លោក ហ៊ុន សែន បានថ្លែងនៅក្នុង អង្គមីទ្ទីញ គោរពខួប៨៩ យាងចូល៩០ព្រះវស្សា របស់សម្តេចឪ
នៅព្រឹកថ្ងៃទី២៩ ខែតុលា ថា កិច្ចព្រមព្រៀងទីក្រុងប៉ារីស មិនបានលុបបំបាត់អង្គការ ចាត់តាំងខាងនយោបាយ និងយោធាខ្មែរក្រហមនោះទេ។ ប៉ុន្តែផ្ទុយទៅវិញមានការរិះគន់ពីមជ្ឈដ្ឋានខ្លះថា រាជរដ្ឋាភិបាលកម្ពុជា មិនបានធ្វើស្របតាម កិច្ចព្រមព្រៀងទីក្រុងប៉ារីសទៅវិញ។
លោក ហ៊ុន សែន នាយករដ្ឋមន្ត្រី ដ៏មានឥទ្ធិពល នៃកម្ពុជា នៅចំពោះព្រះភក្រ្តព្រះមហាវីរក្សត្រ សម្តេចព្រះ នរោត្តម សីហនុ សម្តេចព្រះវរៈរាជមាតាជាតិ ខ្មែរសម្តេច ព្រះនរោត្តម មុនិនាថ សីហនុ និងព្រះករុណាសម្តេចព្រះ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាផងដែរថា ទន្ទឹមការស្តាប់ និងកសាងនូវអ្វីជាការខ្ទេចខ្ទាំ ការការពារ និងទប់ស្កាត់ការវិលត្រឡប់របស់ខ្មែរក្រហម គឺជាកិច្ចការចម្បងទីពីររបស់គណបក្សប្រជាជានកម្ពុជា។
លោក ហ៊ុន សែន ក៏បានបញ្ជាក់ថា «កិច្ចព្រមព្រៀងទីក្រុងប៉ារីសមិនបានកំណត់ឲ្យរំលាយ អង្គការចាត់តាំងខាង នយោបាយ និងយោធារបស់កម្ពុជាប្រជាធិបតេយ្យ ដែលជាប្រភព នៃរបបប្រល័យពូជសាសន៍ និងសង្គ្រាមនោះឡើយ ផ្ទុយទៅវិញកិច្ចព្រមព្រៀងទីក្រុងប៉ារីស បានតម្រូវឲ្យភាគីខ្មែរក្រហម ជាភាគីស្របច្បាប់នៅកម្ពុជាទៀតផង»។
លោក ហ៊ុន សែន បានបន្តរទៀតថា ប្រសិនការធ្វើបែបនេះ ពិតជាមានកំហុសឆ្គងមែន នោះលោកក៏ដូចជារដ្ឋាភិបាលហ៊ានទទួលខុសត្រូវ។ “ខ្ញុំព្រះករុណានេះ ហើយជាអ្នកចេញ និងដឹកនាំដោយផ្ទាល់ នូវគោលនយោបាយឈ្នះ ឈ្នះ ដើម្បីរំលាយអង្គការចាត់តាំងខាងនយោបាយ និងយោធាខ្មែរក្រហម”។ “ក្នុងការអនុវត្តន៍កិច្ចព្រមព្រៀងនេះ ហត្ថលេខីនៃភាគីខ្មែរក្រហម បានដកខ្លួនចេញមិនព្រមអនុវត្តន៍ ហើយរកគ្រប់វិធី ដើម្បីបំផ្លាញដំណើរការអនុវត្តន៍ កិច្ចព្រមព្រៀងទីក្រុងប៉ារីស ក្នុងស្ថានភាពបែបនេះ រដ្ឋាភិបាល នៃរដ្ឋកម្ពុជា បានខិតខំថែរក្សានូវអាយុជីវិត នៃកិច្ចព្រមព្រៀងនេះ ដោយបានអនុវត្តន៍យ៉ាងម៉ឹងម៉ាត់ ក្នុងប្រការទាំងឡាយក្នុងកិច្ចព្រមព្រៀង»។
យ៉ាងណាក៏ដោយ លោក ហ៊ុន សែន បានថ្លែងបញ្ជាក់ផងដែរថា មីទ្ទិញមហាជនអបអរខួប២០ឆ្នាំ នៃការយាងនិវត្តន៍របស់សម្តេចឪ និងសម្តេចម៉ែ និងព្រះរាជពិធីបុណ្យ ចម្រើនព្រះជន្មសម្តេចឪ គម្រប់ខួប៨៩ យាងចូល៩០ព្រះវស្សានាពេលនេះ ជាការបង្ហាញនូវទឹកចិត្ត សោមនស្សរីករាយថ្វាយ ព្រះករុណា សម្តេចព្រះនរោត្តម សីហនុ ។ តាមព្រះរាជពង្សាតាខ្មែរ គ្មានក្សត្រអង្គណាមានព្រះជន្មវែង ដូចព្រះករុណា សម្តេចព្រះនរោត្តមសីហនុ នោះទេ៕
No comments:
Post a Comment
yes