មន្រ្តីស្ថានទូតអាមេរិក អះអាងនៅថ្ងៃព្រហស្បតិ៍នេះថា សហរដ្ឋអាមេរិក ចង់ឃើញកំណែទម្រង់នៅកម្ពុជា បន្ទាប់ពីការផ្តល់សាររបស់ប្រធានាធិបតីសហរដ្ឋអាមេរិក ដើម្បីឲ្យទំនាក់ទំនងប្រទេសទាំងពីរកាន់តែប្រសើរ។
អ្នកនាំពាក្យស្ថានទូតអាមេរិកប្រចាំកម្ពុជា លោក សៀន ម៉ាកគិនតូស (Sean McIntosh) មានប្រសាសន៍ថា នេះមិនមែនជាកំហុសទេ ដែលលោកប្រធានាធិបតី ចង់ឃើញកម្ពុជាមានកំណែទម្រង់ ដូចប្រទេសភូមា ដូច្នេះ កម្ពុជាគួរតែមានវិធានការក្នុងការការពារសិទ្ធិមនុស្ស ដែលអាចនាំឲ្យទំនាក់ទំនងរវាងប្រទេសទាំងពីរ អាចឈានដល់កម្រិតមួយបន្ថែមទៀត។
លោក សៀន ម៉ាកគិនតូស បន្ថែមថា សហរដ្ឋអាមេរិក នៅតែបន្តលើកពីបញ្ហាសិទ្ធិមនុស្ស បញ្ហាការរំលោភដីធ្លី និងការបោះឆ្នោតដោយសេរី និងយុត្តិធម៌នេះទៅរដ្ឋាភិបាលកម្ពុជា។
ក្នុងជំនួបជាមួយលោកនាយករដ្ឋមន្រ្តី ហ៊ុន សែន ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា បានលើកពីបញ្ហាការរំលោភសិទ្ធិមនុស្ស បញ្ហាដីធ្លី ការបោះឆ្នោត លទ្ធិប្រជាធិបតេយ្យ និងអ្នកទោសនយោបាយជាដើម។ ជំនួបនេះ ត្រូវបានមើលឃើញថា មានភាពតានតឹងរវាងមេដឹកនាំនៃប្រទេសទាំងពីរ៕
No comments:
Post a Comment
yes