ភ្នំពេញ៖ កាលពីវេលាម៉ោងប្រហែល៦ និង ៣០ នាទីព្រឹកថ្ងៃទី១១ ខែមករា ឆ្នាំ២០១៣ នេះបុរសម្នាក់ និងនារីម្នាក់ត្រូវបានប្រជាពលរដ្ឋបានប្រទះឃើញពួកគេប្រព្រឹត្តិអំពើអាសអាភាសដេកស្រាតននលគកនៅលើរថយន្តបង្កឲ្យមានការភ្ញាក់ផ្អើលរួចបានទូរស័ព្ទហៅកម្លាំងសមត្ថកិច្ចប៉ូលិសខណ្ឌសែនសុខមកពិនិត្យនិងនាំខ្លួនទៅធ្វើការសួរនាំនិងធ្វើការអប់រំ។ ហេតុការណ៍ដ៍ភ្ញា្ក់ផ្អើលនេះបានកើតឡើងនៅចំណុចដីឡូត៍វាលទំនេរស្ងាត់មួយកន្លែង ស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ក្បែរស្ថាននីយទូរទស្សន៏អាស៊ីអាគ្នេយ៍។
នៅកន្លែងកើតហេតុ គេឃើញប្រជាពលរដ្ឋ និងសមត្ថកិច្ចប៉ូលិសប៉ុស្ដិ៍ទឹកថ្លា បាននាំគ្នាចោមរោមមើលរថយន្តម៉ាកហ្វត ពណ៌ខ្មៅ ១គ្រឿង ពាក់ស្លាកលេខរដ្ឋ២៩.២.០០៣២ ដែលជំហានដំបូង ត្រូវបានប៉ូលិសសង្ស័យថា ជាអំពើឃាតកម្មសម្លាប់ដាក់ក្នុងរថយន្ត។ ប៉ុន្តែលុះពេលគោះទ្វារបើកមើលស្រាប់តែឃើញបុរសម្នាក់ស្រាតននលគកដេកលើឡាន ហើយនារីជាសង្សារក៏អាក្រាតកាយក្នុងរថយន្តនោះដែរ។
មន្ត្រីនគរបាលមូលដ្ឋានបានឲ្យដឹងថា ជនទាំង២នាក់ខាងលើ ភាគីខាងប្រុសឈ្មោះ ញឹម ផាន អាយុ ២៩ ឆ្នាំ មានទីលំនៅសង្កាត់ផ្សារដេប៉ូI ខណ្ឌទួលគោក និងមានមុខរបរជាមន្ត្រីរាជការនៅក្រសួងធនធានទឹក ទទួលបន្ទុកផ្នែកមន្ត្រីគម្រោងសាងសង់ (ADB)។ រីឯភាគីខាងស្រីឈ្មោះ ណុប សុភា អាយុ ២០ ឆ្នាំ ស្នាក់នៅផ្ទះជួលភូមិស្លែងរលើង សង្កាត់ទឹកថ្លា មុខរបរបម្រើការងារនៅហាងផឹកស៊ីយីហោសាច់អាំង៧៩ ក្នុងសង្កាត់ទឹកថ្លា។
នៅពេលប៉ូលិសសួរនាំ ពួកគេបាននិយាយថា ត្រូវជាសង្សារនឹងគ្នា ហើយដោយសារការស្រវឹងស្រា ក៏មានអារម្មណ៍ចង់រួមរក្ស ក៏បាននាំគ្នាឡើងឋានសួគ៍នៅលើរថយន្តត្រង់កន្លែងស្ងាត់នេះតែម្តងទៅ តែក្រោយពីឡើងឋានសួគ៍ហើយ អស់កម្លាំងរៀងខ្លួន និងងងុយដេកពេកផងនោះ ក៏ភ្លេចស្លៀកពាក់ខោវិញ ហើយដេកទាំងស្រាតរហូតទល់ភ្លឺតែម្ដង ទើបបង្កឧ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ច។
លោក ម៉ក់ ហុង អធិការនគរបាលខណ្ឌសែនសុខ បានមានប្រសាសន៍ថា ករណីនេះយើងមិនមានសិទ្ធិឃាត់ខ្លួនពួកគេទេ ដោយយើងគ្រាន់តែហៅមកសួរនាំអប់រំ ពីព្រោះពួកគេបានបង្កឲ្យមានបញ្ហាចលាចលខូចសណ្ដាប់ធ្នាប់សង្គម និងប្រព្រឹត្តិការរួមរ័ក្សកណ្ដាលវាលដូច្នេះ ខុសប្រពៃណីខ្មែរយើង។ ក្រោយពីសាកសួររួចហើយ សមត្ថកិច្ចក៏បានអនុញ្ញាតឲ្យពួកគេត្រឡប់ទៅផ្ទះវិញផងដែរ។
ប្រជាពលរដ្ឋបាននិយាយថា តួប្រុសខាងលើនេះ ជាមន្ត្រីរាជការជិះរថយន្តទំនើបមានលុយកាក់សម្បូរបែប ម្តេចមិននាំតួស្រីទៅសប្បាយនៅបន្ទប់ផ្ទះសំណាក់ ឬសណ្ឋាគារចាំបាច់អីនាំគ្នាមកប្រព្រឹត្តនៅក្នុងរថយន្តកណ្ដាលវាលបែបនេះទៅវិញ។ តើកិត្តិយសក្រុមគ្រួសារអ្នកទាំងពីរទទួលភាពអាម៉ាសយ៉ាងខ្លាំងយ៉ាងណាទៅ បន្ទាប់ពីរឿងនេះបានលេចឡើងនៅលើបណ្តាញសារព័ត៌មាននោះ។ សង្ឃឹមថាប្អូនៗយុវវ័យទាំងអស់នឹងមិនយកគំរូតាមអ្នកទាំងពីរនេះទេ ព្រោះទង្វើដូចខាងលើនេះ វាបានធ្វើឧ្យបាត់បង់មុខមាត់ កិត្តិយស និងកេរ្ត៍ឈ្មោះខ្លួន ក៏ដូចជាក្រុមគ្រួសារផងដែរ ដូច្នេះគួរគប្បីប្រព្រឹត្តទៅតាមគន្លងទំនាមទម្លាប់ប្រពៃណីខ្មែរយើងទៅទើបជាការប្រសើរ៕
No comments:
Post a Comment
yes