សម រង្ស៊ី ៖ ចរន្តនៃការទាមទារឲ្យមានការផ្លាស់ប្តូរ គជប កំពុងតែកើតមានយ៉ាងខ្លាំងនៅលើឆាកអន្តរជាតិ បើគ្មានការផ្លាស់ប្តូរ គជប បក្សសង្គ្រោះជាតិ និងមិនចូលរួមការបោះឆ្នោតឡើយ

លោក សម រង្ស៊ី ប្រធានគណបក្ស សង្គ្រោះជាតិ ដ៏មានប្រជាប្រិយភាព

ការទាមទារឲ្យមានការផ្លាស់ប្តូរសមាសភាព គជប មិនត្រឹមតែគណបក្សប្រឆាំងនៅក្នុងប្រ​ទេសកម្ពុជានោះទេដែលបាននិងកំពុងតែធ្វើយ៉ាងស្រួចស្រាវនោះ សូម្បីតែអន្តរ​ជាតិក៏បាននិង​កំពុងតែយកចិត្តទុកដាក់យ៉ាងខ្លាំងផងដែរនៅក្នុងបញ្ហានេះ ព្រោះការបោះឆ្នោតមានសារ​សំ​ខាន់ណាស់សម្រាប់ប្រទេសនីមួយៗ ។

ការបោះឆ្នោតនៅឆ្នាំ២០១៣ត្រូវតែធានាថា ប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្រប ទៅតាមឆន្ទៈរបស់ប្រជាពលរដ្ឋដែលជាម្ចាស់ឆ្នោត ទើបការបោះឆ្នោតនោះអាចទទួលយក​បាន បើមិនដូច្នោះទេការបោះឆ្នោតនោះគឺគ្រាន់តែធ្វើឡើងដើម្បីតែបង្គប់កិច្ចប៉ុណ្ណោះ មួយ វិញ​ទៀតប្រសិនបើពុំមានការផ្លាស់ប្តូរសមាសភាព គជបទេ នោះគណបក្សប្រឆាំង សង្គ្រោះ​ជាតិ ក៏និងធ្វើការពិចារណាមិនអាចចូលរួមការបោះឆ្នោតរបៀបនេះផងដែរ ពេលនោះហើយនិង​ធ្វើ​ឲ្យប្រទេសកម្ពុជាជួបទៅនិងបញ្ហាជាក់ជាមិនខាន ដោយសារតែការមិនចូលរួមក្នុងការ​បោះ​ឆ្នោត​របស់គណបក្ស សង្គ្រោះជាតិ ដែលមានលោក​សម រង្ស៊ី ជាប្រធាន និងលោក កឹម សុខា ជា អុប្រធាននោះ ។

លោក សម រង្ស៊ី កាលពីពេលកន្លងទៅថ្មីៗលោកបានមានប្រសាសន៏ឲ្យដឹងថា ចលនាដែល យើងកំពុងតែធ្វើទាំងនៅក្នុងប្រទេសនិងក្រៅប្រទេស ដែលក្នុងនោះមានទាំងអន្តរជាតិបានគាំ ទ្រយ៉ាងខ្លាំង ព្រោះគេបានយល់ច្បាស់អំពីបញ្ហាការបោះឆ្នោតនៅកម្ពុជា ។ អស់រយៈពេល៣ អា​ណត្តិកន្លងមកនេះដែលការបោះឆ្នោតបៀបចំឡើងដោយកម្ពុជាខ្លួនឯងមិនត្រឹមតែគណ​បក្ស​ប្រឆាំង គណបក្សនយោបាយផ្សេងៗទេដែលមានប្រតិកម្មនោះ សូម្បីតែប្រជាពលរដ្ឋ​

ដែលជាម្ចាស់ឆ្នោតក៏ពួកគាត់មានប្រតិកម្មយ៉ាងខ្លាំងផងដែរ ។

លោក​ សម រង្ស៊ី បានបន្តទៀតថា គណបក្ស សង្គ្រោះជាតិ ធ្លាប់បានប្រកាសហើយថា យើង​មិនទទួលយកទេការបោះឆ្នោតណាដែលមិនមានការផ្លាស់ប្តូរ គជប នោះ ។ ហើយជាមួយគ្នា នោះនៅលើឆាកនយោយបានប្រទេសកម្ពុជា គឺមានភាពច្បាស់លាស់ជាងមុនបន្តិច ព្រោះពី​មុនគឺមានភាពស្មុកស្មាញរញ៉េរញ៉ៃ ព្រោះមានគណបក្សច្រើន សូម្បីតែនៅរដ្ឋសភាក៏មាន​អាសនះរហូតដល់ទៅប្រាំគណបក្សផងដែរ ។ លោក សម រង្ស៊ី បន្តទៀតថា តែនៅក្រោយការ បោះឆ្នោតឃុំ-សង្កាត់ កាលពីពេលកន្លងទៅថ្មីៗនេះបានបង្ហាញឲ្យឃើញថា គណបក្ស​សម្រាប់ធ្វើការប្រគួតប្រជែងគ្នាគឺមានតែបីទេ គឺគណបក្ស ប្រជាជនកាន់អំណាចសព្វថ្ងៃ គណ បក្ស សម រង្ស៊ី និងគណបក្ស សិទ្ធិមនុស្ស តែក្រោយមកទៀតគណបក្ស​សម រង្ស៊ី និងគណ​បក្ស សិទ្ធិមនុស្ស បានរួមបញ្ចូលគ្នាជាសម្លេងតែមួយដោយបង្កើតបានជាគណបក្ស សង្គ្រោះ ជាតិ ។ 

ដូច្នេះប៉ូលគណកប្សដែលត្រូវប្រគួតប្រជែងគ្នាសម្រាប់ការបោះឆ្នោតនៅឆ្នាំ២០១៣ គឺ នៅមានតែពីរប៉ុណ្ណោះ នោះគឺការគណបក្ស សង្គ្រោះជាតិ និងគណបក្សប្រជាជន ដែលអាច​ធ្វើឲ្យប្រជាពលរដ្ឋងាយស្រួលក្នុងការសម្រេចចិត្តបោះឆ្នោតជ្រើសរើសគណបក្សណាមួយបានយ៉ាងច្បាស់លាស់ លែងមានភាពស្រពិច ស្រពិលទៀត ។

ប្រធានគណបក្ស សង្គ្រោះជាតិ បានបន្តទៀតថា នៅលើពិភពលោកបទពិសោធបានបង្ហាញ ឲ្យឃើញយ៉ាងច្បាស់ហើយផងដែរ ប្រសិនបើមានការបោះឆ្នោតដោយមួយតទល់និងមួយ គឺ គណបក្សកាន់អំនាចផ្តាច់ការ មិនអាចយកឈ្នះលើគណបក្សប្រជាធិបតេយ្យបានឡើយ ។ លោកបន្តទៀតថា ហេតុដូចនេះការបោះឆ្នោតមានតែមួយទល់និងមួយគឺគណបក្ស សង្គ្រោះ ជាតិអាចធ្វើការទាមទារឲ្យមានការផ្លាស់ប្តូរសមាសភាព គជបបាន ហើយប្រសិនបើមិនមាន ការផ្លាស់ប្តូរសមាសភាព គជប គណបក្ស សង្គ្រោះជាតិ មិនចូលរួមការបោះឆ្នោតទៀតនោះ ការបោះឆ្នោតគឺមិនមានន័យ និងមិនមានតម្លៃឡើយ ហើយរដ្ឋាភិបាលដែលកើតមករបៀប នេះគឺមិនមានអ្នកណាទទួលស្គាល់ឡើយ ហើយប្រសិនបើគ្មានគេ​ទទួលស្គាល់​រដ្ឋាភិបាល​

នោះ​ ប្រទេសកម្ពុជានិងជួបវិបត្តិយ៉ាងធ្ងន់ធ្ងរជាក់ជាមិនខាន ព្រោះអន្តរជាតិក៏លែងផ្តល់​ជំ​នួយដល់កម្ពុជា ហើយការដើរខ្ចីបុលថវិការពីអន្តរជាតិក៏លែងបានទៀតផងដែរ រួមទាំងមិន​អាច​ធ្វើការជួញដូរជាមួយនិងអន្តរជាតិបានថែមទៀត ។

ប្រធានគណបក្សប្រឆាំងដ៏ធំនៅក្នុងប្រទេសកម្ពុជា លោក សម រង្ស៊ី បានថ្លែងទៀតថា មូល ហេតុទាំងអស់នេះហើយ និងធ្វើឲ្យរដ្ឋាភិបាលសព្វថ្ងៃនិងធ្វើការពោចារណាលើបញ្ហាការ​ផ្លាស់​ប្តូរសមាសភាព គជប ។ ជាមួយគ្នានោះអន្តរជាតិ គឺគេយល់ខ្លាំងណាស់ចំពោះ​បញ្ហាខាង​លើ​នេះ ហើយគេបានជំរុញយ៉ាងខ្លាំងឲ្យមានការផ្លាស់ប្តូរ គជប ដែលនេះជាលើកទីមួយហើយ​ដែលអន្តរជាតិចេញមុខជំរុញឲ្យមានការបោះឆ្នោតត្រឹមត្រូវ និងឲ្យមានការផ្លាស់ប្តូរ គជប ។ ជា​មួយគ្នានោះកាលពីពេលថ្មីៗកន្លងទៅនេះផងដែរ ព្រឹទ្ធសភាប្រទេសហ្វីលីពីន ក៏បានធ្វើ​ញត្តិ​ទាមទារស្នើរឲ្យមានការផ្លាស់ប្តូរ គជប ហើយសហភាពអ៊ឺរុប ដែលមាន២៧ប្រទេសនៅ ទ្វីបអ៊ឺរ៉ុប សភាអ៊ឺរ៉ុបក៏បានអនុម័តញត្តិមួយទាមទារឲ្យមានការផ្លាស់ប្តូរ គជបផងដែរ ជាមួយ​​គ្នា​នោះថ្មីៗនេះព្រឹទ្ធសភាប្រទេសអូស្រ្តាលី ក៏បានអនុម័ត្តនូវញត្តិមួយទៀតទាមទារឲ្យមាន​ការ​ផ្លាស់ប្តូរ គជប ដូចគ្នា ហើយក្នុងនោះនៅតែប៉ុន្មានថ្ងៃខាងមុខនេះ​តៀតលោកប្រធា​នាធបិតី​សហរដ្ឋអាមេរិក ក៏និងធ្វើតំណើរមកកាន់ប្រទេសកម្ពុជាផងដែរ ហើយលោកជឿថាលោក បារ៉ាក់ អូបាម៉ា គឺ​ច្បាស់ជាគាំទ្រអង្គការសហប្រជាជាតិ ក្នុងការឲ្យមានការផ្លាស់ប្តូរ គជប ដើម្បី​ឲ្យការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌នោះ ។

លោក សម រង្ស៊ី ថ្លែងទៀតថា សហរដ្ឋអាមេរិកគឺគោរពអង្គការសហប្រជាជាតិខ្លាំងណាស់ មុននិងសហរដ្ឋអាមេរិកធ្វើសេចក្តីសម្រេច ធ្វើអន្តរាគមន៏ទៅប្រទេសណាមួយក្នុងពិភពលោក​គឺតែងតែស្នើសុំការយល់ព្រម និងការគាំទ្រពីអង្គការសហប្រជាជាតិ ហើយចំពោះប្រ​ទេស​កម្ពុ​ជា​របស់យើងគឺអង្គការសហប្រជាជាតិស្នើសុំឲ្យមានការផ្លាស់ប្តូរ គជប ។ ដូច្នេះសហរដ្ឋអា​មេ​រិក​គឺគេត្រូវតែគាំទ្រគោលជំហ៊រ សំណើររបស់អង្គការសហប្រជាជាតិ​ឲ្យមានការផ្លាស់ប្តូរ គជប ។ ហេតុដូចនេះលោក បារ៉ាក់ អូបាម៉ា ច្បាស់ជានិងជំរុញរដ្ឋាភិបាលសព្វថ្ងៃឲ្យមាន​ការផ្លាស់ប្តូរ

គជប ជាក់ជាមិនខាន ។

លោក​សម រង្ស៊ី បន្តថា អ្វីទាំងអស់នេះបង្ហាញឲ្យយើងឃើញហើយថា ទាំងនៅក្នុងប្រទេស និងនៅក្នុងពិភពលោក នៅលើឆាកអន្តរជាតិ គឺមានចរន្តមួយយ៉ាងខ្លាំង​ទាមទារឲ្យមាន​ការ​ផ្លាស់ប្តូរ គជប ហើយជាមួយគ្នានោះលោកមានជំនឿថាមិនយូរទេនិងមានការផ្លាស់ប្តូរ គជប ហើយពេលមានការផ្លាស់ប្តូរបែបនេះ ការបោះឆ្នោតគឺយើងអាចទទួលយកបាន ។ តែប្រសិន​បើមិនមានការផ្លាស់ប្តូរ គជប ទេគឺគណបក្ស សង្គ្រោះជាតិ មិនលេងចូលជាមួយនិងគណបក្ស ប្រជាជនសព្វថ្ងៃឡើយ ហើយការបោះឆ្នោតពេលនោះមិនអាចទទួលយកបាន រដ្ឋាភិបាល ដែល​កើតឡើងរបៀបនេះ ក៏មិនមាននរណាទទួលស្គាល់ផងដែរ ដូចលោកបានជំរាបពីខាង​ដើម ពេលនោះហើយប្រទេសកម្ពុជានិងជួបបញ្ហាយ៉ាងធ្ងន់ធ្ងរជាក់ជាមិនខាន ។

ដូច្នេះយើងត្រូវតែគិតពិចារណាដើម្បីបញ្ជៀសពីវិបត្តិ ពីចលាចលនោះគឺត្រូវតែផ្លាស់ប្តូរ គជប ដើម្បីឲ្យមានការបោះឆ្នោតត្រឹមត្រូវដែលទាំងអស់គ្នាអាចទទួលយកបាន ហើយក្នុងនោះ​គណ​បក្ស សង្គ្រោះជាតិ ក៏និងចូលរួមក្នុងការបោះឆ្នោតដែរ ហើយការបោះឆ្នោត​ដែលមាន​គណ​បក្ស សង្គ្រោះជាតិចូលរួម ទាំងយើងទាំងអស់គ្នា ទាំងសហគមន៏អន្តរជាតិ គឺអាចទទួល​យក​បាន​គ្រប់ៗគ្នា ។

ពេលនោះហើយដែលជ័យជំនះនិងធ្លាក់មកលើគណបក្ស សង្គ្រោះជាតិ ព្រោះប្រជាពលរដ្ឋខ្មែរ មិនបោះឆ្នោតគាំទ្រគណបក្សកាន់អំណាចសព្វថ្ងៃទៀតឡើយ ដែលគណបក្សមួយនេះត្រូវ​បានគេមើលឃើញថា បាននិងកំពុងតែដឹកនាំប្រទេសទៅរកគ្រោះមហន្តរាយនោះ ៕