ភ្នំពេញៈ ប្រធានាធិបតីសហរដ្ឋអាមេរិកលោកបារ៉ាក់ អូបាម៉ាបានធ្វើដំណើរមកដល់ប្រទេសកម្ពុជាហើយនៅល្ងាចថ្ងៃចន្ទ ទី១៩ខែវិច្ឆិកានេះ បន្ទាប់ពីទស្សនកិច្ចនៅប្រទេសថៃ និងមីយ៉ាន់ម៉ាមក។
នេះគឺជាដំណើរទស្សនកិច្ចនៅអាស៊ីអគ្នេយ៍លើកទី១ បន្ទាប់ពីរូបលោកបានជាប់ឆ្នោតជាប្រធានាធិបតីអាមេរិកអាណត្តិទីពីរ និងជាគោលនយោបាយការបរទេសមួយរបស់លោកផងដែរ។
លោកប្រធានាធិបតីអូបាម៉ា ក៏នឹងជួបពិភាក្សាទ្វេភាគីជាមួយនឹងលោកនាយករដ្ឋមន្ត្រីហ៊ុន សែន មុនកិច្ចប្រជុំកំពូលអាស៊ាន អាមេរិក និងអាស៊ីបូព៌ា។ នៅថ្ងៃអង្គារទី២០ ខែវិច្ឆិកា លោកអូបាម៉ា ក៏នឹងជួបពិភាក្សាជាមួយនឹងលោកនាយករដ្ឋមន្ត្រីចិន វេន ជាប៉ាវផងដែរ។
សូមបញ្ជាក់ថា នេះគឺជាលើកទីមួយហើយដែលប្រធានាធិបតីសហរដ្ឋអាមេរិក បានមកប្រទេសកម្ពុជា។ ចំណែកកម្ពុជា ក្នុងនាមជាប្រធានអាស៊ាន បានខិតខំពង្រឹងសន្តិសុខ និងមានការយាមល្បាតយ៉ាងខ្លាំងក្លាក្នុងការពារមេដឹកនាំពិភពលោក។
No comments:
Post a Comment
yes