លោកស្រី យីងឡាក់ នាយករដ្ឋមន្ត្រីថៃ (រូបថត Wikimedia)
នៅក្នុងរយៈពេលចុងក្រោយនេះ ស្ថានការណ៍នយោបាយនៅក្រុងបាងកក នៅតែបន្តហ្វឹកវរ ដោយសារតែក្រុមប្រឆាំង ជំរុញឲ្យលោកស្រី យីងឡាក់ ចាកចេញពីគណៈរដ្ឋមន្ត្រី ឲ្យបានមុនការបោះឆ្នោតចូលមកដល់ដែលករណីនេះ ទាមទារឲ្យមានឥស្សរជនម្នាក់ មកជំនួស លោកស្រី យីងឡាក់ក្នុងឋានៈជានាយករដ្ឋមន្ត្រីបណ្ណោះអាសន្ន។
តាមសេចក្ដីរាយការណ៍ដំបូងៗហើយ មិនទាន់ផ្លូវការ ទំនងជា លោក លោកប្រាវីត វង់ស៊ូវ៉ាន អតីតរដ្ឋមន្ត្រីការពារជាតិ របស់អតីតនាយករដ្ឋមន្ត្រី អាប់ភីស៊ិត នឹងស្នើឲ្យទទួលតំណែងនាយករដ្ឋមន្ត្រី នៅពេល លោកស្រី យីងឡាក់ ព្រមចាកចេញពីគណៈរដ្ឋមន្ត្រី ឬក៏ត្រូវបានបណ្ដេញចេញដោយប្រការណាមួយ។ ប្រភពក្រៅផ្លូវការនេះ បានកើតមាននៅពេលដែលមានព័ត៌មានថា លោក ប្រាវីត វង់ស៊ូវ៉ាន បានជួបជំនុំជាមួយមេទ័ពជាច្រើន ជាពិសេសជាមួយ លោក ប្រាយុទ្ធ ចាន់អូចា អគ្គមេបញ្ជាការកងទ័ព និងអតីតប្រមុខកងទ័ព អានុពង់ ផាវចិន្តា កាលពីថ្ងៃអង្គារ ហើយក្នុងនោះ មានទាំងលោកសូថេបថុងសូបាង មេដឹកនាំបាតុករផងដែរ។
ប៉ុន្តែ លោក ប្រាវីត វង់ស៊ូវ៉ាន បានច្រានចោលព័ត៌មានអំពីជំនួបរបស់លោក ជាមួយ លោកសូថេប ថុងសូបាង។ ឧត្តមសេនីយ៍ ប្រាវីត បានកាសែតថៃ The Nation ថា របាយការណ៍នេះ គ្មានមូលដ្ឋាននិងមិនពិតទាំងស្រុង៕
No comments:
Post a Comment
yes