លោកអនុប្រធានកឹមសុខានិងលោកគង់គាំចុះជួបពលរដ្ឋនៅស្រុករមាសហែកនិងស្រុកស្វាយជ្រុំខេត្តស្វាយរៀងចំណែកលោកប៉ុលហំមចុះជួបពលរដ្ឋនៅស្រុកកំពង់ត្រឡាចនិងស្រុករលាប្អៀរខេត្តកំពង់ឆ្នាំង

ថ្នាក់ដឹកនាំគណបក្ស សង្គ្រោះជាតិ ជួបពលរដ្ឋនៅខេត្តស្វាយរៀង

ខេត្តស្វាយរៀង ដែលជាសមរភូមិក្តៅ ទទួលរងគ្រោះយ៉ាងធ្ងន់ធ្ងរពីការរំលោភបំពានបូរណៈ ភាពទឹកដី ពីសំណាក់យួនហាណូយនាពេលកន្លងមក ក្រោមការបើកដៃពីសំណាក់គណបក្ស ប្រជាជន ដែលមានលោក​ ហ៊ុន សែន ជានាយករដ្ឋមន្រ្តី នាពេលកន្លងមក ហើយធ្វើការគំរាម​កំហែងពលរដ្ឋយ៉ាងចាស់ដៃ មិនឲ្យមានសិទ្ធិតវ៉ា និងមិនឲ្យមានការចូលរួមពេញលិញជាមួយ និងគណបក្សផ្សេង ជាពិសេសគឺគណបក្សប្រឆាំង ។

តែអ្វីៗទាំងអស់នេះ សម្រាប់ខេត្តស្វាយរៀងនាពេលបច្ចុប្បន្ន គឺមិនយ៉ាងដូច្នោះទៀតឡើយ មានន័យថា នៅក្រោយពីគណបក្ស សង្គ្រោះជាតិ ដែលមានលោកប្រធាន សម រង្ស៊ី ជាប្រធាន និងលោក កឹម សុខា​ជាអនុប្រធានគណបក្ស គឺធ្វើឲ្យខេត្តស្វាយរៀងមានការកែប្រែមុខមាត់ថ្មី យ៉ាងល្អប្រសើរ នោះគឺពពកខ្មៅងងឹងនាពេលកន្លងមកដែលបានគ្របដណ្តប់មកលើខេត្ត​ស្វាយរៀងជាយូរណាស់មកហើយ បានរសាត់ចេញទៅបាត់យ៉ាងឆ្ងាយ បន្ទាប់ពីវត្តមានរបស់ គណបក្ស សង្គ្រោះជាតិ នៅលើទឹកដីនៃខេត្តស្វាយរៀង ។

គណបក្ស សង្គ្រោះជាតិ សម្រាប់ខេត្តស្វាយរៀងសព្វថ្ងៃ គឺទទួលបានការគាំទ្រយ៉ាងខ្លាំងពីសំ ណាក់ពលរដ្ឋរស់នៅទីនោះ ហើយពលរដ្ឋពួកគាត់លែងខ្លាចក្រែង និងមិនញញើតចំពោះការ គំរាមកំហែងពីសំណាក់គណបក្សកាន់អំណាចទៀតឡើយ ព្រមជាមួយគ្នានោះព្រះអាទិត្យក៏ បាននិងកំពុងតែរះយ៉ាងព្រូងព្រាងគ្រប់ទីកន្លែងនៅលើទឹកដីនៃខេត្តស្វាយរៀង ដែលជារូប​

សញ្ញារបស់គណបក្ស​ សង្គ្រោះជាតិ ។

ដូចគ្នានេះផងដែរ ពលរដ្ឋខ្មែរមិនថាតែនៅខេត្តស្វាយរៀង ក៏ដូចជាពលរដ្ឋរស់នៅគ្រប់តំបន់​នានាទូទាំងប្រទេស គឺពួគគាត់មានសង្ឃឹមយ៉ាងមុតមាំថា សម្រាប់ការបោះឆ្នោតអាណត្តិទី៥ នេះ គណបក្ស សង្គ្រោះជាតិ និងទទួលបានជោគជ័យជាក់ជាមិនខាន ។

យ៉ាងណាម៉ិញនៅថ្ងៃទី០២ ខែមេសា ឆ្នាំ២០១៣ លោក កឹម សុខា អនុប្រធាន គណបក្ស សង្គ្រោះជាតិ និងលោក គង់ គាំ សមាជិកព្រឹទ្ធសភា អមតំណើរដោយលោក រៀល ខេម រិន្ទ្រ ប្រធានក្រុមការងារគណបក្ស សង្គ្រោះជាតិ ខេត្តស្វាយរៀង ព្រមទាំងសមាជិកក្រុមការ​ងារ​ខេត្ត និងស្រុកមួយចំនួន បានចុះជួបសំណេះសំណាល និងផ្សព្វផ្សាយគោលនយោន​របស់​គណបក្ស សង្គ្រោះជាតិ ឲ្យពលរដ្ឋពួកគាត់បានដឹងបន្ថែមលើអ្វីដែលពួកគាត់ធ្លាប់បាន​ទទួល​នា​ពេល​កន្លងមក ដែលកម្មវិធីពេលព្រឹកប្រារព្វធ្វើនៅភូមិសំរោង ឃុំអង្គព្រះស្រែ ស្រុករមាស​ហែក និង​ពេលរសៀល នៅភូមិក្រាំងលាវ ឃុំស្វាយធំ ស្រុកស្វាយជ្រុំ ។ ក្នុងកម្មវិធីទាំង​ពីរខាង​លើ មានវត្តមានប្រជាពលរដ្ឋចូលរួមជាង៧០០រយនាក់ក្នុងមួយកន្លែងៗ ។

ចំណែកនៅខេត្តកំពង់ឆ្នាំង លោក ប៉ុល ហំម ដែលជាប្រធានគណៈកម្មាធិការនាយក រួមជា​មួយនិងក្រុមការងារខេត្ត ហើយនិងស្រុក បានចុះជួបជាមួយប្រជាពលរដ្ឋពេលព្រឹកនៅភូមិថ្ម​ឥដ្ឋ ឃុំថ្មឥដ្ឋ ស្រុកកំពង់ត្រឡាច និង ពេលរសៀលលោក ហ៉ុល ហំម រួមជាមួយនិងសហការី បានបន្តដំណើរចុះជួបពលរដ្ឋនៅភូមិគោបន្ទាយ ឃុំគោកបន្ទាយ ស្រុករលាប្អៀរ ។

រីឯនៅខេត្តសៀមរាបលោក សុខ គឹមសេង អនុប្រធានក្រុមការងារគណបក្ស សង្គ្រោះជាតិ​ខេត្ត និងសហការី បានធ្វើតំណើរចុះចែកខិតប័ណ្ណដែលមានភ្ជាប់ជាមួយនូវសារនយោបាយ របស់គណបក្ស​ សង្គ្រោះជាតិ ដល់ពលរដ្ឋចំនួន៤ភូមិស្ថិតនៅក្នុងឃុំស្រណាស់ ស្រុកក្រឡាញ់ និងពេលេសៀលធ្វើចំនូន៤ភូមិផងដែរ ហើយសកម្មភាពចុះចែកខិតប័ណ្ណនេះ ធ្វើ​ឡើងនៅឃុំ​រោង​គោ ស្រុកក្រឡាញ់ដដែល ៕