ទារិកាអាយុ៤ខែត្រូវរលកបក់យកចេញពីដៃរបស់ឪពុក
តែមិនស្លាប់
ទាហានសង្គ្រោះបង្ហាញទឹកមុខរីករាយដោយសាររកឃើញទារិកា
ទារិកាអាយុ៤ខែនិងឪពុករបស់វា សម្លេងក្មេងយំចេញពីគំនរភ្នំសម្រាមនិងវាលភក់ដែលពួកទាហាន ជួយ សង្គ្រោះមិនគិតថានឹងអាចរកឃើញមនុស្សនៅរស់រានមានជីវិតទេ។តែ ពួកគេប្រាកដក្នុងចិត្តថាពួកគេមិនមែនខ្មោចលងទេនិងវាជាសម្លេង ក្មេងយំយ៉ាងពិតប្រាដក។
ពួកគេបានខិតខំទាញឈើនិងបន្ទះដែកហើយកកាយដីមុនពេលបានឃើញអ្វីដែលពួកគេពិពណ៌នាថាជា“អព្ភូតហេតុតូចច្រឡឹង”មួយ។
ទារិកាអាយុ៤ខែត្រូវរលកស៊ូណាមីវាយបោកយកចេញពីដៃឪពុករបស់វា នៅក្នុងភូមិអ៊ិស៊ីណូម៉ាគីហើយអស់រយៈពេលបីថ្ងៃក្រោយមកឪពុកម្តាយ របស់ក្មេងដ៏មានសំណាងនេះជឿថាកូនរបស់គេមុខជាស្លាប់បាត់ទៅហើយ។
តែកាលពីថ្ងៃចន្ទ ភាពសោកសៅត្រូវបានប្រែក្លាយជាសប្បាយរីករាយមួយភ្លែតនៅពេលរកឃើញទារិកានេះនៅរស់។
ទាហានមកពីកងកម្លាំងការពារជាតិជប៉ុនបានធ្វើដំណើរពីផ្ទះមួយទៅ ផ្ទះមួយដើម្បីទាញយកសាកសពពីផ្ទះដែលត្រូវរលកវាយគ្របពីលើនៅភូមិ អ៊ិស៊ីណូម៉ាគី ជាទីប្រជុំជនឆ្នេរនៅភាគឦសានក្រុងសិនដាយ។ជនរងគ្រោះ ភាគច្រើនជាមនុស្សចាស់ ដែលពិបាកគេចពីរលកខ្មៅពិឃាត។
កាលពីថ្ងៃចន្ទនេះដែរ អ្នកជួយសង្គ្រោះបានរកឃើញស្ត្រីចំណាស់ម្នាក់ដែលជាប់ក្នុងរថយន្ត អស់២០ម៉ោង។មុននេះលោកតាម្នាក់ត្រូវបានជួយសង្គ្រោះចេញពីដំបូលផ្ទះ ដែលត្រូវរលកបក់នាំចូលក្នុងសមុទ្រចម្ងាយ១៥គីឡូម៉ែត្រពីឆ្នេរ។
បុរសដែលមានអាយុប្រមាណ៧០ឆ្នាំម្នាក់ក៏ត្រូវបានទាញចេញពីអគារបាក់បែកមួយនៅទីក្រុងសិនដាយ។
.........................................................................................................................
ពីគេហទំព័រ រស្មីកម្ពុជា: http://cen.com.kh/internews/show_detail/37?token=NTBhYzM5Njg4MTE3ZGUyYzA5NTM1Njc3NDJhNzll
No comments:
Post a Comment
yes