ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តបាត់ដំបង ចុះរៀបចំរចនាសម្ព័ន្ធគណបក្សសង្គ្រោះជាតិនៅ ស្រុកថ្មគោល

លោក សោរ​ ចាន់ដេត ក្រុមការងារចលនាប្រជាធិបតេយ្យសង្គ្រោះជាតិ

 ក្នុងពីធីសំណេះសំណាលជាមួយប្រជាពលរដ្ឋ និងសមាជិកបក្ស

ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តបាត់ដំបង បាននិងកំពុងតែចុះទៅតាម មូល​ដ្ឋាននានានៅទូទាំងខេត្ត ដើម្បីពង្រឹងចលនាសម្ព័ន្ធគណបក្ស ក៏ដូចជាជួបសំណេះសំ​ណាល​ជាមួយ​ប្រជាពលរដ្ឋផងដែរ ក្នុងការស្វែងរកកាគាំទ្រមកលើគណបក្ស សង្គ្រោះជាតិ សម្រាប់ការ​បោះឆ្នោត​ជាតិអាណត្តិទី៥នៅថ្ងៃអាទិត្យ ទី២៨ ខែកក្កដា ឆ្នាំ២០១៣នេះ ។

បើយោងតាមការផ្តល់ព័ត៌មានពីលោក សោរ ចាន់ដេត ក្រុមការងារចលនាប្រជាធិបតេយ្យ សង្គ្រោះជាតិខេត្តបាត់ដំបងបានឲ្យដឹងថា នៅថ្ងៃទី១៨ ខែមករា ឆ្នាំ២០១៣នេះ ពេលព្រឹកថា្នក់​ដឹក​នាំ​​ខេត្តបាន​ធ្វើតំណើរទៅស្រុកថ្មគោល ដើម្បីជួបប្រជុំជាមួយនិងថ្នាក់ដឹកនាំស្រុក​ក្នុងការ​រៀបចំរចនាស័ម្ពព្ធរបស់គណបក្សសង្គ្រោះជាតិស្រុក ព្រមទាំងដាក់ចេញផែនការ​ក្នុងការលើក​ស្លាកគណបក្សចាប់ពីពេលនេះឲ្យបានរួចរាល់នៅក្នុងអំឡុងខែកុម្ភៈនៅទូទាំងស្រុកថ្មគោល ក៏​ដូច​ជា​ការចុះយុទ្ធនាការទាំងនៅតាមផ្ទះ និងជាក្រុមជួបជាមួយប្រជាពលរដ្ឋ ដើម្បីផ្សព្វផ្សាយ​ពី​គោលនយោបាយរបស់គណបក្ស សង្គ្រោះជាតិ ដល់ពួកគាត់ឲ្យបានដឹង ។

លោក សោរ ចាន់ដេត បានបន្តទៀតថា ជាមួយគ្នានោះនៅពេលរសៀលថ្នាក់ដឹកនាំចលនាប្រ ជាធិបតេយ្យសង្គ្រោះជាតិខេត្ត ក៏និងជួបសំណេះសំណាលជាមួយប្រជាពលរដ្ឋនៅក្នុងស្រុក ថ្មគោលផងដែរ ដើម្បីធ្វើការជំរាបជួនពីព្រឹក្តិការណ៏យោបាយនៅក្នុងស្រុកសព្វថ្ងៃជួនដល់ពួក គាត់ឲ្យបានជ្រាប ពិសេសគឺការជំរាបជូនពីសារសំខាន់នៃការបោះឆ្នោត និងជំរុញឲ្យប្រជាពល រដ្ឋទៅបោះឆ្នោតឲ្យបានគ្រប់គ្នានៅថ្ងៃបោះឆ្នោត ដែលក្នុងនោះគណបក្ស សង្គ្រោះជាតិ ដែល​កើតចេញពីការរួមចញ្ចូលគ្នារវាងគណបក្ស សម រង្ស៊ី និងគណបក្ស សិទ្ធិមនុស្ស គឺដើរតួ​នាទី​

សំខាន់បំផុតក្នុងការចូលរួមការបោះឆ្នោតក្នុងអាណត្តិថ្មី​នេះ គណបក្ស សង្គ្រោះ​ គឺមានរូប​សញ្ញា​ព្រះអាទិត្យរះ មានកាំរស្មីចំនួន២៤ដែលតំណាងឲ្យ២៤ខេត្តក្រុង ជាសម្គាល់ ៕