ព្រះតេជព្រះគុណ ច័ន្ទ សុផាត ប្រធានសម្ព័ន្ធសមណនិស្សិត-និស្សិតខ្មែរកម្ពុជាក្រោម បានមានសង្ឃដីកាថា ការរៀបចំអង្គមហាសន្និបាតវិសាមញ្ញ ដើម្បីបោះឆ្នោត ជ្រើតាំងថ្នាក់ដឹកនាំថ្មីនេះ គឺមកពីវិញ្ញាបនប័ត្របញ្ជាក់ពីនីតិសម្បទា នៃសម្ព័ន្ធសមណនិស្សិត-និស្សិតខ្មែរកម្ពុជាក្រោម ត្រូវអស់អាជ្ញាយុកាល ហើយដែលតម្រូវសម្ព័ន្ធសមណនិស្សិត-និស្សិតខ្មែរកម្ពុជាក្រោម រៀបចំសំណុំឯកសារ ស្នើសុំបន្តអាជ្ញាយុកាលឡើងវិញ ពីក្រសួងធម្មការ និងសាសនា នៃព្រះរាជាណាចក្រកម្ពុជា។
ព្រះអង្គបានមានសង្ឃដីកាបន្តទៀតថា ក្នុងឱកានោះ ព្រះអង្គក៏បានពិគ្រោះយោបល់
ជាមួយនឹងក្រុមគណៈកម្មការ ក្នុងកិច្ចប្រជុំពេញអង្គ កាលពីខែកក្កដាកន្លងទៅ ហើយអង្គប្រជុំ ក៏បានឯកភាពដោយទទួលបានសម្លេងយល់ស្រប ស្ទើតែទាំងស្រុង ក្នុងការរៀបចំអង្គមហាសន្និបាតវិសាមញ្ញនេះឡើង។
ព្រះតេជគុណ ក៏បានបន្ថែមថា ដោយលិខិតអនុញ្ញាតពីក្រសួងធម្មការ និងសាសនា អស់សុពលភាព ហើយការប្តូរនូវឯកសារ អាជ្ញាប័ណ្ណពីក្រសួង ក៏មានការលំបាក ក្នុងអាណត្តិមួយៗ។ រីឯការអស់សុពលភាព នៃអាជ្ញាប័ណ្ណពីក្រសួងធម្មការ និងសាសនា ក៏ត្រូវប្ដូរក្នុងខែតុលានេះ។
សម្ព័ន្ធសមណនិស្សិត-និស្សិតខ្មែរកម្ពុជាក្រោម បានទទួលចុះឈ្មោះ និងជ្រើសតាំងបេក្ខជនឈរឈ្មោះចំនួន ១៥ រូប សម្រាប់ការប្រកួតប្រជែងដណ្ដើមយកបេក្ខភាពជាប្រធានដឹកនាំ ក្នុងអាណត្តិថ្មីនេះ។
ព្រះភិក្ខុ ហ៊ាន ហោយ ជាសមណនិស្សិត មានដើមកំណើត មកពីទឹកដីកម្ពុជាក្រោម ដែលព្រះអង្គបានដាក់ពាក្យសុំឈរឈ្មោះជាបេក្ខជនប្រធាន បានមានពុទ្ធដីកាថា បើព្រះអង្គបានជាប់ឆ្នោត ជាប្រធាន ព្រះអង្គនឹងប្រើប្រាស់ឲ្យអស់ពីសមត្ថភាព ដើម្បីដឹកនាំសម្ព័ន្ធសមណនិស្សិត-និស្សិតខ្មែរកម្ពុជាក្រោម ឲ្យកាន់តែមានភាពរីកចំរើន។
សូមជម្រាបថា មហាសន្និបាតរបស់សម្ព័ន្ធសមណនិស្សិត -និស្សិតខ្មែរកម្ពុជាក្រោម នៅកម្ពុជា ធ្វើឡើងរយៈពេល ៣ឆ្នាំម្តង។ នៅថ្ងៃទី៣០ តុលា ឆ្នាំ២០១១នេះ គឺជាមហាសន្និបាតលើកទី៤៕
CEN
No comments:
Post a Comment
yes