គណបក្ស សង្គ្រោះជាតិ ក្រោមការដឹកនាំរបស់លោក សម រង្ស៊ី
និងលោក កឹម សុខា ជាប្រធាន និងអនុប្រធាន
រួមជាមួយនិងថ្នាក់ដឹកនាំដ៏ទៃឆ្នើមៗជាច្រើនទៀតនៅក្នុងជួរគណបក្ស សង្គ្រោះជាតិ
មានការយកចិត្តទុកដាក់ជាទីបំផុតចំពោះប្រជាពលរដ្ឋទូទៅទាំងអ្នកមាន អ្នកក្រ
ទាំងមនុស្សចាស់ យុវវ័យ វ័យកណ្តាល ពិសេសគឺជនពិការ មិនថាជនពិការដោយការពារជាតិ
ជនពិការពីកំណើត ឬពិការដោយគ្រោះថ្នាក់ផ្សេងៗនោះឡើយ ។
គណបក្ស សង្គ្រោះជាតិ
បានចេញនូវគោលនយោបាយទាំងនេះយ៉ាងច្បាស់លាស់ ដែលជា គោលនយោបាយថ្នាក់ជាតិ
ព្រោះថាមនុស្សគ្រប់រូបចាំបាច់ណាស់ត្រូវទទួលបានការការពារ និងមានសិទ្ធគ្រប់គ្រាន់សម្រាប់រស់នៅក្នុងសង្គម
គឺយើងមិនត្រូវមានការរើសអើងចំពោះរូបគាត់ឡើយ ។
លោក យឹម សុវណ្ណ អ្នកនាំពាក្យ
ចលនាប្រជាធិបតេយ្យសង្គ្រោះជាតិ លោកបានមានប្រសាសន៏ឲ្យដឹងថា គណបក្ស សង្គ្រោះជាតិ
គឺយើងគិតគូរផលប្រយោជន៏របស់ប្រជាពលរដ្ឋគ្រប់ៗ គ្នានៅក្នុងសង្គម ជាពិសេសគឺជនពិការ
ព្រោះជនពិការក៏ជាមនុស្សជាតិរស់នៅក្នុងសង្គមដែរ
គឺទាមទារទៅនិងសេចក្តីត្រូវការដូចគ្នានិងអ្នកដែលមិនពិការដែរ ។ លោក យឹម សុវណ្ណ
បានថ្លែងទៀតថា នៅក្នុងប្រទេសរបស់យើងជនពិការគឺមានដូចជា ជនពិការដោយសារតែសង្គ្រាម
ដោយពួកគាត់ហ៊ានលះបង់អាយុជិវិតដើម្បីការពារប្រទេសជាតិ ដោយពួកគាត់មិនគិតពីនិន្នាការនយោបាយទាំងអស់
ដែលអ្នកទាំងនោះបានលះបង់អ្វីៗដើម្បីផលប្រយោជន៏ជាតិ និងឧត្តមគតិជាតិ ហើយគណបក្ស
សង្គ្រោះជាតិ មានការគោរពនិងឲ្យ តម្លៃដល់ពួកគាត់យ៉ាងខ្ពស់ ។
អ្នកនាំពាក្យ ចលនាប្រជាធិបតេយ្យសង្គ្រោះជាតិ លោក យឹម
សុវណ្ណ បានបន្តទៀផងដែរថា មួយវិញទៀតបងប្អូនជនពិការពីកំណើត
ពិការដោយគ្រោះថ្នាក់ផ្សេងៗ គណបក្ស សង្គ្រោះជាតិ
យកចិត្តទុកដាក់ចំពោះពួកគាត់ដូចជាបងប្អូនពិការដោយការការពារជាតិដូចគ្នាផងដែរ
ហើយពួកគាត់មានសិទ្ធិ
និងអាចទទួលបានអ្វីៗព្រមទាំងឪកាសការងារដូចជាពលរដ្ឋដែលមិនពិការដែរ ។ លោក យឹម
សុវណ្ណ បានបន្តទៀតថា ជាមួយនិងគោលនយោបាយសង្គមកិច្ចនេះផងដែរ គណបក្ស សង្គ្រោះជាតិ
ក៏មានគោលនយោបាយយ៉ាងច្បាស់ក្នុងការជួយឪបត្ថមដល់ចាស់ជរា
ដែលពួកគាត់អាចទទួលបានការឧបត្ថមចំនួនបួនម៉ឺនរៀលក្នុងមួយខែជាប្រចាំរហូតដល់អស់ជីវិត
។នេះជាប្រាក់ឧបត្ថមបន្តិចបន្ទួចមែនតែគណបក្សនិងខិតខំប្រឹងប្រែងបន្ថែមទៀត
ហើយការផ្តល់ជូននេះទៅតាមកម្រិតសេដ្ឋកិច្ចជាតិរបស់យើងផងដែរ
ប្រសិនបើសេដ្ឋកិច្ចរបស់យើងមានការរីកចំរើនកាន់តែខ្លាំង
ប្រាក់ឧបត្ថមនេះក៏អាចនិងជួយសំរួលបន្ថែមទៀតផងដែរ ។
ក្នុងករណីយ៉ាងណាក៏ដោយ
ក៏មិនត្រូវបានកាត់ផ្តាច់ ទៅវិញជាដាច់ខាតព្រោះនេះជាគោលនយោបាយថ្នាក់ជាតិរបស់គណបក្ស
សង្គ្រោះជាតិ ។
លោក យឹម សុវណ្ណ បានមានប្រសាសន៏បន្ថែមទៀតផងដែរថា គណបក្ស
សង្គ្រោះជាតិ គឺធ្វើ ករណីខាងលើនេះដោយពិតប្រាកដ មិនដូចជាគណបក្សកាន់អំណាចនោះឡើយ
ពេលត្រូវការសន្លឹកឆ្នោតពីលោកតា លោកយាយ បងប្អូនប្រជាពលរដ្ឋទូទៅ
វប្បធម៌របស់ពួកគេគឺយកប្រាក់កាស ឬគ្រឿងឧបភោគបរិភោគផ្សេងៗទៅចែកជូនប្រជាពលរដ្ឋ
ដើម្បីបង្ហាញឲ្យឃើញថា គេយកចិត្តទុកដាក់ចំពោះប្រជាពលរដ្ឋ
តែនៅពេលទទួលបានសន្លឹកឆ្នោតហើយនោះ គឺពួកគេគ្មានគោលនយោបាយដូចជាគណបក្ស សង្គ្រោះជាតិ
ដែលបានដាក់ចេញនៅពេលនេះឡើយ ។ លោក យឹម សុវណ្ណ ថាប្រជាពលរដ្ឋទូទៅគឺម្នាក់ៗមានគុណបំណាច់យ៉ាងធំធេងណាស់សម្រាប់ប្រទេសជាតិ
ហេតុដូចនេះរដ្ឋាភិបាលដែលដឹកនាំដោយគណបក្ស សង្គ្រោះជាតិ គឺធ្វើអ្វីគិតប្រយោជន៏រាស្រ្ត
និងប្រជាពលរដ្ឋជាធំ ។
បច្ចេកទេសនៃការផ្តល់ថវិការជូនចំពោះជនពិការ និងចាស់ជរា
ដោយត្រួសៗយ៉ាងដូចនេះថា គណបក្ស សង្គ្រោះជាតិ
មុននិងដាក់ចេញនូវគោលនយោបាយផ្តល់ទៅដល់ចាស់ជរា ហើយ និងជនពិការ
គឺយើងបានធ្វើការសិក្សាយ៉ាងល្អិតថាលទ្ធភាពសេដ្ឋកិច្ចរបស់យើងដែលមានទំហំជាង១២ពាន់លាន
ទៅ១៣ពាន់លានដុល្លាក្នុង១ឆ្នាំគឺយើងអាចធ្វើទៅបាន ព្រោះយើងបាន
គិតគូរជាលក្ខណៈបច្ចេកទេសត្រឹមត្រូវយ៉ាងច្បាស់លាស់ មិនមែនយើងធ្វើដោយគ្មានមូលដ្ឋាន
ទេ ហើយអ្វីដែលយើងធ្វើគឺសម្រាប់និរន្តរភាពយូអង្វែងសម្រាប់បំរើឲ្យផលប្រយោជន៏របស់ប្រជាពលរដ្ឋ
ហើយយើងមិនមែនចង់បានការគាំទ្រពីប្រជាពលរដ្ឋតែមុនពេលបោះឆ្នោតទេ
គឺយើងចង់ឲ្យមានការគាំទ្រពីប្រជាពលរដ្ឋជារៀងរហូរ
ពីព្រោះគណបក្សនយោបាយមិនមែនបង្កើតតែមួយថ្ងៃសម្រាប់រលាយបាត់ទៅវិញឡើយ ។
លោក យឹម សុវណ្ណ តំណាងរាស្រ្តគណបក្សប្រឆាំង
និងជាអ្នកជំនាញខាងផ្នែកសេដ្ឋកិច្ច លោកបានមានប្រសាសន៏ឲ្យដឹងទៀតថា
យើងនៅមានគន្លឹះជាច្រើនទៀតដែលអាចធ្វើឲ្យសេដ្ឋកិច្ចជាតិរបស់យើងមានការហក់ឡើងខ្ពស់ជាងប្រាក់ចំណូលដែលទទួលបានជារៀងរាល់
ឆ្នាំក្រោមការដឹកនាំរបស់គណបក្សកាន់អំណាចសព្វថ្ងៃនេះ តែលោកសុំ មិនលំអិតជូនឡើយ
ដល់ពេលយើងទទួលបានជ័យជំនះនៅឆ្នាំ២០១៣ ដែលជាឪកាសរបស់យើងមានច្រើនហើយ
យើងនិងបង្ហាញជូនបងប្អូនឲ្យបានឃើញផ្ទាល់និងភ្នែកគ្រប់គ្នា ។ ដោយ
លោកសុំបង្ហើបតែ
បន្តិចទាក់ទងទៅនិងអំពើពុករលួយ គឺយើងអាចប្រមូលបានថវិការជាច្រើន
រយលានដុល្លាសម្រាប់យកមកទ្រទ្រង់ផ្នែកសេដ្ឋកិច្ចរបស់ជាតិ ។
ដូច្នេះយើងសង្ឃឹមយ៉ាងមុតមាំថាគណបក្ស សង្គ្រោះជាតិ
ពិតជាអាចធ្វើទៅបាន យើងគ្រាន់ តែក្រលែកមកមើលកាលពីជំនាន់លោក សម រង្ស៊ី
នៅកាន់តំណែងជារដ្ឋមន្រ្តីក្រសួងសេដ្ឋកិច្ច គឺលោក សម រង្ស៊ី
ធ្វើការងារនេះទទួលបានជោគជ័យ កាលណោះសេដ្ឋកិច្ចកម្ពុជាមានការរីកចំរើកគួរឲ្យកត់សំគាល់
អំពើពុករលួយត្រូវបានបំបាត់អស់មួយភាគធំ
ទំនិញក៏មានលំនឹងគ្មានការឡើងថ្លៃខ្ពស់កបពពកដូចជាជំនាន់នេះទេ
ក្នុងនោះប្រេងឥន្ទនះគឺមានតម្លៃក៏ហក់ឡើងខ្ពស់គ្មានត្រាប្រណី ។
ជាមួយគ្នានេះក៏មានការកត់សម្គាល់ផងដែរថា
ពេលមានពិធីបុណ្យទានរបស់ជាតិផ្សេងៗដែលសំខាន់ៗប្រេង បាប់ផ្តើមឡើងថ្លៃមួយរំពិច
រំរាំដែលចុះថ្លៃមកវិញគឺរាប់សប្តាហ៏ តែក្នុងនោះក៏មានការកត់សំគាល់ផងដែរថា
ស្ថិតនៅក្នុងឪកាសនៃការឃោសនាបោះឆ្នោតប្រេងឥន្ទនះបែជាចុះថោក ។
អ្វីទាំងនេះត្រូវបានតាមដានលើកឡើងថា
ទាំងអស់នេះក៏មកពីការបញ្ជារពីលោកនាយករដ្ឋមន្រ្តីផងដែរ
ព្រោះដើម្បីទទួលបានការគាំទ្រពីប្រជាពលរដ្ឋ
ថារដ្ឋាភិបាលបានធ្វើការបញ្ចុះប្រេងឥន្ទនះ ជូនប្រជាពលរដ្ឋ
និងតម្លៃទំនិញនៅលើទីផ្សារមួយចំនួន ។ តែសូមកុំភ្លេចនៅបន្ទាប់ពីគេទទួល
បានសន្លឹកឆ្នោតបានសម្លេងច្រើន រួមផ្សំទាំងការលួចបន្លំ បំភិតបំភ័យ ទិញដូរហើយនោះ
ក្នុងនោះពួកគេក៏ធ្វើបាបបងប្អូនរបស់យើងឲ្យរស់នៅវេទនារយៈពេលប្រាំឆ្នាំជាបន្តទៀតជាក់ជាមិនខានឡើយ
មេរៀនយើងបានឆ្លងកាត់រួចមកហើយអស់រយៈពេលជាង៣០ឆ្នាំមកនេះ ។
ហេតុដូចនេះជំរើសថ្មីល្អរបស់បងប្អូនមានតែគណបក្ស
សង្គ្រោះជាតិ តែមួយប៉ុណ្ណោះ ដែលជា ក្តីសង្ឃឹមរបស់យើងទាំងអស់គ្នា និងប្រទេសជាតិរបស់យើង
នៅឆ្នាំ២០១៣ខាងមុខនៅពេល បោះឆ្នោត សូមបោះឆ្នោតជូនគណបក្ស សង្គ្រោះជាតិ
ទាំងអស់គ្នាដែលមានរូបសញ្ញាព្រះអា ទិត្យរះ ៕
No comments:
Post a Comment
yes