោះយើងក៏ត្រូវតែរំលឹកផងដែរនូវស្ថាម
ព្រះហស្ថដ៏ខ្ពង់ខ្ពស់នៃព្រះករុណាព្រះបាទសម្តេចព្រះនរោត្តម សីហនុ
ព្រះមហាវីរក្សត្រ ដែល យើងគ្រប់គ្នាត្រូវតែរំលឹកនូវគុណបំណាច់របស់ព្រះអង្គ ដែលមិនអាចរកអ្វីមកប្រៀបផ្ទឹមបាន
ដ៏ខ្ពង់ខ្ពស់ជាទីបំផុត ។ ហើយគុណបំណាច់របស់ព្រះអង្គ ប្រជារាស្រ្តខ្មែរគ្រប់រូប ដោយមិនប្រកាន់បក្ខពួន
និងគ្រប់និន្នាការគណបក្សនយោបាយទាំងអស់ ត្រូវតែចូលរួមការប្រារព្វខួបទី២១ នៃរំលឹកការចុះហត្ថលេខាលើកិច្ចព្រមព្រៀងទីក្រុងប៉ារីសនេះ
។
ប្រធានគណបក្ស សង្គ្រោះជាតិ លោក សម រង្ស៊ី
មានប្រសាសន៏បន្តទៀតថា ទោះបីជាព្រះបាទសម្តេចព្រះនរោត្តម សីហនុ
ព្រះអង្គបានសោយទីវង្គតក្តី
តែស្នាមព្រះសហ្ថរបស់ទ្រង់គឺស្ថិតនៅជាប់ក្នុងដួងចិត្តរបស់ប្រជារាស្រ្តខ្មែរគ្រប់រូបដែលជាកូន
ជាចៅ ចៅទូត ចៅលួត និងចៅលារបស់ព្រះអង្គគ្រប់ៗគ្នា ។
ជាមួយគ្នានោះលោក សម រង្ស៊ី
ក៏បានបួងសួងសុំឲ្យព្រះដួងវិញ្ញាក័្ខន្ធរបស់ព្រះបាទនរោត្តម សីហនុ ព្រះមហាវីរក្សត្រ
ព្រះវរាជបិតា ឯករាជ្យ បូរពភាពទឹកដី និងឯកភាពជាតិខ្មែរ
សូមយាងទៅសោយសុខក្នុងព្រះសុគតិភពកុំបីខាន ។
លោក សម រង្ស៊ី បានថ្លៃងទៀតថា
យើងទាំងអស់គ្នាគឺត្រូវតែបន្តដង្ហែរតាមព្រះរាជតម្រិះរបស់
ព្រះអង្គក្នុងការឲ្យខ្មែររួបរួមគ្នា ហើយបើខ្មែររួបរួមគ្នាខ្មែររស់ខ្មែរផ្កុំផ្កើន តែបើខ្មែរបែកបាក់គ្នានោះខ្មែរចុះខ្សោយ
ខ្មែររងគ្រោះ ខ្មែរវេទនា ជាតិខ្មែរនិងត្រូវស្លាប់ ។ ហេតុដូច្នេះយើងទាំងអស់គ្នាត្រូវតែដង្ហែរតាមព្រះរាជតម្រិះដ៏ខ្ពង់ខ្ពស់របស់ព្រះករុណា
ព្រះបាទសម្តេចព្រះនរោត្តម សីហនុ ដើម្បីធ្វើឲ្យប្រទេសជាតិមានការរីកចំរើន។
ការរួបរួមគ្នារវាងខ្មែរនិងខ្មែរ ក៏ដើម្បីជាការការពារឲ្យដែនដី
និងដែនសមុទ្ររបស់យើងបាននៅគង់វង្ស កុំឲ្យបរទេស ឬប្រទេសជិតខាងឈ្លានពាន
និងមើលងាយប្រទេសជាតិ និងជាតិសាសន៏របស់យើង ហើយមានតែការធ្វើ តាមព្រះរាជតម្រិះរបស់ព្រះអង្គទេ
ទើបយើងអាចកសាងប្រទេសជាតិរបស់យើងបានយ៉ាងត្រឹមត្រូវ
ដែលទ្រង់បានឆ្គាលឲ្យយើងក្នុងការស្រលាញ់ជាតិ និងគោរពស្រលាញ់គ្នា ។ លោក សម រង្ស៊ី
បន្តថា យើងក៏ត្រូវតែរួមរួមគ្នាជាធ្លុងមួយដើម្បីប្រឆាំងទៅនិងអំពើពុករលួយផងដែរ
ព្រោះកាលពីព្រះអង្គនៅមានព្រះជន្មនៅឡើង គឺទ្រង់តែងតែការពារប្រជារាស្រ្តរបស់ព្រះអង្គមិនឲ្យរងគ្រោះដោយសារតែអំពើពុករលួយឡើយ
។ មួយវិញទៀតចំពោះការការពារនូវបរណភាពទឹកដីក៏យ៉ាងដូច្នោះផងដែរ គឺព្រះអង្គបានយកព្រះទ័យទុកដាក់យ៉ាងខ្លាំងមិនឲ្យបរទេសណាឈ្លានពានបានឡើយ
រួមជាមួយនិងព្រះរាជកិច្ចដ៏សំខាន់ៗរបស់ព្រះអង្គជាច្រើនទៀត ដែលទ្រង់បានខំប្រឹងលះបង់អស់ព្រះកាយពលរបស់ព្រះអង្គដើម្បីឲ្យជាតិ
និងប្រជារាស្រ្តព្រះអង្គ ឲ្យរស់នៅប្រកបដោយសេចក្តីសុខសាន្ត ដែលទាងអស់នេះគឺព្រះអង្គបានលះបង់ពេញមួយព្រះជន្មរបស់ទ្រង់
។
សូមជំរាបជូនផងដែរថា
នៅបន្ទាប់ពីបានទទួលនូវការយាងចូលទីវង្គតរបស់់ព្រះករុណា ព្រះបាទនរោត្តម សីហនុ ព្រះមហាវីរក្សត្រ
ព្រះវរាជបិតា ឯករាជ្យ បូរពភាពទឹកដី និងឯកភាពជាតិខ្មែរ
រួចមកប្រទេសជាមិត្តជាច្រើនបានផ្ញើរសារចូលរួមរំលែកទុក្ខជូនចំពោះសម្តេចម៉ែ សម្តេចយាយ
សម្តេចយាយទូត ក៏ដូចជាព្រះករុណាព្រះបាទបរមនាថ នរោត្តម សីហមុនី ព្រះ មហាក្សត្ស
នៃព្រះរាជាណាចក្រកម្ពុជា និងរដ្ឋាភិបាលកម្ពុជា ព្រមទាំងប្រជាពលរដ្ឋកម្ពុជាទាំង
មូលផងដែរ ។ ការយាងចូលទីវង្គតរបស់ ព្រះករុណាព្រះបាទនរោត្តម សីហនុ គឺជាការបាត់បង់នូវវីរបុរសដ៏ឆ្នើមមួយរូបដែលមិនអាចកាត់ថ្លៃបានរបស់ប្រទេសកម្ពុជា
។
No comments:
Post a Comment
yes