លោក យឹម សុវណ្ណ : ប្រហែលជា ៤ , ៥ មណ្ឌល
តំណាងរាស្ត្រត្រូវផ្លាស់ប្តូរដោយមានអ្នកខ្លះ
ទៅឈរឈ្មោះនៅព្រឹទ្ធសភា
តំណាងរាស្ត្រត្រូវផ្លាស់ប្តូរដោយមានអ្នកខ្លះ
ទៅឈរឈ្មោះនៅព្រឹទ្ធសភា
បញ្ហាចម្រូងចម្រាសផ្ទៃក្នុងគណបក្ស សម រង្ស៊ី ពីការទាមទារអោយមានការអនុវត្តគោលការណ៏តំណាងរាស្ត្រពាក់កណ្តាលអាណត្តិ នៅតែជាចំណោទក្នុងគណបក្ស សម រង្ស៊ី នៅឡើយ។ ប៉ុន្តែការដោះស្រាយត្រូវបានថ្នាក់ដឹកនាំធ្វើការសម្របសម្រួលបានជិតចប់ហើយ ។មន្ត្រីអ្នកនាំពាក្យគណបក្ស សម រង្ស៊ី លោក យឹម សុវណ្ណ បានអោយដឹងថា ទាក់ទងនិងការធ្វើញ្ញាត្តិស្នើ
អោយលោក សម រង្ស៊ី អនុវត្តគោលការណ៏ពាក់កណ្តាលអាណត្តិនោះ ដោះស្រាយជិតបាន
១០០ភាគរយហើយ ពីព្រោះមានថ្នាក់ដឹកនាំខ្លះត្រូវទៅឈរឈ្មោះនៅព្រឹទ្ធសភា ជាពិសេសអ្នដែលមានវ័យចំណាស់ ហើយមានអ្នកបន្តបន្ទាប់ឡើងទៅធ្វើនៅរដ្ឋសភា។ ហើយតាមធម្មតាដំណោះស្រាយណាក៏ដោយ មិនដែលមានមនុស្សស្របគ្នាទាំងអស់នោះទេ។លោក យឹម សុវណ្ណ បានបន្តថា គណបក្ស សម រង្ស៊ី មិនដែលឈ្លោះគ្នាដើម្បីអំណាចនោះទេ។ ដោយលោកបានបញ្ឆាក់ថា ប្រហែលជា ៤ ឬ៥ មណ្ឌលត្រូវផ្លាស់ប្តូរ ហើយមានអ្នកខ្លះមិន
នៅក្នុងរង្វង់ដោះស្រាយទេ ប៉ុន្តែពួកគាត់មិនយល់ គាត់ទៅចុះហត្ថលេខា
ហើយភាគច្រើនដោះស្រាយបានស្ងប់ស្ងៀម។អ្នកនាំពាក្យគណបក្ស សម រង្ស៊ី បានបន្ថែមទៀតថា ក្នុងចំណោមអ្នកទាំង៨នាក់ធ្វើញ្ញាត្តិទាមទារដោះស្រាយតំណាងរាស្ត្រពាក់កណ្តាលអាណត្តិ បានដោះស្រាយ ៦ ៧នាក់ហើយ ដោយមានអ្នកខ្លះទៅឈ្មោះនៅព្រឹទ្ធសភានិងទៅសភា។
សូមជម្រាបថា សមាជិកគណកម្មាធិការនាយកគណបក្ស សម រង្ស៊ី ចំនួន៨នាក់
បានធ្វើញ្ញាតទៅលោក សម រង្ស៊ី កាលពីថ្ងៃទី២៣ មករា បានស្នើអោយមេបក្ស
របស់ខ្លួនអនុវត្តគោលការណ៏ពាក់កណ្តាលអាណត្តិ៕
សូមជម្រាបថា សមាជិកគណកម្មាធិការនាយកគណបក្ស សម រង្ស៊ី ចំនួន៨នាក់
បានធ្វើញ្ញាតទៅលោក សម រង្ស៊ី កាលពីថ្ងៃទី២៣ មករា បានស្នើអោយមេបក្ស
របស់ខ្លួនអនុវត្តគោលការណ៏ពាក់កណ្តាលអាណត្តិ៕
No comments:
Post a Comment
yes