យោងតាមម៉ាស៊ីនឃោសនាក្នុងស្រុកថា យន្តហោះទេសចរណ៍មួយគ្រឿងហោះមកពីអាល្លឺម៉ង់បានធ្លាក់ កាលពីយប់ថ្ងៃទី២៨ តុលា ជិតផ្លូវយន្តហោះនៃព្រលានយន្តហោះ TOULOUSE-BLANNAC ប្រទេសបារាំង បណ្តាលឱ្យមនុស្សស្លាប់៣នាក់ និងរបួសធ្ងន់ម្នាក់។
យន្តហោះម៉ាស៊ីន២ PIPER-CHEYENNE មានកៅអីពី៨ទៅ១០កន្លែងបានធ្លាក់តែប៉ុន្មានរយម៉ែត្រប៉ុណ្ណោះ ខាងមុខផ្លូវព្រលាន ហើយឆេះពេលធ្លាក់ដល់ដី ។ លើយន្តហោះនេះមានមនុស្សជិះ៤នាក់ស្ថិតក្នុងគ្រួសារតែមួយ។ ក្នុងចំណោមមនុស្សទាំង៤នាក់ ២នាក់ជាមនុស្សពេញវ័យ ហើយ២នាក់ទៀតជាកុមារ ម្នាក់អាយុ៩ឆ្នាំ និងម្នាក់ទៀតអាយុ១៣ឆ្នាំ។ ឪពុកម្តាយពួកគេស្លាប់នៅនឹងកន្លែង ហើយកូនស្រីពួកគេអាយុ១៣ឆ្នាំ ស្លាប់ក្រោយមកនាព្រឹកថ្ងៃទី២៩ តុលា តែកូនប្រុសអាយុ៩ឆ្នាំ របួសធ្ងន់ត្រង់ជើង ហាក់ដូចជារួចផុតពីការស្លាប់។ មូលហេតុនៃគ្រោះថ្នាក់នេះនៅពុំទាន់ដឹងនៅឡើយ ៕
No comments:
Post a Comment
yes