ភ្នំពេញ៖ រថយន្តពិសេសដ៏ទំនើបៗចំនួន៤គ្រឿង សម្រាប់លោកប្រធានាធិបតីអាមេរិក បារ៉ាក់ អូបាម៉ា ជិះ និងកងអង្គរក្សរបស់លោក បានមកដល់ប្រលានយន្តហោះអន្តរជាតិភ្នំពេញហើយ កាលពីព្រឹកថ្ងៃទី១៧ខែវិច្ឆិកា ឆ្នាំ២០១២នេះ ។ ក្រោយពេលចុះចតនៃយន្តហោះពិសេស ដឹកនាំសំភារៈនិងអង្គរក្ស សម្រាប់គណៈប្រតិភូអាមេរិកនោះ រថយន្តទំនើបៗចំនួន៤គ្រឿង រួមនឹងកងការពារជាច្រើននាក់ បានបើកចេញចូលមកកាន់រាជធានីភ្នំពេញ។
យោងតាមសេចក្ដីប្រកាសព័ត៌មានរបស់ស្ថានទូតអាមេរិកប្រចាំកម្ពុជាបាន អោយដឹងថា លោកស្រីHillary Rodham Clonton រដ្ឋមន្ត្រីការបរទេសអាមេរិក និងអមដំណើរលោកប្រធានាធិបតីបារ៉ាក់អូបាម៉ា មកកាន់ប្រទេសកម្ពុជា នៅថ្ងៃទី១៩ ដល់ថ្ងៃទី២០ ខែវិច្ឆិកា ឆ្នាំ២០១២ ដើម្បីចូលរួមកិច្ចប្រជុំកំពូលអាស៊ាន-អាមេរិក និង កិច្ចប្រជុំកំពូលអាស៊ីបូព៌ា។
លោក ស្រីរដ្ឋមន្ត្រីការបរទេសអាមេរិក នឹងចូលរួមជាមួយលោកប្រធានាធិបតី អូបាម៉ា រួមទាំងគណៈប្រតិភូជាន់ខ្ពស់ ដើម្បីជួបទ្វេភាគីជាមួយសម្ដេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងពិភាក្សា និងផ្លាស់ប្ដូរយោបល់ជុំវិញបញ្ហាអាទិភាព និងបញ្ហាតំបន់សំខាន់ៗ ដែលនឹងត្រូវលើកឡើងក្នុងកិច្ចប្រជុំកំពូលអាស៊ាន-អាមេរិក និងកិច្ចប្រជុំកំពូលអាស៊ី-បូព៌ា ។
គួរ បញ្ជាក់ថា លោកប្រធានាធិបតីសហរដ្ឋអាមេរិក បារ៉ាក់ អូបាម៉ា នឹងមកដល់រាជធានីភ្នំពេញ នៅថ្ងៃទី១៩ ខែវិច្ឆិកា ឆ្នាំ២០១២ដើម្បីចូលរួមកិច្ចប្រជុំមេដឹកនាំអាមេរិក អាស៊ាន កិច្ចប្រជុំកំពូលអាស៊ីខាងកើត និងកិច្ចប្រជុំទាក់ទងដទៃទៀត ៕
No comments:
Post a Comment
yes