លោកប៉ុលហំមចុះជួបសំណេះសំណាលជាមួយប្រជាពលរដ្ឋនៅខេត្តសៀមរាបដោយឡែក ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តបាត់ដំបងនិងខេត្តកំពង់ឆ្នាំងក៏អញ្ជើញចុះជួបពលរដ្ឋតាមមូលដ្ឋានផងដែរ

ពាក្យចាស់ពោលថា ការតស៊ូគង់បានសម្រេច ! យ៉ាងណាម៉ិញថ្នាក់ដឹកនាំចលនាប្រជាធិប​តេយ្យសង្គ្រោះជាតិ ក៏បាននិងកំពុងតែតស៊ូពុះពាររាល់គ្រប់ឧបសគ្គ ក្នុងការចុះជួបពលរដ្ឋ​ជា​រៀងរាល់ថ្ងៃនៅតាមមូលដ្ឋានទូទាំង២៤ខេត្ត និងរាជធានី ដើម្បី​ធ្វើការផ្សព្វផ្សាយគោល​នយោ​បាយ​របស់គណបក្ស សង្គ្រោះជាតិ ដល់ពលរដ្ឋឲ្យពួកគាត់បានដឹង ក្នុងការឆ្ពស់ទៅទទួលបាន​ជោគជ័យសម្រាប់ការបោះឆ្នោតនៅថ្ងៃអាទិត្យ ទី២៨ ខែ​កក្កដា ឆ្នាំ២០១៣នេះ ។

តួយ៉ាងនៅថ្ងៃទី១៩ ខែមីនា ឆ្នាំ២០១៣ លោក ប៉ុល ហំម អ្នកនាំពាក្យចលនាប្រជាធិបតេយ្យ សង្គ្រោះជាតិ អមតំណើរដោយក្រុមការងារខេត្តសៀមរាប បានចុះជួបពលរដ្ឋពេលព្រឹក​នៅ​ឃុំក្តីរុន ស្រុកពួក និងពេលរសៀលកម្មវិធីប្រាព្វធ្វើនៅភូមិគោកត្រាច ឃុំរើល ស្រុកថ្មពួក​​​ ។

ចំណែកនៅឯខេត្តបាត់ដំបងលោក សោ ចាន់ដេត ក្រុមការងារចលនាប្រជាធិនតេយ្យសង្គ្រោះ ជាតិខេត្ត នៅថ្ងៃទី១៩ ខែមីនា ពេលព្រឹកបានចុះជួបពលរដ្ឋនៅភូមិទួលស្នួល១ ឃុំ​ឃ្លាំងមាស ស្រុកបវិល ពេល​រសៀលជួ​ប​ពលរដ្ឋភូមិបឹងត្រកួន ឃុំឃ្លាំងមាស ស្រុកបវិលដដែល  ។

រីឯនៅខេត្តកំពង់ឆ្នាំង ក្រុមការងារចលនាប្រជាធិបតេយ្យសង្គ្រោះជាតិខេត្ត ចំនួន៣ក្រុម នៅថ្ងៃទី១៩ ខែមីនា ឆ្នាំ២០១៣បានចុះជួបពលរដ្ឋនៅស្រុកចំនួន២ គឺស្រុករលាប្អៀរ និង​ស្រុក​បរិបូណ៌ ដែលក្នុងនោះនៅស្រុករលាប្អៀរមាន៤កន្លែង និងស្រុកបរិបូណ៌មានចំនួន២កន្លែង ផងដែរ ៕